Yoswa 6:18 - Amazwi Yakwe Leza 2013

¹⁸ Alino namwe muisunge ku vintu vino vyapeelwa ku kononwa, kuti mutailetelela uwononesi pa kulondela ulunkumbwa lwa kuitolela cimwi pali vino ivipelwa ukononeka. Pasi pano ndi mwacita vivyo insakwe yonsi ya ina Izlaeli ale yapeelwa ukononeka nu kuiletelela uzanzo.

Yoswa 6:18 Referans Kwoze

1 Yoane 5:21

Mwe ana yane, mwaisunga ningo mutapepa tuluwi.

Efeso 5:11

Mutaya nu utandano na yakacita ya milimo yamu mfinzi. Lelo mu cifulo cakwe cii mulinzile kuleta milimo iyo ku luswepo.

Yoswa 7:1

Lelo aina Izlaeli yamwi yatali acumi ku ciindo cino icakumile ivintu vino vyapeelwa ku kononwa. Akani umwana wakwe Kalimi, umwana wakwe Zimuli, umwana wakwe Zela, uwa mutundu wakwe Yuda, atoola ivintu vimwi vino yainzile. Caleka ukali wakwe Yawe ufulumila aina Izlaeli.

Yoswa 7:25

Yoswa auzya ati, “Uzye pacani cino watuletela intazi ii? Ilelo Yawe amakuletela intazi.” Alino aina Izlaeli yonsi iyamutama na mawe mpaka afwa, iyatama na amu ng'anda yakwe kwene nga iyayoca kumwi na vyonsi vino yali navyo.

2 Kolinto 6:17

Nupya Mwene wavwanga wati, “Yatini, nupya fuminiko kuno yali! Mutakumya cintu cikowele cili consi. Lyene ndamuzengela

Yakobo 1:27

Upefi uno Leza Tata akalola ukuti uwa mpomvu aewu: ukwazwa ana asyale na yamukamfwilwa mu macuzi yao nga nu kuisunga ku ukakasi uwaya mu nsi.

Loma 12:9

Kutemwa kutayamo usomvi. Musule vintu viipe vyonsi. Lemasyini visuma vyonsi.

Yona 1:12

Yona nawe ayaasuka ati, “Nyemulini nga munsumbile muli yemba. Lyene yemba amalala aye mya. Manyile ukuti nene natindenga kuti muye mu ntanzi ya cipupu cii cikulu.”

Kasambilizya 9:18

Amano yazipa ukuluta ivyanzo vya nkondo, lelo kaifya wenga angonona ivisuma ivingi.

2 Samueli 21:1

Lino Davidi wateekanga, kwali icipowe icikulu icasenzile imyaka itatu iyalondekine. Acino Davidi auzya Yawe kuti amupanzye amano pali cii, nga nawe amwaasuka ati, “Saulo na aluko lwakwe yali nu mulandu wa utazi wa katwe. Wene wakoma aina Gibyoni.”

Malango 7:26

Mutaca mwezye ukuleta akaluwi nanti konga mu mang'anda inu, pano limwi intipu izili pano yali zingaya panomuli. Mulinzile kupata nu kusausya utuluwi tuu, pamulandu wakuti Yawe watutipwila.

Yoswa 7:15

Alino umuntu wino alazanwa ni vintu vino vyapeelwa ku kononwa, wene uwakoca pamwi na amu ng'anda yakwe yonsi nga na vyonsi vino wakwata. Pasi pano wene asi uwacumi ku upangano wakwe Yawe nupya watacita icamuzewanya mu Izlaeli.”

Malango 13:17

Apa vintu vino vyativiundwa cisi cakwezya ukusunga nanti cimwi, pali pakuti namwe kwene Yawe atakaye nu ukali panomuli nupya ace amwelele. Wene alaya na mizu kunomuli nu kuleka kuti musanduluke, wakwe vino walavile ivikolwe vinu,

Yoswa 7:13

“Ale fwandi katuka ukasangulule antu. Uyanene uti, ‘Isangululini mweisikulu apakuiteyanya pali vino vilacitika mutondo. Uyanene uti kuu kuli kulanda kwakwe Yawe, Leza wa ina Izlaeli ukwakuti, Pakasi kinu mukweti ivintu vino namunenyile ukonona, mwe ina Izlaeli mwe! Mulaposiwa ukulwa na anisi inu suka sile mwatala monona ivintu vivyo.’

Malango 23:10

Ndi cakuti umuntu umwi waikowezya pamulandu wa kuomba ukwisika lino akulota usiku, wene alinzile kufumila ukunzi ya kamba akuno aye aikale.

1 Samueli 15:9

Lelo Saulo na antu yakwe yatakomile Agagi ni viteekwa vyakwe ivisuma ukuluta umu mfwele ni ng'ombe, utwana twa ng'ombe nu twa mfwele. Vii vyonsi ivyalolekanga ningo yatakasi ukuvyonona. Lelo iviteekwa vyonsi ivitali ningo ivitali nu muzano umwi vyene yavyononyile.