Yoswa 9:7 - Amazwi Yakwe Leza 2013

⁷ Aina Izlaeli iyanena aina Hivi yalya yati, “Limwi mwemo mukaikala mu pipi naswe. Ndi cakuti avino cili, uzye lyene tungacita uli cipangano namwe?”

Yoswa 9:7 Referans Kwoze

Yoswa 11:19

Kutali amu musumba wao nanti onga yano yacisile cipangano ca mutende na ina Izlaeli, suka sile aina Hivi yano yikalanga mu Gibyoni. Asyala yonsi yayacimvizye mu nkondo.

Yakapingula 2:2

Acino namwe kwene mutakezye kupangana na antu amu mpanga ii, lelo muce monone utuvuwa twao.’ Nga nalyo kwene mwemo mwakana ukunjela. Uzye pacani cino mwacita cino namulesizye?

Yoswa 9:1

Lyene yamwene yonsi aikalanga ku uwondaka wa Luzi lwa Yodani yuvwa ivintu vii vyonsi, yano yonsi aikalanga mu mpanga ya myamba, nu mu misana ya twamba yaku uwondaka, nu mu nkumba yonsi yakwe Yemba wa Adiliya kufika na lwaku katutu ku Lebanoni, nga na yamwene ya ina Hiti, na ina Amoli, na ina Kenani, na ina Pelizi, na ina Hivi, nga na ina Yebusi

Malango 20:16

“Lelo lino mwaca mwapoka imisumba ya mpanga ino Yawe Leza winu akumupeela iye iyakwinu, muce mukome antu yonsi.

Mpendwa 33:52

mulinzile ukuzinga aikazi yamwenemo yonsi kwene. Monone nu tuluwi twao tonsi tuno yawaza na tuno yengulula kwene. Mukonone ni ncende zyao kwene zino yakapepela mwenemo.

Kufuma 34:12

Mutacita cipangano na antu ya, ku mpanga ino mukuyako, pano limwi mungaiteya lukose lwakulenga kuti mwaifya kuli Yawe.

Kufuma 3:8

Caleka natiniza kuti njatuule ukufuma mu makasa ya ina Eguputo nu kuyafumya mu mpanga ilya, nga njatwale ku mpanga ino ili ni ncende ikulu nupya ivunde cuze. Mpanga ilya ya ina Kenani, aina Hiti, aina Amoli, aina Pelizi, aina Hivi, na ina Yebusi.

Utandiko 34:2

Lino Syekemu umwana wakwe Hamoli mwina Hivi, umukalamba uwamu muputule wa mpanga ilya wamulola, amulema ku maka nu kulongozya nawe.

Utandiko 10:17

Hivi, Aliki, Sini,

Yakapingula 3:3

Yao asile mu mpanga ilya yali aikazi amu misumba isano ya ina Filisti, na ina Kenani yonsi, na ina Sidoni, na ina Hivi aikalanga mu myamba yaku Lebanoni. Ukutandikila lwaku Mwamba wa Baali Helimoni ukufika pa wingililo wa Lebo Hamati.

Kufuma 23:22

Lelo ndi muvwila wiyo kwene nu kucita vyonsi vino akumunena, lyene Nene kwene tulapatana na anisi inu, nupya wensi wino wapata mwemwe tulalozyanya nawe.

2 Samueli 24:7

Lyene iyaya lwaku kaeya ku Tuli, umusumba wi linga, nga nu ku misumba yonsi iya ina Hivi na ina Kenani, nga nu mukusyalikizya iyaya ku Belisyeba, lwaku kaeya ka mpanga yakwe Yuda.