Yoswa 8:31 - Amazwi Yakwe Leza 2013

³¹ wakwe vino Mose umuomvi wakwe Yawe wapile ilamulo ku ina Izlaeli. Wakakuzile wakwe vino calembwa mu Lupapulo lwa Masunde yakwe Mose. Kali kavuwa akapangilwa na mawe asi yacekule yano yatatala yawazwa ni ciombelo ca cela. Apali pano yapeela kuli Yawe amawila akoca nga ni mpolelwa zya mawila ya utandano.

Yoswa 8:31 Referans Kwoze

2 Milandu 35:12

Nga alino iyapaatula inyama zimwi zyakupeela uwila wakoca yazika apa mbali, kuti yankanye utuungwe twa ndupwa zya antu zizyo zino zyali nu kupeela uwila kuli Yawe ndi muno calembelwa mu Lupapulo lwakwe Mose. Yacita icili conga kwene nu ku ng'ombe.

Yoswa 1:8

Lupapulo luu lwa masunde lulinzile lwawelengwa lyonsi lino mukupepa. Mulinzile mwalupituluka umusanya nu usiku, pakuti mutekele pakucita vyonsi vino vyalembwa mwenemo. Ndi caya vivyo, lyene mulaya nu longo nupya mutalaposiwa.

Kufuma 24:5

Lyene atuma aina Izlaeli alumendo, iyaya yapeela amawila akocela Yawe. Iyafyula tucipambasi nu kupeela uwila wa utandano kuli Yawe.

Kufuma 18:12

Lyene Yetulo aleta uwila wakoca nga na mawila yauze akupeela impolela kuli Leza. Nga Aaloni ni ntunguluzi zya ina Izlaeli zipita nawe pa manso yakwe Leza, ku kulya cimulo pamwi na Yetulo sivyala wakwe Mose.

Mateo 12:26

Ndi amu wene wakwe Ciwa yakulwisyanya aisikulu, ale yakuipaatula. Uzye lyene uwene wakwe ungakoma uli?

Neemiya 13:1

Pa wanda kwene ulya Lupapulo lwakwe Mose lwawelenzilwe ala antu yonsi yakuuvwa. Ali pakuzana pano calembwa ndi vino umwina Amoni nu mwina Moabu ali wensi atalatala aezye ukwingila mwi uvi lya antu yakwe Leza.

Ezila 6:18

Nupya yisile yasimapepo ukulingana na maumba yao, na ina Levi nayo umwayelile amaumba yao, muno yakatumikila Leza umu Yelusalemu, ukulingana ni vyalembwa mu Lupapulo lwakwe Mose.

2 Milandu 25:4

Lelo wene atakomile ana aonsi yakwe Yoasyi, apakulondela ivyalembwa mu Masunde, mu Lupapulo lwakwe Mose, muno Yawe wapeela ilamulo ati, “Akwasi yatalinzile ukukomwa pamulandu wa nkota zya ana yao, na ana nayo yatalinzile ukukomwa pamulandu wa nkota zya akwasi yao. Cila muntu alinzile wafwa apa maifyo yakwe umwisikulu.”

2 Yamwene 22:8

Mukwai Syafani kalemba ali pakuyanena Hilikiya amazwi afumile ku mwene Yosiya. Hilikiya nawe anena Syafani ati, “Nemo ninzana ulupapulo lwa masunde muno kwene mu Ng'anda ikulu yakwe Yawe.” Alino Hilikiya atoola ulupapulo lulu nga alupeela kuli Syafani nga nawe awelenga nu kuwelenga.

2 Yamwene 14:6

Lelo ana yao yene atayakomile foo, apa kulondela isunde ilya lembwa mu lupapulo lwa Masunde yakwe Mose mumo muno Yawe akuti, “Yaisi ya ana yatalinzile kukomwa pa maifyo ya ana yao, nanti ana nayo yatalinzile kukomwa pa maifyo yakwe yaisi. Cila muntu alinzile wafwa apa maifyo yakwe umwisikulu.”

Malango 27:2

Uwanda uno mulalamba Luzi lwa Yodani nu kwingila mu mpanga ino Yawe Leza winu ali nu kumupeela, muce mwimike amawe akulu, ali lino lyene mukayapomele ningo.

Malango 27:8

Apa mawe kwene yayo apomelwe ningo, ali pano muce mulembe ningo amazwi yonsi ya masunde yakwe Leza.”