Yoswa 6:24 - Amazwi Yakwe Leza 2013

²⁴ Alino iyoca umusumba onsi na vyonsi ivyali mwenemo, lelo yika siluva na zaabu nga ni viombelo vya mukuwa mu cipao camu Ng'anda ikulu yakwe Yawe.

Yoswa 6:24 Referans Kwoze

Yoswa 8:28

Acino Yoswa aoca umusumba wa Ai nu kuusangula itongwa lya pe, wakwe vino lyaya ukufika na pilelo.

Umbwilo 17:16

Mpembe ikumi zino wali walola ni cilyanyi vilapata cizelele. Vilamupoka vyonsi vino wakwata nu kumusya tupu. Vilalya munyefu wakwe nu kumoca mu moto.

2 Yamwene 25:9

Alino aoca Ng'anda ikulu yakwe Yawe, nga aoca ni sano kumwi na mang'anda ya antu yonsi acindame amu Yelusalemu.

Umbwilo 18:8

Pamulandu wakwe cii, vilumbelo, ndwala, ndosya, ni cipowe vilamuponela pa wanda onga. Nga yalamoca ku moto, pano Mwene Leza akumupingula, Leza uwa maka.”

Malango 13:16

Alino lyene muce mukolonganike iviya vyonsi ivyamu musumba uwo apakasi ka musolo. Ali pano muce mukavyoce wa wila wakoca onsi kuli Yawe Leza winu. Umusumba uwo ulinzile wasyala itongwa, nupya cisi cakwezya uku ukuululula cipya cipya.

Yoswa 6:19

Siluva na zaabu wensi nga ni vintu vyonsi vya mukuwa ni vya vyela vyene ivyakwe Yawe nupya vilinzile ukwikwa mu cipao cakwe.”

Malango 20:16

“Lelo lino mwaca mwapoka imisumba ya mpanga ino Yawe Leza winu akumupeela iye iyakwinu, muce mukome antu yonsi.

Yoswa 6:25

Lelo Yoswa atakomile cizelele wilya Laabu, ni vyamu ng'anda yakwe, na amu ng'anda yakwe, pamulandu wakuti wene wafisile aonsi yano Yoswa watumile ku kuya endezya umusumba wa Yeliko. Nga wene pamwi na amu ng'anda yakwe yakaikala pakasi ka ina Izlaeli na pilelo kwene.

Mpendwa 31:10

Iyasya yatumula nu moto nu koca imisumba yao muno yikalanga, kumwi ni nsakwe zyao.

Malango 13:17

Apa vintu vino vyativiundwa cisi cakwezya ukusunga nanti cimwi, pali pakuti namwe kwene Yawe atakaye nu ukali panomuli nupya ace amwelele. Wene alaya na mizu kunomuli nu kuleka kuti musanduluke, wakwe vino walavile ivikolwe vinu,

Yoswa 11:11

Aina Izlaeli iyakomola umuntu wensi uwali mwenemo. Kusi nanti wenga wino yasile umupuma, nga iyoca nu musumba kwene wa Hazoli.

2 Samueli 10:5

Ala cali icansonyi kunozili cakuti iziposiwa ukuswilila kumwao. Lino Davidi uvwa ivyati vicitikila, atuma inkombe zyakuyanena inengu zizi kuti zikale umu Yeliko nu kuti zitakaweluluke suka sile ivilezu vimele nga vitalimpe.

1 Milandu 18:11

Umwene Davidi apeela iviombelo vii kuli Yawe, wakwe vino wapile siluva na zaabu wino wapokolwile ku antu amu nko kwene zizi, kuli kuti aina Edomu, na ina Moabu, aina Amoni na ina Filisti, nga na ina Amaleke.