Yoswa 6:17 - Amazwi Yakwe Leza 2013

¹⁷ Umusumba uu pali pamwi na kali konsi akaya mwenemo, vyapeelwa kuli Yawe kuti vyononwe. Kusi umwi uwakusya umupuma, suka sile cizelele Laabu apali pamwi na yao yonsi ali mu ng'anda yakwe na aliwe. Pasi pano wene wafisile inengu zino twatumile.

Yoswa 6:17 Referans Kwoze

Malango 20:17

Muce monone yonsi pyu, aina Hiti, aina Amoli, aina Kenani, aina Pelizi, aina Hivi na ina Yebusi, wakwe vino Yawe wapeezile ilamulo kunomuli kuti mucite.

Yakobo 2:25

Vivyo kwene avino cali na kuli Laabu cizelele. Wene wacisilwe kuya mololoke pa manso yakwe Leza kupitila mu milimo yakwe apa kuzengela nengu zya ina Izlaeli nu kuyazwa kongoloka, yapita ku museo uze.

Mika 4:13

Yawe akuti, “Mwe antu amu Zioni, katukini muye mukalwisye anisi inu! Ndamucita ukuya antu amaka ungati a masaye uwa mpembe zya cela, ni nkamba zya mukuwa. Ulavungola antu amu mitundu ivule, “nu kutuula kuli ne Yawe ivintu vino yalonsile umu ukakasi. Ni cuma cao ulacipeela ku Mwene wa nsi yonsi.”

Ayebulai 11:31

Utailo uwalenzile kuti Laabu cizelele atakomwa pamwi na yao atayelanga Leza, pano wene wazengile ningo inengu zya ina Izlaeli.

Ayebulai 6:10

Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.

Galatiya 3:12

Lelo Masunde yatemelela ku utailo. Ndi vino calembwa mu malembelo cati, “Wino wensi akayela vyonsi ivyalembwa mu Masunde wene alaya nu umi.”

Galatiya 3:10

Muntu akaikalilila mukuyela Masunde ala wene ali mu citipu. Pano calembwa mu malembelo cati, “Wino wensi asyayela pe vyonsi ivyalembwa mu lupapulo lwa Masunde ala wene umutipwe!”

1 Kolinto 2:7

Mano yano nkukosola ankama ya mano yakwe Leza, yano afiswa ku mitundu ya antu onsi. Lino Leza atali aumbe insi ii, wene wateinye mano kwene yaa kuti yaye akutupela lulumbi.

Mateo 25:40

Alino Mwene alaasuka ati, ‘Cumi namunena, vino consi cino mwacitile wenga munono uwamu ina yane, vivyo kwene mwacitile nene!’

Utandiko 12:3

Ndapolelela yao alakupolelela. Lelo ndatipwila yao alakutipwila. Munuli ndapolelela inko zyonsi.”

1 Kolinto 16:22

Muntu umwi ndi asyatemwa Mwene, Atipwe! Malanata! Mwene witu, iza!

Ezekelo 39:17

Yawe Simwandalali wavwanga wati, “We mwana wa muntu nena ivyunyi vya misango yonsi ni nyama zya mpanga zyonsi uti, ‘Kolonganini, izini kuno ukufuma mu mpanga yonsi, mulongane ku malila ya mpolelwa, impolelwa ikalamba pa myamba yakwe Izlaeli. Izini mulye iminyefu nu kumwa uwazi.

Yelemiya 46:10

“Lelo ilelo uwanda wa Mwene, Yawe Wamaka yonsi. Wanda wi lelo uwanda wa cilanduzi, wakulandula ku anisi yakwe. Lupanga lwakwe lumalya nu kwikuta. Mumakoleka uwazi wao, pano Yawe Wamaka yonsi amatuula impolelwa umu mpanga iyayela ku ntunga yaku kayeya mu pipi nu luzi lwa Yufulate.

Ezaya 34:6

Ulupanga lwakwe lumakandana uwazi wao, nu kunonoka uku mafuta ya twana twa mfwele ni mbuzi, lino yakupeela impolelwa. Yawe aliwe amatuula impolelwa uku musumba wa Bozila, muno amakomola antu aku Edomu.

Ezila 10:8

Yalanda yati, “Ali wensi wino waposiwa ukufika umu manda yatatu, ale wene alapokololwa ivintu vyonsi vino wakwata, ukulingana nu upinguzi wa ntunguluzi na ikolo, nga aliwe kwene yalamusukula mwi umba lyakwe yayo aweluluka ukufuma ku uzya.”

1 Samueli 15:6

Alino Saulo atuma amazwi ku ina Kenite, ati, “Palukanini na ina Amaleke pakuti ntiza mukome pamwi na alio. Mwemo mwali nu luse ku ina Izlaeli yonsi lino yafumile mu mpanga ya Eguputo.” Acino aina Kenite pali pakufyufyuntuka ku ina Amaleke.

Yoswa 7:1

Lelo aina Izlaeli yamwi yatali acumi ku ciindo cino icakumile ivintu vino vyapeelwa ku kononwa. Akani umwana wakwe Kalimi, umwana wakwe Zimuli, umwana wakwe Zela, uwa mutundu wakwe Yuda, atoola ivintu vimwi vino yainzile. Caleka ukali wakwe Yawe ufulumila aina Izlaeli.

Yoswa 2:22

Inengu nazyo pali pakuya ku myamba akuno zyaya zyafisama pa manda yatatu, mpaka ukufika lino inkombe zizi zyaweluluka ku Yeliko pacisila cakusapika monsi monsi mu kulonda inengu zizi ukwaula ukuzizana.

Yoswa 2:1

Lyene Yoswa, umwana wakwe Nuni, mu umfisolo atuma inengu ziili ukufuma ku nkambi yaku Syitimu. Ayapeela ilamulo kuti yaye yakendezye impanga ya Kenani mu umfisolo, makamaka umusumba wa Yeliko. Caleka inengu zizi izipita zizana indo mumu ng'anda yakwe Laabu cizelele.

1 Samueli 15:3

Acili cino fwandi wemo pita sile ukalwisye aina Amaleke nu kulovya ivintu vyao vyonsi. Cisi cakwezya kuti usyepo nanti umwi. Ukome aonsi na anaci kwene, nga na ana kumwi nu tunya kwene tuno yakulela, ni ng'ombe nga ni mfwele, ingamila na yapunda.’”

Aina Levi 27:21

Pa mwaka uze ukwiza uwa ukuluzi impanga iyo ilaya iyakwe Yawe, pe. Ilaya iyakwe simapepo.