Yoswa 7:26 - Amazwi Yakwe Leza 2013

²⁶ Alino iyatulikapo nu mutumba wa mawe ukulu sana. Umutumba uu na ndakai apano waya. Ali cino ukufika na pilelo pantu papa yakapaama yati Cifoloma ca Akoli. Awe lyene nu ukali wakwe Yawe pali pakusila.

Yoswa 7:26 Referans Kwoze

Oseya 2:15

Kuku kwene akuno ndamuwezezya vyalo vyakwe vya matingi. Ndasenula Cifoloma ca Ntazi kuti ciye impongolo ya upaalilo. Nga kuku kwene akuno wene alazumila kunondi ndi vino wazumile lilya lino wali umwance, lino wene wafumile mu Eguputo.

Ezaya 65:10

Yene yalampepa, yalacema imfwele zyao ni ng'ombe zyao umu nyika yaku Syaloni, yayela lwaku uwondaka alino nu mu cifoloma ca Akoli, lwaku ufumondaka.

Malango 13:17

Apa vintu vino vyativiundwa cisi cakwezya ukusunga nanti cimwi, pali pakuti namwe kwene Yawe atakaye nu ukali panomuli nupya ace amwelele. Wene alaya na mizu kunomuli nu kuleka kuti musanduluke, wakwe vino walavile ivikolwe vinu,

Nyimbo zya ndosya 3:53

Yene yatiyansumbila umupuma umwi lindi nu kukupikila penepo ni ciliwe.

2 Samueli 18:17

Alino iyatoola icala cakwe Abusalomu iyacisumbila mu ciwina icikulu umu mutengo nga iyatulika umutumba ukulu uwa mawe penepo. Aina Izlaeli yala yatiyasimula kumwao.

Yoswa 8:29

Alino akulika umwene waku Ai ku cimuti, nga amusya akulelemba kuku kwene mpaka lino ilanzi lyawa. Nga lino ilanzi lyawa, Yoswa ayapeela ilamulo lya kusamula icala nu kucifuntula pa wingililo wa mpongolo ya musumba ulya. Alino lyene iyalonga penepo umutumba ukulu wa mawe, uno uliko ukufika na pilelo kwene.

Yoswa 7:24

Alino Yoswa pamwi na ina Izlaeli yonsi iyasenda Akani umwana wakwe Zela, kumwi na siluva, ni koti, ni ciulungwa cakwe siluva, na ana yakwe aonsi na anaci, na yamasaye yakwe, na yapunda yakwe, ni mfwele zyakwe, ni taalu lyakwe, nga na vyonsi vino wali navyo, nga yayaleta ku Cifoloma ca Akoli.

Zakaliya 6:8

Lyene umungeli anena ati, “Walola, zizi zino zyalungime uku katutu ku mpanga ya Babiloni, ali zino zyatekizye Yawe umwenzo, pasi pano walanga wene watasoka.”

Yowelo 2:18

Lyene ulukundo lwakwe Yawe lwakanga ungati umoto upembe pamulandu wa mpanga yakwe. Nga acitila antu yakwe yonsi uluse.

Yowelo 2:13

Si imyenzo inu ilange ulanda kunondi, asi kulepula sile vizwalo vinu awe. “Swililini kuli Yawe Leza winu, pano wene wazipa umwenzo nupya uwa luse. Wene asisoka zuwa nga ukutemwa kwakwe kusifutuka. Insita zyonsi wene akaelela.

Ezaya 40:2

Komelezini aina Yelusalemu. Yanenini muti awe cumi mwacula pavula. Uyi winu watiwelelwa uluse. Nemo ne Mwene winu nalungike apakumufulula apa uyi winu onsi.”

2 Samueli 21:14

Alino iyaya yazika amafupa yakwe Saulo na yakwe Yonatani umwi lindi lyakwe isi wakwe Kisyi uwali isi wakwe Saulo, mu musumba wa Zela umu mpanga yakwe Benjamini, iyacita vyonsi ukulingana ni lamulo lya mwene. Nga pacisila cakwe cico, Leza aasuka amapepo yao yano yapepelile impanga.

Yoswa 10:27

Nga lino ilanzi lyawa Yoswa apeela ilamulo nga iyisya yamwene yalya nu kusumbila ivyala vyao umwi cele muno yafisime ilya nkolelo. Apa mulyango wi cele iyatulikapo umufuli wa mawe, yano yacilipo na pilelo kwene.

Kufuma 32:12

Uzye mukulonda kuti aina Eguputo yakavwange yati, wayafumizye mu Eguputo nu uteyanyo wakuti ukayakome ku myamba nu kuyonona yonsi pyu? Wezya umwenzo wako, utonona antu yako lelo uyelele.

Mpendwa 25:8

nga alondelela umwina Izlaeli wiya mu nsakwe. Ayatota yoili kwene ukupuzinkanya isumo mu muze, umwina Izlaeli nu mwanaci wiya. Alino lyene ni mpungo ino walanga yapona pa ina Izlaeli isila nu kusila.

Malango 13:18

cikulu sile namwe mwayela Yawe Leza winu, nu kusunga amalamulo yonsi yano nkumupeela pilelo nu kucita ivilungame pa manso yakwe.”

2 Milandu 29:10

“Lyene ndakai nemo nkwelenganya ukucita upangano na Yawe, Leza wa ina Izlaeli, apakuti ukali wakwe ukulu ufume pano tuli.

Ezila 10:14

Leka intunguluzi zitu zimilile pa malo yi uvi lyonsi. Yonsi pyu mu ikazi amu misumba itu, yano yatwala aci ainamasi yalaiza pa manda asontwe, pamwi na yacilolo na yakapingula amuli cila musumba, mpaka sile lino ukali wakwe Leza witu apamulandu uu ulasisiwa pano tuli.”

Masamu 85:4

Tuswilizye mwenemo, we Leza we katuula witu. Fusya kweneko icipyu cako!

Oseya 2:17

Ndamulesya kuti atakatale aezye ukulumbula amazina yakwe Tubaali nupya. Endi, antu yatalatala yame apa mazina yayo.

Yona 1:15

Lyene yanyemula Yona nga yamusumbila muli yemba, nga lilyo kwene yemba amyalala aya mya.