Yoswa 8:14 - Amazwi Yakwe Leza 2013

¹⁴ Lino umwene waku Ai walola vivyo, aliwe pamwi na onsi amu musumba iyazwangana katondotondo ukwizafuma mu musumba ku kukomenkanya aina Izlaeli mu ulwi pa ncende imwi ulunga na Alaba. Lelo wene atamanyile ukuti kuli atiyamuteyamila ukunzi ya musumba.

Yoswa 8:14 Referans Kwoze

Mateo 24:39

Lelo yatamanyile icali nu kucitika kufika lino mulamba wizile asenda yonsi kwene. Mu musango uli onga avino cilaya pa kwiza kwa Mwana wa Muntu.

2 Petulo 2:3

Pamulandu wa kutemwisya cuma yene yalamusomba na mazwi aucenjezi. Lelo kuvunukwa kwao kwateyanyiziwa mpiti, nu kononwa kwao kukayalolela.

Mateo 24:50

lyene mwene wa muomvi aliza pa wanda uno asikwenekela, na pa kasita kano atamanyile.

Danieli 4:31

Lino atali amamule akanwa nu kulanda amazwi yaa, izwi lyuvwika ukufuma umwiyulu liti, we mwene Nebukadineza, uvwa vino nkulanda! Ndakai amaka yako awene yapokololwa kunuli.

Ezaya 19:13

Intunguluzi zyonsi zyamu Zoani zyatizisanguka iviwelewele, nga ni vilolo vyaku Memfisi vyasombwa. Yayo akatungulula aina Eguputo yaponzya impanga yao.

Ezaya 19:11

Intunguluzi zyamu musumba wa Zoani zyatumpa! Na antu yano yakapanda Falao amano, nayo kwene iviwelewele sile! Uzye yene cino yangaituntumba ukunena umwene ukuti ali yano yapyanikizya pa antu yampiti, antu ya mano, alino na pali yamwene ampiti, icani?

Kasambilizya 9:12

Umuntu atange amanye lino insita yakwe iliza. Cili wakwe vino ivyunyi vikaiukila ivilemya mu lukose, wa nswi ikaiukila yatilemya mwi sumbo. Avino naswe kwene tukaponelwa na masyamo pa nsita ino tutenekile.

Yoswa 8:16

Acino antu yonsi ali mu musumba wa Ai yamilwe ku kuzinga, nga lino yakucocovya Yoswa, iyafuntukisya ukutali nu musumba wao.

Yoswa 8:5

Nemo na yano tuli nayo tulaya apankolelo ku musumba, nga lino aina Ai yalafumila ku kutuzanza, wakwe vino yacisile ilyankolelo, alino tulasenuka nu kuyapuuka.

Malango 1:1

Mu lupapulo luu muli amazwi yano Mose wavwanzile ku ina Izlaeli yonsi lino yali mu lwanga lwaku ufumondaka wa Luzi lwa Yodani. Yene yali mu cifoloma ca Yodani, pipi nu ku Sufi pakasi ka musumba wa Palani ku mbali yonga nga ni misumba ya Tofeli, Labani, Hezeloti, na Dizaabu ku mbali yuze.

Yoswa 8:13

Iyasalanganya vita mu ntunga wakwe vii. Yonsi ali mu kamba iyayatwala ku katutu ka musumba nga nayo yano yafisile iyayatwala ku uwondaka wa musumba. Lelo Yoswa wali mu cifoloma usiku ulya onsi.

Yoswa 8:15

Yoswa na ina Izlaeli yonsi iyacita kwati yakuutuka, iyaleka aina Ai iyayazinganya, nga iyutuka kulungama ku lwanga.

Yakapingula 20:37

Yao afisime ali yano yasimwilile mu Gibeya, iyasalangana monsi kwene nu kukomola aikazi amu musumba ulya.