Yoswa 9:17 - Amazwi Yakwe Leza 2013

¹⁷ Acino aina Izlaeli iyatenuka nga pa wanda uwalenga yatatu iyafika ku misumba yao kuno yakaikala. Ni misumba iyo aei: Gibyoni, Kefila, Beeloti na Kilyati Yealimu.

Yoswa 9:17 Referans Kwoze

Ezila 2:25

Amu musumba wa Kilyati Yealimu, Kefila na Beeloti yali imyanda cinimbali, amakumi yani na yatatu (743).

Neemiya 7:29

Aonsi aku Kilyati Yealimu, Kefila na Beeloti yali 743

1 Milandu 21:29

Itaalu lya Ukongano lyakwe Yawe, lino Mose wapanzile mu lwanga, nga na kavuwa ka mawila yakoca alanga vili umu ncende yakupepelamo uku Gibyoni.

1 Samueli 7:1

Caleka aina Kilyati Yealimu yiiza yasenda Mbokosi ya Upangano yakwe Yawe. Iyaitwala ku ng'anda yakwe Abinadabu pa mwamba. Alino iyapaatula Eleaza umwana wakwe umonsi kuti asunga Mbokosi ya Upangano yakwe Yawe.

Yoswa 18:14

Alino umupaka iufumila ku mwamba uno walozyanya amanso na Beti Holoni, iupetukila ku kaeya ukufuma lwaku uwondaka wa mwamba uu nga iulungama ku Kilyati Baali (nanti Kilyati Yealimu), umusumba wa amu mutundu wakwe Yuda. Uu, uwali umupaka waku uwondaka.

Yoswa 15:60

Na Kilyati Baali (kuli kuti, Kilyati Yealimu) na Laba. Yonsi pamwi yali imisumba iili ni mizi yakweyo.

Yoswa 15:9

Alino ukufuma papela ya mulundu ulya umupaka iuya ku tufukoka twakwe Nefutoa, nga iufumila ku misumba ya Mwamba wa Efuloni nga iutentemukila ku Baala (kuli kuti, Kilyati Yealimu).

Yoswa 10:2

Apakuvwa vivyo aina Yelusalemu iciyasakamika sana, pamulandu wakuti Gibyoni wali umusumba ukulu wa musumba wakwisano. Wene wali ukulu ukuluta umusumba wa Ai nga na onsi akweneko yali ivita ivyampomvu.

Yoswa 9:3

Lelo lino aikazi yaku Gibyoni yuvwa vino Yoswa wacitile umusumba wa Yeliko nu wa Ai,

Yoswa 9:9

Lyene nayo yaasuka yati, “Musambazi, kwene swemo kuno twafuma ukutali sana, pamulandu wa kuvwa ululumbi lwakwe Yawe Leza winu. Pasi pano twatituvwa vyonsi vino wene wacisile umu Eguputo,

Yoswa 9:16

Lelo walanga papita sile amanda yatatu ukufuma pano yacitile cipangano, aina Izlaeli iyamanya ukuti cumi cumi antu yalya ainipamba, aikalanga mupipi na aliyo.

Yoswa 9:18

Lelo aina Izlaeli yatayazanzile, pamulandu wakuti intunguluzi zi uvi zyalafile nu mulapo kunoyali umwi zina lyakwe Yawe, Leza wa ina Izlaeli. Iuvi lyonsi iliilizyanya pali cii ku ntunguluzi.

Yoswa 18:15

Umupaka uwayelile ku kaeya wali vii: ukutandikila pa mpela yakwe Kilyati Yealimu lwaku uwondaka, umupaka waya watunkila pa tufukoka twaku Nefutoa.

Yakapingula 18:12

Iyatumbela iyaya yakuula insakwe pipi nu ku Kilyati Yealimu mu mpanga yakwe Yuda. Uli mulandu uno incende iyaya lwaku uwondaka wa Kilyati Yealimu ni lelo kwene ikaamwa ukuti Maane Dani.

1 Samueli 6:21

Lyene iyatuma inkombe ku ina Kilyati Yealimu, iyati, “Aina Filisti yatiyawezya Mbokosi ya Upangano yakwe Yawe. Acino tentemukilini kuno mwize muisende ku mwinu kuko.”

2 Samueli 4:2

Isyibosyeti wakweti aomvi yaili yano yali intunguluzi zya vita ivyazanzanga. Wenga wali a Baana nu muze wali a Lekabu, ana aonsi yakwe Limoni umwina Beeloti, uwamu mutundu wakwe Benjamini. Beeloti nawe kwene yamwelenganya ukuya uwamu mutundu wakwe Benjamini,

1 Milandu 2:50

Yakwene yali amu mupanda wakwe Kalebu. Ana yakwe Huli, iyeli lyakwe Efulata, a Syobali uwali a isi wakwe Kilyati Yealimu,

1 Milandu 2:52

Amu mupanda wakwe Syobali, isi wakwe Kilyati Yealimu, a Haloe na citika wa ina Manaati.

1 Milandu 2:53

Ni nko zyonsi zyakwe Kilyati Yealimu aizi: aina Itili, aina Puti, aina Syumati na ina Misyilai. Na amu mutundu wakwe Zola nga na Esyitaoli ali amu mupanda wao.

Yelemiya 26:20

Akuno wali umuntu namuze wino wasemanga mwi zina lyakwe Yawe, a Uliya umwana wakwe Syemaya uwaku Kilyati Yealimu. Wene wasemile apa musumba kwene uu na pa mpanga kwene ii amazwi ali yamwi kwene ndi yano Yelemiya watasema umwi lelo.

1 Milandu 12:4

alino na Isyimaya uwaku Gibyoni, ikonkoto limwi ilya vita impendwa amakumi yatatu. Nga a Yelemiya, Yaazieli, Yoanani, Yozabadi uwaku Gedela,