Yoswa 7:11 - Amazwi Yakwe Leza 2013

¹¹ Aina Izlaeli yatiyifya. Yatiyaluvyanya Upangano wane uno nayapile ilamulo kuti yausunge. Yene yatiyatola ivintu vimwi vino vyapeelwa ku kononwa. Yene yatiyaviya, yatiyatumpoka, yatiyavifisa mu viya vyao.

Yoswa 7:11 Referans Kwoze

Ayebulai 4:13

Kusi cimwi cingafisama ku manso yakwe Leza. Vintu vyonsi mu uumbo onsi vili paswe nupya wene akavilola. Swensi kwene tulinzile kuilondolwela kunoli.

Milimo 5:9

Caleka Petulo amuuzya ati, “Uzye pacani wemo nu wako mwati musolola kwezya Mupasi wa Mwene? Antu yano yafuma kukuzika uwako ndakai yali pa mulyango, nga nawe kwene yamakufumya yakusende!”

Mateo 22:21

Nao yamwasuka yati, “Ivyakwe Kesa.” Alino nawe ayanena ati, “Caleka pelini Kesa vyakwakwe, Leza nawe mumupele vyakwakwe.”

Zakaliya 5:4

Yawe Wamaka yonsi wavwanga wati, “Ulutipu luu ndaluponyezya umu ng'anda ya muntu wensi umwivi, nga nu mu ng'anda ya muntu wensi wino akalapa ufi. Lwene lulasuka lwikalilile mu mang'anda yao nu konona vyonsi vino yakuulilwako.”

Habakuku 2:6

Lelo yao ati yalemwa yalamutumfya nu kumusausya pakuvwanga yati, ‘Kalanda kuli wino akaikolonganikila icuma cakwiya, wiyo akalonkela umu nkongole zya umfisolo. Uzye wene alatwalilila ukufika lilaci?’ ”

Oseya 6:7

“Lelo antu yayo yavuna upangano wane ndi vino Adamu wacisile. Kuku kwene, yene yatali acumi kunondi.

Yelemiya 31:32

Citalaya wa upangano uno napangine ni vikolwe vyao uwanda uno nayalemile pi kasa nu kuyafumya mu mpanga ya Eguputo. Yene yasuzile upangano wane. Ali cino nali nu kuyalanga ndi vino nene ndi ciinda wao. Ivyalanda Yawe.

Ezaya 24:5

Antu yatiyakowezya insi, apamulandu nu konona amasunde yakwe Leza, nu konona upangano uno wapangana nayo, uwakusunga insi pee.

2 Yamwene 18:12

Nupya umulandu wakuti yatuvwilanga Yawe Leza wao nu konona umu kucita vivyo, yene yononyile isunde lyakwe, wakwe muno Mose umuomvi wakwe Yawe wayapile ilamulo. Fwandi tungati yatamuvwile nupya yatakonsile iceo cakwe nanti conga.

Yakapingula 2:20

Caleka Yawe pasi pa kusokela aina Izlaeli nga avwanga ati, “Pamulandu wakuti uluko luu lwatilonona upangano wane uno napiile ilamulo ku vikolwe vyao kuti visunge, nga nayo yakana ukunguvwila,

Yoswa 23:16

Ndi cakuti mwakana ukusunga upangano uno Yawe Leza winu wamupile ilamulo kuti mwasunga, ndi mwaca mwapita nu kutumikila nu kupepa tuleza tuze, ale lyene ukali wakwe Yawe ulamufulumila. Nupya mulalowa zuwa mu mpanga isuma ino Yawe watamupeela.”

Yoswa 7:1

Lelo aina Izlaeli yamwi yatali acumi ku ciindo cino icakumile ivintu vino vyapeelwa ku kononwa. Akani umwana wakwe Kalimi, umwana wakwe Zimuli, umwana wakwe Zela, uwa mutundu wakwe Yuda, atoola ivintu vimwi vino yainzile. Caleka ukali wakwe Yawe ufulumila aina Izlaeli.

Malango 17:2

“Limwi munguvwa ukuti mu musumba onga pa misumba inu umonsi nanti umwanaci umwi wataifya kuli Yawe Leza winu pakonona upangano,

Aina Levi 5:15

Muntu umwi ndi watala mulandu mu kuntamanya, pa kuposiwa ukulipa ivyamuzilo kuli Yawe, wene alinzile ukuleta impolelwa kuli Yawe, suuku nanti sawe uwaula ulema, iye uwila wa cizumila mulandu. Umutengo wakweyo ulinzile kupimwa kulingana ni cipimo ca ku Ng'anda ikulu yakwe Leza. Ukwene uli wila wa cizumila mulandu.

Yoswa 7:10

Alino Yawe anena Yoswa ati, “Si katuka! Uzye icani cino ufupime pansi mu musango ndi uwo?

1 Samueli 14:38

Icaleka Saulo anena yamusika ya vita ati, “Izini kuno kuti tulondelezye iifyo lino lyacitwa ilelo.

2 Yamwene 5:24

Lino Geazi na aomvi yalya yafika pa mwamba pano Elisya wikalanga, Geazi atoola imifuko ilya ya mpiya nga ayingizya mu ng'anda. Alino anena aomvi yakwe Naamani kuti yapita yaswilile mwenemo, nga nayo yapita.