Yoswa 7:15 - Amazwi Yakwe Leza 2013

¹⁵ Alino umuntu wino alazanwa ni vintu vino vyapeelwa ku kononwa, wene uwakoca pamwi na amu ng'anda yakwe yonsi nga na vyonsi vino wakwata. Pasi pano wene asi uwacumi ku upangano wakwe Yawe nupya watacita icamuzewanya mu Izlaeli.”

Yoswa 7:15 Referans Kwoze

Utandiko 34:7

Nkumankuma ana yakwe Yakobo aonsi yawela ukufuma mu mpanga. Lino yuvwile ivyacitikile kaci wao ciyapezya amano yavulungana nu ukali pali cino Syekemu watacita ku mwana wakwe Yakobo ica muzewanya mu Izlaeli.

Yakapingula 20:6

Nane ali vino natoozile umuci wane namuze, imuputola mu vipimfya nga intuma cila cipimfya ku mutundu pa mitundu yonsi iya ina Izlaeli, pamulandu wakuti yene yacita icintu cii icawinyi nupya icamuzewanya mu mpanga ya ina Izlaeli.

2 Samueli 13:13

Uzye wemo ukulola ukuti ningacita uli ndi nazewana? Nupya nawe kwene papo pano uli ulasanguka sile iciwelewele ku ina Izlaeli. Napapata landanini nu mwene. Nemo nkusininkizya ukuti wene atanga akane ukuntwalizya kunuli.”

1 Samueli 26:21

Lyene Saulo avwanga ati, “Natinifya. Wela kuno, we Davidi mwanane. Pamulandu wakuti ilelo wemo waliwasakamala umi wane, nani ntakutala nezye ukucita cimwi iciipe kunuli nupya. Cumi kwene nemo nincita uwelewele nupya ninduvyanya sana.”

Yoswa 7:11

Aina Izlaeli yatiyifya. Yatiyaluvyanya Upangano wane uno nayapile ilamulo kuti yausunge. Yene yatiyatola ivintu vimwi vino vyapeelwa ku kononwa. Yene yatiyaviya, yatiyatumpoka, yatiyavifisa mu viya vyao.

Yoswa 7:16

Katondotondo uwanda uwalondelela Yoswa pali pakunena cila mutundu wa ina Izlaeli ukwiza ku nkolelo, nga icilema umutundu wakwe Yuda.

Yakapingula 20:5

Aina Gibeya iyankatukila usiku iyalizizya ing'anda, iyampangila ukunkoma. Iyalema umuci wane namuze ku maka nu kwifya nawe, mpaka iyamulenga ukufwa.

Yakapingula 20:10

Tumatola antu ikumi lyonga cila pa antu umwanda onga ukufuma mu mitundu yonsi ya ina Izlaeli, nga na pa antu izimbi lyonga napo itutola umwanda onga, na pa antu amazimbi ikumi napo itutola antu izimbi lyonga, yao ali yakalonda ya vyakulya ivyakulisya ivita. Lyene lino ivita vilafika ku Gibeya mu mpanga yakwe Benjamini vilacita icilanduzi pa ukakasi wao uno yacisile mu Izlaeli.”