Yoswa 8:15 - Amazwi Yakwe Leza 2013

¹⁵ Yoswa na ina Izlaeli yonsi iyacita kwati yakuutuka, iyaleka aina Ai iyayazinganya, nga iyutuka kulungama ku lwanga.

Yoswa 8:15 Referans Kwoze

Yoswa 18:12

Ku lusansa lwaku katutu kakwe Yeliko nga nu ku uwondaka nu kutentemukila kwisika, ukupita mu mpanga ya myamba ukuponela mu lwanga lwaku Betaveni.

Yakapingula 20:36

Lyene aina Benjamini iyasininkizya ukuti yatiyacimviwa. Lyene impuka ikulu ya ina Izlaeli yafuntukile ku cisila, pamulandu wakuti yasintilile muli yao yano yafisamile aikazi amu Gibeya.

Yoswa 16:1

Impanga ino yankanyiziwe ku amu mupanda wakwe Yosefu yatandikila pa Yodani ku Yeliko, lwaku ufumondaka wa manzi yaku Yeliko, nga ukufuma kuku itumbela mu lwanga ukuya ku Betele, impanga ya myamba.

Yoswa 15:61

Mu lwanga mwali umusumba wa Beti Alaba, Midini, Sekaka,

Yoswa 8:14

Lino umwene waku Ai walola vivyo, aliwe pamwi na onsi amu musumba iyazwangana katondotondo ukwizafuma mu musumba ku kukomenkanya aina Izlaeli mu ulwi pa ncende imwi ulunga na Alaba. Lelo wene atamanyile ukuti kuli atiyamuteyamila ukunzi ya musumba.

Yakapingula 20:42

Caleka iyutuka ukufuma ku ina Izlaeli iyalungama ku lwanga, lelo kutali kuno yangaya. Lyene aina Izlaeli afumanga mu misumba iyayakomola kuku kwene.