Yoswa 8:20 - Amazwi Yakwe Leza 2013

²⁰ Aonsi amu Ai iyapepela icisila nga iyalola icunsi pa musumba ulya cikututumuka mupela. Amaka na mano viyaputula imisana cakuti yatamanyile nu kwakuutukila, pamulandu wakuti aina Izlaeli autukile ku lwanga ku mufulo sile, lyene iyasenuka nu kuzanza yao ayacocovyanga.

Yoswa 8:20 Referans Kwoze

Umbwilo 19:3

Nao yapunda nupya yati, “Aleluya! Cunsi cikufuma ku cimbilimbili ca moto uno ukoca musumba ukulu cikukwela papela manda pe!”

Umbwilo 18:9

Yakateeka amu nsi akumileko ku uzelele nu lwiswa lwakwe yalakuta nu kulilila musumba lino yalola cunsi kufuma ku cimbilimbili ca moto ulayoca.

Ezaya 34:10

Impanga ilaapya usiku nu musanya ni cunsi citalatala cite ukusuuka mwenemo. Impanga ilayelelela pee iyononeke. Mutalaya umuntu wino alatala apite mwenemo.

Masamu 76:5

Ivita ivizwangane, yavipokolwile ivyuma vyao, ali pakulalilila utulo twa mfwa, nupya patasyala nanti wenga uwa mbezu, uwakuti aomvya ivyanzo vyao.

Yobo 11:20

Nga lelo antu akacita inkota yalati ndi yacelecensya, yatalalola ukwa kuutukila. Yalalolela sile ukupumbuka nu kufwa.”

Utandiko 19:28

Nga asumba manso pali Sodoma na Gomola nu mu cifoloma nga alola icunsi kwati cikufuma umwi lungu.

Yoswa 8:19

Lyene lilyo kwene lino wasonta, aonsi yaya afisime iyasokoloka zuwazuwa nga iyasimula ulwilo kuya ku nkolelo. Alino yingila mu musumba, iyaupoka, nga iyawoca.

Yoswa 8:21

Pano lino Yoswa na ina Izlaeli yonsi yalola ukuti yao asile yafisime lyene yapoka umusumba, nu kuti icunsi ukufuma mu musumba uwo cikukwela papela, iyasenuka nu kuzanza aonsi aina Ai.

Yakapingula 20:38

Aina Izlaeli yuvwanyile ni vita ivyafisime ukuti yali nu kutumula umoto nga yafika mu musumba kuti icunsi papela ciye icimanyililo,

Yakapingula 20:40

Lelo lino icunsi catandika ukukatuka papela mu musumba, aina Benjamini iyasenuka nga iyalola icunsi camu musumba ulya cikukwela papela.

Yakapingula 20:41

Lyene aina Izlaeli iyasenukila kunoyali, nga aina Benjamini iyazakaza ku ntete, pamulandu wakuti yamanyile ukuti yasya yakomwe.