Yoswa 9:14 - Amazwi Yakwe Leza 2013

¹⁴ Aina Izlaeli iyazumila ukutoola ivyakulya vimwi ukufuma kunoyali ukwaula ukuuzya Yawe pa vyakulya vivyo.

Yoswa 9:14 Referans Kwoze

Mpendwa 27:21

Nga Lelo ali nu kulaiza kuli simapepo Eleaza. Aliwe alaamuzizya nu kumanya ukulonda kwane ukupitila mukuomvya Ulimu na Tumimu. Umu nzila kwene ii, Eleaza alaatungulula Yoswa nga na aina Izlaeli yonsi muli vyonsi vino viyapazi.”

Yakapingula 1:1

Pacisila ca kufwa kwakwe Yoswa, aina Izlaeli yuzya Yawe yati, “Uzye umutundu cii pa mitundu itu umatandikilapo ukulwisya aina Kenani?”

Yakobo 1:5

Lelo ndi umwi uwa munomuli ulilwa mano, wene alinzile kulenga Leza, nga nawe alamupeela, pano Leza akapeela kuli yonsi kwaula kasoozi.

Ezila 8:21

Kuku kwene uku luzi lwa Aava, nemo ne Ezila napiile antu amasunde akuti swemo swensi tutale tute ukulya, pakuti tuicefye kuli Leza, tumupapate apakuti atutungulule umu ulendo witu nu kutucingilila, sweswe pamwi na ana itu, kumwi ni vyuma vitu vyonsi.

2 Samueli 5:19

Acino Davidi auzya Yawe ati, “Uzye ningaya nkalwisye aina Filisti? Uzye umapeela aina Filisti umu makasa yane?” Yawe aasuka ati, “Ee, yanga ukayalwisye, pano icumi kwene namayapeela umu makasa yako.”

Yakapingula 20:28

nu waisunganga wali a Pineasi umwana wakwe Eleaza, umwana wakwe Aloni.) Aina Izlaeli iyuzya Yawe yati, “Uzye nupya kwene tuye tukalwisye aina itu aina Benjamini nanti tute sile?” Yawe nawe aasuka ati, “Ee, yangini mukayalwisye. Mutondo indayapeela mu makasa inu.”

2 Samueli 2:1

Pacisila ca nsita imwi, Davidi auzya Yawe ati, “Uzye nje inkateeke umusumba onga pa misumba ya mpanga yakwe Yuda?” Yawe nawe aasuka ati, “Ee, yanga.” Davidi nawe auzya ati, “Uzye ungaya umusumba cii?” Yawe nawe aasuka ati, “Umusumba wa Hebuloni.”

Yakapingula 20:18

Aina Izlaeli pali pakuya ku Betele nu kuuzya Leza yati, “Uzye umutundu cii ulinzile kuya uwankolelo ukuzanza aina Benjamini?” Yawe nawe aasuka ati, “Umutundu wakwe Yuda ulinzile kutandikilapo ukuya kweneko.”

1 Samueli 22:10

Aimeleki nawe auzya Yawe vino Davidi alinzile ukucita. Alino lyene amulongelezya impao nu lupanga lwakwe Golyati umwina Filisti.”

Kufuma 28:30

Mu cakuzwala ca pacisao cico uwaikamo vintu vyamuzilo vyakwe Yawe vino vikaamwa ukuti Ulimu na Tumimu, kuti vintu vivyo vyaya pa cakuzwala ca pacisao cakwe Aaloni pakuya kuli Yawe. Avino Aaloni akaaya ku manso yakwe Yawe insita zyonsi, akakwata vyakumwazwa kupingula ningo aina Izlaeli.”

Yoswa 9:13

Ni nyambi zii zyakwe waini zyali izipya lino twazuzizyemo waini, lelo si lola vino zyatizilepoka. Silola vino ivyakuzwala vitu ni ndyatu zitu vyativinyansoka pamulandu nu utali wa lwendo.”