Yoswa 9:13 - Amazwi Yakwe Leza 2013

¹³ Ni nyambi zii zyakwe waini zyali izipya lino twazuzizyemo waini, lelo si lola vino zyatizilepoka. Silola vino ivyakuzwala vitu ni ndyatu zitu vyativinyansoka pamulandu nu utali wa lwendo.”

Yoswa 9:13 Referans Kwoze

Mateo 9:17

Nanti uzye antu yangitulwila waini mupya mu nyambi zyampiti? Ndi yacita vivyo, nyambi zingalepuka, na waini angitika, nga ni nyambi zyononeke. Lelo waini mupya alinzile kwitulwilwa mu nyambi zipya, kuti inyambi na waini vitononeka.”

Yoswa 9:4

iyelenganya ukuomvya usomvi kunoli. Iyaya iyatola impao zimwi alino iyazilongelela mu mifuko iya vikampa nga iyakwezya pali yapunda kumwi ni nyambi zyao izyampiti zyakwe waini izilepoke nupya izisumilile, nga iyapita.

Yoswa 9:12

Si lola we musambazi umukate uno tusenzile. Lino twakatwike mu ng'anda kuno tufumile wali ukaye sile ningo. Lelo si lola! Ndakai watiuma nu kuvungoka.

Yoswa 9:14

Aina Izlaeli iyazumila ukutoola ivyakulya vimwi ukufuma kunoyali ukwaula ukuuzya Yawe pa vyakulya vivyo.

Malango 29:5

Apa myaka amakumi yani ino yatipita, ukufuma pano Yawe wamupisya mu lwanga, ivyakuzwala vinu pamwi ni ndyatu vitalepuka nanti ukusila.

Yoswa 9:5

Antu yalya iyazwala indyatu izisile nga ni vinyanko. Nu mukate uno yasenzile wali uume solokoto nupya uvungoke.

Mako 2:22

Nanti uzye antu yangitulwila waini mupya mu nyambi zyampiti, pano waini mupya angalepula inyambi, nga waini pamwi ni nyambi vingononeka. Lelo waini mupya alinzile kwitulwilwa mu nyambi zipya.”

Luka 5:37

Nanti uzye antu yangitulwila waini mupya mu nyambi zyampiti, pano waini mupya angalepula nyambi, na waini angitika, nga ni nyambi zyononeke.