Yoswa 6:5 - Amazwi Yakwe Leza 2013

⁵ Lino muvwa kuno yakulizya intandala yao, lyene impuka yonsi iya vita ilinzile yalaizya ukulaizya ukukulu. Alino lyene ilinga lya musumba lilawa nga ni vita vilaya pa nkolelo. Cila muntu alingila mwenemo ulunga na panoli.”

Yoswa 6:5 Referans Kwoze

Ayebulai 11:30

Utailo uwalenzile viumba vi linga lya musumba wa Yeliko vipone pansi pacisila lino aina Izlaeli yauzingulwike manda cinimbali.

Kufuma 19:19

Ciunda ca ntandala cila cikukulilako. Mose avwanga, nga Leza amwaasuka mu kupangalansya.

1 Samueli 17:52

Lyene Aina Izlaeli na ina Yuda aonsi iyakatuka iyapunda nga iyacocovya aina Filisti nzila yonsi ukufika nu ku Gati mpaka nu ku mpongolo yaku Ekiloni. Ivyala vyao vyasansantike mu museo wa Syaalaimu monsi mpaka ku Gati nu ku Ekiloni. Ivyala vyao vyasansantike ukutandikila ku museo uwafuma ku Syalaimu mpaka uku Gati nu ku Ekiloni.

1 Samueli 17:20

Katondotondo lino ukuca sile Davidi asya imfwele kuli kacema umwi uwakuti azilola. Atenuka apita nu kupita ndi muno Yese wamutungulwile, afika pa nsakwe pa nsita ino ivita vikuya mu kutantama mu ncende zyao izya nkondo ale yakupunda na welelele wooo!

1 Samueli 4:5

Lino yafisya Mbokosi ya Upangano mu nkambi, aina Izlaeli yonsi iyasanzula amazwi yao iyapunda cakuti nu musili iutenta.

Yoswa 6:20

Lyene lino intandala zyalila, antu nayo iyapunda na maka, nga ni linga ilipona. Ivita navyo ivisimwilila mukasi, cila muntu ulunga na pano wali, nga yapoka umusumba ulya.

Yoswa 6:16

Alino iila kwene ilyalenga cinimbali, lino yasimapepo yalizya intandala, Yoswa apeela ilamulo ku antu, ati, “Pundini! Pano Yawe watapeela umusumba uu kunomuli.

Yelemiya 50:15

Watacimba, impungu zyakwe zyatiziwa. Amalinga yakwe yatiyaongoloka. Cii, ali cilanduzi cakwe Yawe. Ilandwilini mwenga kunoli, ndi vino wene wacisile, avino namwe mucite.

Ezaya 30:25

Uwanda uno amalinga ya anisi inu yalapokwa nu kukomolelwamo antu yano yikala mwenemo, ali lino mu myamba yonsi mulafunkuka tufukoka twa manzi.

Ezaya 25:12

Icacumi, Leza alawisya amalinga yonsi pyu amu Moabu. Alayaongolola pansi, mpaka nu mu lutukumbu kwene.

Yoswa 6:4

Yasimapepo cinimbali yace yasende intandala izyapangilwa ni mpembe zyakwe yasuuku, nupya yace yakolelele Mbokosi ya Upangano. Pa wanda uwalenga cinimbali, mulinzile ukupita ukuzinguluka umusumba amaila cinimbali, na yasimapepo yala yakulizya intandala.

Yoswa 6:6

Acino Yoswa umwana umonsi wakwe Nuni aama yasimapepo nga ayanena ati, “Nyemulini Mbokosi ya Upangano yakwe Yawe, nga muleke yasimapepo cinimbali yakweyolelele ala yatiyasenda intandala.”

Yakapingula 20:37

Yao afisime ali yano yasimwilile mu Gibeya, iyasalangana monsi kwene nu kukomola aikazi amu musumba ulya.