Yoswa 6:25 - Amazwi Yakwe Leza 2013

²⁵ Lelo Yoswa atakomile cizelele wilya Laabu, ni vyamu ng'anda yakwe, na amu ng'anda yakwe, pamulandu wakuti wene wafisile aonsi yano Yoswa watumile ku kuya endezya umusumba wa Yeliko. Nga wene pamwi na amu ng'anda yakwe yakaikala pakasi ka ina Izlaeli na pilelo kwene.

Yoswa 6:25 Referans Kwoze

Ayebulai 11:31

Utailo uwalenzile kuti Laabu cizelele atakomwa pamwi na yao atayelanga Leza, pano wene wazengile ningo inengu zya ina Izlaeli.

Yakobo 2:25

Vivyo kwene avino cali na kuli Laabu cizelele. Wene wacisilwe kuya mololoke pa manso yakwe Leza kupitila mu milimo yakwe apa kuzengela nengu zya ina Izlaeli nu kuyazwa kongoloka, yapita ku museo uze.

Mateo 1:5

Salimoni wali a isi wakwe Boazi wino wavilwe muli Laabu, Boazi wali a isi wakwe Obedi wino wavilwe muli Luti, Obedi wali a isi wakwe Yese,

Yoswa 2:6

(Lelo walanga Laabu watatola aonsi yalya nu kuyafisa apilali mu mutumba wakwe fulakisi wino watulike penepo.)

Milimo 2:21

Lyene alino wensi wino alaama pi zina lya Mwene alatuulwa.’

Yoswa 4:9

Yoswa atoola amawe ikumi na yaili nga ayasimpa apakasi ka Luzi lwa Yodani, papa kwene pano yasimapepo asenzile Mbokosi ya Upangano yimilile. (Napilelo kwene amawe yayo apano yacili.)

Yoswa 2:1

Lyene Yoswa, umwana wakwe Nuni, mu umfisolo atuma inengu ziili ukufuma ku nkambi yaku Syitimu. Ayapeela ilamulo kuti yaye yakendezye impanga ya Kenani mu umfisolo, makamaka umusumba wa Yeliko. Caleka inengu zizi izipita zizana indo mumu ng'anda yakwe Laabu cizelele.

Yoswa 2:4

Lelo umwanaci wilya walanga watafisa aonsi yalya yaili. Alino avwanga ati, “Icacumi, aonsi yaa yatiyiza kunondi, lelo nemo ntalimanyile kuno yafumile.

Yoswa 2:18

suka sile ndi waca wanyepelela umwando uyenzu ukwi windo, lilya kwene lino waliwatufumizyamo nu kutwisizya pansi. Nupya suka sile ndi ulakonganika so na nyoko, na anyonko yakalume na yakaci, na akazi kako yonsi mu ng'anda yako.