Biblia Todo Logo
Bib sou entènèt

- Piblisite -




Yoswa 7:24 - Amazwi Yakwe Leza 2013

24 Alino Yoswa pamwi na ina Izlaeli yonsi iyasenda Akani umwana wakwe Zela, kumwi na siluva, ni koti, ni ciulungwa cakwe siluva, na ana yakwe aonsi na anaci, na yamasaye yakwe, na yapunda yakwe, ni mfwele zyakwe, ni taalu lyakwe, nga na vyonsi vino wali navyo, nga yayaleta ku Cifoloma ca Akoli.

Gade chapit la Kopi




Yoswa 7:24
18 Referans Kwoze  

Umuntu wino akakumbwa ivyuma vya lufyengo akaletelela sile ing'anda yakwe, lelo wino wapata amafukakanwa alakwata uumi.


Kuku kwene akuno ndamuwezezya vyalo vyakwe vya matingi. Ndasenula Cifoloma ca Ntazi kuti ciye impongolo ya upaalilo. Nga kuku kwene akuno wene alazumila kunondi ndi vino wazumile lilya lino wali umwance, lino wene wafumile mu Eguputo.


Yene yalampepa, yalacema imfwele zyao ni ng'ombe zyao umu nyika yaku Syaloni, yayela lwaku uwondaka alino nu mu cifoloma ca Akoli, lwaku ufumondaka.


Umupaka ulya lyene iuya ukupela ku Debili ukutandikila mu Cifoloma ca Akoli nga iusenukila ku katutu ku Giligali, apalungamine nu mulundu wa Adumimu lwaku kaeya ka luzi. Alino iutwalilila mpaka nu kufika ku manzi yaku Eni Syemesyi nga iupelela mu Eni Logeli.


Alino iyatulikapo nu mutumba wa mawe ukulu sana. Umutumba uu na ndakai apano waya. Ali cino ukufika na pilelo pantu papa yakapaama yati Cifoloma ca Akoli. Awe lyene nu ukali wakwe Yawe pali pakusila.


Mutafukamila unkolanya wakwe tuleza nanti kutupepa. Pano ne Yawe Leza winu, nsizumilizya kuti mwapepa tuleza tuze, nupya nkavunuka ana pa maifyo yakwe yaisi, kufika ku nkulo yalenga citatu na yakwe cini, zyakwe yao ampata.


Kwaya icintu cimwi iciipisye cino nemo nalola mu nsi ii, icakuti umuntu asunga impiya zyakwe zyakuomvya pa nsita ino wene angazilonda.


Wene umucenjezi nupya akaiya ivyuma vya antu, lelo ivyuma vivyo vitanga mutumbwila nanti cimwi. Uzye lyene asi a Leza akamupokolola ivyuma vivyo?


Lelo aina Izlaeli yamwi yatali acumi ku ciindo cino icakumile ivintu vino vyapeelwa ku kononwa. Akani umwana wakwe Kalimi, umwana wakwe Zimuli, umwana wakwe Zela, uwa mutundu wakwe Yuda, atoola ivintu vimwi vino yainzile. Caleka ukali wakwe Yawe ufulumila aina Izlaeli.


Alino yapeela umusumba ulya kuli Yawe kuti wononwe nga ku malupanga yano yali nayo iyakomola ivyaumi vyonsi mu musumba, aonsi na anaci, ance na akote, ni ng'ombe, ni mfwele, nga na yapunda kwene.


Alino namwe muisunge ku vintu vino vyapeelwa ku kononwa, kuti mutailetelela uwononesi pa kulondela ulunkumbwa lwa kuitolela cimwi pali vino ivipelwa ukononeka. Pasi pano ndi mwacita vivyo insakwe yonsi ya ina Izlaeli ale yapeelwa ukononeka nu kuiletelela uzanzo.


Cumi utangonona antu akacita vyawololoke pamwi na ankota. Citangaya, wemo utangacita cico. Ndi avino ungacita, ale lyene antu akacita vyawololoke yangavunukilwa kumwi na ankota. Awe, citangaya! Kapingula wa antu amu nsi yonsi asi uwalufyengo.”


Lyene intumi zizi izisenda ivintu vivi ukufuma mwi taalu nu kuvitwala kuli Yoswa uwali pamwi na ina Izlaeli yonsi nu kuvilambalika pansi pa manso yakwe Yawe.


Iusyini vino Akani umwana wakwe Zela wakanyile ukuyela ilamulo ilya pa vintu vino vyapeelwa ku kononwa. Cico calenzile kuti iuvi lyonsi ilya ina Izlaeli livunukwe. Atali aliwe wenga sile uwafwile pamulandu wi iifyo lyakwe.’”


Swiv nou:

Piblisite


Piblisite