Yoswa 8:33 - Amazwi Yakwe Leza 2013

³³ Aina Izlaeli yonsi, ainamasi na akaya kwene, kumwi ni ntunguluzi zyao, na yamusika nga na yakapingula, yaimi ku mbali zyoili izya Mbokosi ya Upangano yakwe Yawe, ukulungatana na yasimapepo aina Levi, yao aisenzile. Citika wa antu yaimi ala iyalozya ivinso ku Mwamba wa Gelizimu nga na citika muze ala iyalozya ivinso ku Mwamba wa Ebali, kuti yafikilizye ilamulo lyakwe Mose umuomvi wakwe Yawe ilya kupolelela aina Izlaeli.

Yoswa 8:33 Referans Kwoze

Malango 11:29

Lino Yawe Leza winu wamuleta mu mpanga ino mwasya mwingile mwenemo, muce mwalaizya upolelelo pa Mwamba wa Gelizimu ni ntipu nazyo pa Mwamba wa Ebali.

Malango 31:12

Muce mwakonganika antu yonsi, aonsi na anaci nga na ana kwene kumwi na inamasi akaikala mu misumba inu, pakuti yakayuvwile alino yasambilile ukoopa Yawe Leza winu nu kuya atekele pakulondela amazwi yonsi amwi sunde lii.

Malango 31:9

Acino Mose alemba isunde lii lyakwe Leza nga alipeela kuli yasimapepo aina Levi, yao asendanga Mbokosi ya Upangano yakwe Yawe, nu ku ntunguluzi zyonsi zya ina Izlaeli.

Yoswa 24:1

Lyene Yoswa akonganika antu amu mitundu yonsi ya ina Izlaeli ku Syekemu. Aama aikolo, ni ntunguluzi, na yakapingula nga na yamusika yonsi ya ina Izlaeli, nga nayo yiiza yimilila pa manso yakwe Yawe.

Yoswa 4:18

Lino sile yasimapepo yalya asenzile Mbokosi ya Upangano yakwe Yawe yacifuma ukunzi ku cituntu ca Luzi lwa Yodani, uluzi nupya ilutandika ukupita nu kusambela monsi wakwe vino cali inkolelo.

Yoswa 3:3

nga yapeela ilamulo ku antu yati, “Lino mwaca mwalola yasimapepo aina Levi yasenzile Mbokosi ya Upangano yakwe Yawe Leza winu ku nkolelo, namwe kwene mulinzile ukukatuka musye vifulo vinu muilondelele pacisila.

Malango 31:25

apeela ilamulo lii ku ina Levi yakasenda ya Mbokosi ya Upangano yakwe Yawe ati,

Mpendwa 15:29

Umukaya ali wensi pa ina Izlaeli nu mwinamasi ali wensi akaikala nayo nga waluvyanya kusi ku mufulo, kuce kwaya isunde ilili lyonga kuli mwensi.

Mpendwa 15:16

Kuce kwaya amasunde ali yamwi na malamulo ali yamwi kwene kuli mwemwe nu ku enyi yano yatenzi namwe.

Kufuma 12:49

Malamulo ali onga kwene yaa yalinzile kulondelwa ku ina Izlaeli nga na inamasi yano aikala pakasi kinu.”

Yoswa 23:2

Lyene Yoswa aama aina Izlaeli yonsi, kumwi na ikolo yao nga ni ntunguluzi zya ng'anda zyao, na yakapingula yao nga na yamusika ya vita, nga ayanena ati, “Nemo ndakai natinkota cuze.”

Yoswa 6:6

Acino Yoswa umwana umonsi wakwe Nuni aama yasimapepo nga ayanena ati, “Nyemulini Mbokosi ya Upangano yakwe Yawe, nga muleke yasimapepo cinimbali yakweyolelele ala yatiyasenda intandala.”

Yoswa 4:10

Lyene yasimapepo asenzile Mbokosi ya Upangano yasyala yaimi apakasi ka Luzi lwa Yodani mpaka ukufika lino antu yamala kufikilizya vyonsi vino Yawe wapeezile Yoswa ilamulo kuti yacite, wakwe vivi kwene vino Mose wanenyile Yoswa. Antu iyacincila ukulamba,

Yoswa 3:14

Caleka lino antu yakuululula insakwe zyao kuti yakalambe Luzi lwa Yodani, yasimapepo asenzile Mbokosi ya Upangano iyapita iyayakolelela.

Aina Levi 24:22

Isunde lii, lili nu kusungwa na mwe antu yonsi aina Izlaeli nga na inamasi yano yakwikala muno muli. Pano Nene indi Yawe Leza winu.”

Yoswa 3:6

Alino Yoswa anena yasimapepo ati, “Nyemulini Mbokosi ya Upangano nga mupite mukolelele antu.” Acino iyakatusya Mbokosi nga iyakolelela antu.

Yoane 4:20

Vikolwe vitu vyapepanga Leza pa mwamba uu, lelo mwe Ayuda mukalanda ukuti, Yelusalemu ali cifulo sile ukwa kupepela Leza.”

Mpendwa 15:15

Ali vino ni uvi kwene lilinzile lyacita. Kuce kwaya isunde sile lyonga, ku enyi na kuli mwe akaya. Ni sunde lii ilya kuwaka insita zyonsi mu nkulo zyonsi. Mwensi pamwi na enyi kwene pasi upusano ku manso yakwe Yawe.