Yoswa 8:35 - Amazwi Yakwe Leza 2013

³⁵ Kutasiile izwi nanti lyonga mu masunde yano Mose wapile lino Yoswa atawelenzile pa manso yi uvi lyonsi lya ina Izlaeli, ukwika pamwi na anaci na ana, nga na inamasi aikalanga pakasi kao.

Yoswa 8:35 Referans Kwoze

Malango 31:12

Muce mwakonganika antu yonsi, aonsi na anaci nga na ana kwene kumwi na inamasi akaikala mu misumba inu, pakuti yakayuvwile alino yasambilile ukoopa Yawe Leza winu nu kuya atekele pakulondela amazwi yonsi amwi sunde lii.

Neemiya 8:2

Acino Ezila nawe ali pakuleta ulupapulo lwa masunde kuno iuvi lyakongine. Kwali kweneko aonsi, anaci kumwi na ance ali na mano akuuvwa. Cali apa wanda wakutandika umu mwezi wakwe cinimbali.

Yelemiya 26:2

“Imilila mu musolo wa ng'anda ya Mwene nu kuvwanga vino ninkunena ku antu yano yafuma mu misumba yaku Yuda, nu kwiza kuno ku kupepa. Utasya nanti conga pa kuyanena.

Milimo 21:5

Lino insita yakwikala nao yasila tukatuka, tutwalilila nu lwendo lwitu. Onsi pamwi na yamama yao na ana, yatusukilila kufuma mu musumba kuyafika kunzi. Alino tufukama nu kupepa.

Mako 10:14

Lino Yesu wacuvwa, akalipa, anena alondezi yakwe ati, “Lekini ana anono iize kunondi, mutayalesya, pano Uwene wakwe Leza uwakwe yao ali ndi yaa.

Yowelo 2:16

Konganikini antu yonsi apali pamwi, muyanene kuti yaizilizye. Konganikini aikolo na ance kwene. Mukonganike nu tunya kwene utucili tukonka. Pelini ilamulo kuli siwinga na nawinga, kuti nayo kwene yafume umu ng'anda yao nu kwiza.

Ezila 10:1

Lino Ezila acili akupepa nu kuilongwela amaifyo yakwe, ala akulila nu kuisumba pansi inkolelo ya Ng'anda yakwe Leza, iumba likulu lya ina Izlaeli aonsi, na anaci na ana yao yamuunganila. Nayo kwene yalila aminsozi nu ulanda ukulu cuze.

Malango 29:11

na aci inu na ana inu, nga na inamasi akaikala pamwi namwe nu kumutiila inkwi nu kumusembela amanzi.

Milimo 20:27

Pano ntamufisanga cimwi lelo namunena vyonsi vino Leza akalonda kuti mucite.

Malango 4:2

Mutakezye ukulunda penepo nanti ukufumya penepo cimwi pa malamulo yano natimupeela. Mwayela amalamulo yakwe Yawe Leza winu yano natimupeela.

Kufuma 12:38

Impendwa ikulu ya antu yauze, nga ni mfwele, imbuzi nga ni ng'ombe zingi yapita navyo.

Zakaliya 8:23

Yawe Wamaka yonsi wavwanga wati, “Mu manda yalya apa inamasi yonsi akaalanda indimi zipusanepusane, ainamasi ikumi yalaiza ku Muyuda wenga, nu kumunena yati, ‘Tukulonda tuye nawe, pano swemo tuvwa ukuti Leza waya kunomuli.’ ”

Malango 29:9

Ali cino fwandi mwawaka nu kulondela ningo ningo amasunde amu upangano uu pakuti muye nu longo mu vintu vyonsi vino mumacitanga.

Malango 29:10

“Api lelo mwimilile pa manso yakwe Yawe Leza winu, mwemwe mwensi. Muli pali pamwi ni ntunguluzi na yacilolo inu na onsi yonsi,

Neemiya 8:3

Papa kwene apa nkolelo ya Mpongolo ya Manzi, apano watankamala, watandika nu kuwelengela iuvi mu Lupapulo lwa Masunde, ukutandika sile uku macaca, suka lino ilanzi lyafika umutwe apakasi. Na yonsi ale yali cele nu kuvwikisya sana.