Yoswa 9:6 - Amazwi Yakwe Leza 2013

⁶ Lyene iyaya kuli Yoswa mu nsakwe ku Giligali nga yanena aliwe na ina Izlaeli, yati, “Twafuma ku mpanga imwi ukutali. Tukasi kuti tucite cipangano namwe.”

Yoswa 9:6 Referans Kwoze

Yoswa 5:10

Lino ilanzi lyawa pa wanda uwalenga ikumi na yani, lino yatenzi mu nsakwe zyao zino yakuuzile ku Giligali lwa ku manyika aku Yeliko, aina Izlaeli iyazevya Cimulo ca Ucilo.

2 Yamwene 20:14

Ezaya kasema ali pakuya ku mwene Hezekiya nga amuuzya ati, “Uzye antu yaa yafumile kwi, nupya ivyani vino yalanda kunuli?” Hezekiya nawe aasuka ati, “Yafumile ku mpanga ya kutali sana, uku Babiloni.”

1 Yamwene 8:41

“Mwinamasi asi wa kazi ka antu yako aina Izlaeli ndi cakuti wafuma ukutali nu kwiza kuno, pamulandu wi zina lyako,

Yoswa 10:43

Lyene Yoswa aswilila pamwi na ina Izlaeli yonsi ku nsakwe zyao ku Giligali.

Yoswa 9:9

Lyene nayo yaasuka yati, “Musambazi, kwene swemo kuno twafuma ukutali sana, pamulandu wa kuvwa ululumbi lwakwe Yawe Leza winu. Pasi pano twatituvwa vyonsi vino wene wacisile umu Eguputo,

Yoswa 9:5

Antu yalya iyazwala indyatu izisile nga ni vinyanko. Nu mukate uno yasenzile wali uume solokoto nupya uvungoke.

Yoswa 4:19

Pa wanda uwalenga ikumi, mu mwezi wakutandika antu yalamvile Luzi lwa Yodani, iyaya yakuula insakwe mu Giligali pa mupaka waku ufumondaka wa musumba wa Yeliko.

Yoswa 10:6

Lyene aina Gibyoni iyatuma inkombe kuli Yoswa mu nsakwe ku Giligali yati, “Mutezya kutazyela aomvi inu. Lelo izini kuno zuwa mututuule! Izini mutwazwe, pamulandu wakuti yamwene ya ina Amoli ukufuma mu mpanga ya myamba yatiyuminkanya ivita vyao kuti yatulwisye.”