Yoswa 7:25 - Amazwi Yakwe Leza 2013

²⁵ Yoswa auzya ati, “Uzye pacani cino watuletela intazi ii? Ilelo Yawe amakuletela intazi.” Alino aina Izlaeli yonsi iyamutama na mawe mpaka afwa, iyatama na amu ng'anda yakwe kwene nga iyayoca kumwi na vyonsi vino yali navyo.

Yoswa 7:25 Referans Kwoze

Yoswa 6:18

Alino namwe muisunge ku vintu vino vyapeelwa ku kononwa, kuti mutailetelela uwononesi pa kulondela ulunkumbwa lwa kuitolela cimwi pali vino ivipelwa ukononeka. Pasi pano ndi mwacita vivyo insakwe yonsi ya ina Izlaeli ale yapeelwa ukononeka nu kuiletelela uzanzo.

1 Milandu 2:7

Ana aonsi yakwe Kalimi aeya: Akali, uwaletelile aina Izlaeli. Wene watozile ivisampwe ivyapaatwilwa Yawe.

Malango 17:5

muce musende umuntu wiyo ukunzi ya musumba nu kumutama na mawe mpaka afwe.

Aina Levi 24:14

“Tola umuntu wiyo mufumizye kunzi ya nsakwe. Muntu wensi wino uvwile lino akutipwila, aike makasa yakwe pa mutwe wa muntu wiyo kuti apeele umboni wakuti muntu wiyo ali nu mulandu. Lyene iuvi lyonsi lilinzile kumutama na mawe mpaka afwe.

Aina Levi 20:2

Nena aina Izlaeli uti, “Mwina Izlaeli ali wensi nanti umwinamasi wino akwikala pakasi kinu, umonsi nanti umwanaci ndi wapeela ana yakwe kuli Moleki alinzile ukukomwa. Iuvi lyonsi lya ina Izlaeli limutame na mawe mpaka afwe.

Ayebulai 12:15

Cenjelini kuti mutafutatila cikuku cakwe Leza. Mutaleka umuntu umwi akolane wa cimuti cilule cino cikakula nu kuleta intazi zingi kwi sungwe lyaciko.

2 Tesalonika 1:6

Leza alacita cisuma pa kuvunuka yao alaleta macuzi panomuli.

Galatiya 5:12

Ningatemwa ukuti antu yano akumuvulunganya yangasilamulwa, nga nu kucila pali cii yaitungule aisikulu!

Yoswa 7:15

Alino umuntu wino alazanwa ni vintu vino vyapeelwa ku kononwa, wene uwakoca pamwi na amu ng'anda yakwe yonsi nga na vyonsi vino wakwata. Pasi pano wene asi uwacumi ku upangano wakwe Yawe nupya watacita icamuzewanya mu Izlaeli.”

Malango 21:21

Lyene aonsi yonsi amu musumba yalinzile kumutama na mawe mpaka afwe, nga vivyo avino mulasisya inkota pakasi kinu. Cila muntu mu Izlaeli aluvwa icacitika nga aye ni ntete.

Malango 13:10

Uwakutama na mawe mpaka afwe! Wene wezizye ku mufumya kuli Yawe Leza winu, wino wamutuuzile ukufuma mu Eguputo, muno mwali azya.

Aina Levi 21:9

Mwana umwanaci wakwe simapepo ndi cakuti waya a cizelele ala wazewanya isi. Wene alinzile ukocewa mu moto mpaka afwe.

Aina Levi 20:14

Monsi ndi watwala umwanaci nu mwana wa mwanaci kwene wiyo, otatu yalinzile kocewa mu moto mpaka yafwe, pa cintu camuzewanya cino yacita. Cintu camusango uwo citalinzile kuzumiliziwa munomuli.

Utandiko 38:24

Lino papita manye myezi itatu umwi anena Yuda ati, “Nyokovyala Tamala watapula indilwa kumwi.” Yuda apeela ilamulo ati, “Mwanaci wiyo muye mukamufumizye kunzi ya muzi mu moce afwe.”

Utandiko 34:30

Yakobo anena Simeoni na Levi ati, “Yanamwe, vino mwandetelela ku ina Kenani, aina Pelizi nga nu muntu wensi mu mpanga ii amampata. Swemo aonsi tuli ncepelwa. Ndi antu yaa yalemana pamwi kuti yanzanze, lyene ang'anda itu yonsi yamalowa.”

1 Samueli 14:29

Yonatani nawe avwanga ati, “Tata wataleta intazi ikulu pa antu. Silolini vino nemo natinkwata upemwilo pacisila cakulya utu uci.

Malango 13:11

Lyene aina Izlaeli yaluvwa icacitika, yaye ni ntete, nga kusi umwi alacita ulukota lwa musango uwo nupya.

Mapinda 1:19

Ilaya ali mpela yakwe yayo akalondelela ivyuma vyalufyengo, ivikaponzya umi wakwe yayo akavikwata.

Mapinda 15:27

Umuntu wino akakumbwa ivyuma vya lufyengo akaletelela sile ing'anda yakwe, lelo wino wapata amafukakanwa alakwata uumi.