Yoswa 6:13 - Amazwi Yakwe Leza 2013

¹³ Alino yasimapepo cinimbali asenzile intandala cinimbali iyakolelela Mbokosi ya Upangano yakwe Yawe yala yakulizya intandala. Ivita ivyakucingilila iviyakolelela nga ni vita ivyakufundikizya vila vilondelile Mbokosi ya Upangano yakwe Yawe, ni ntandala zila zikulila lino yakupita.

Yoswa 6:13 Referans Kwoze

Galatiya 6:9

Acino mutatonta mu kwazwana. Pano ndi musikutonta, lyene muli nu kupelwa cilambu lino nsita ilafika.

Mateo 24:13

Lelo wino wensi alaposya kufika nu ku mpelelekezyo wene alatuulwa.

1 Milandu 15:26

Lyene antu yayo yafyula yacipambasi cinimbali na yasuku cinimbali, kuti yapeele impolelwa kuli Leza apakuti aazwilizye aina Levi yano yanyemwile nu kusenda Mbokosi ya Upangano yakwe Yawe.

Mpendwa 10:25

Pakusyalikizya pizile pakatuka yao a nzipa ya nsakwe zya amu mutundu wakwe Dani. Wali ali wakufundikizya pa nsakwe zyonsi, nayo iyatenuka mu mpuka mu mpuka. Intunguluzi yao a Aiezeli umwana wakwe Amisyadai.

Yoswa 6:4

Yasimapepo cinimbali yace yasende intandala izyapangilwa ni mpembe zyakwe yasuuku, nupya yace yakolelele Mbokosi ya Upangano. Pa wanda uwalenga cinimbali, mulinzile ukupita ukuzinguluka umusumba amaila cinimbali, na yasimapepo yala yakulizya intandala.

Yoswa 6:9

Ivita ivyakucingilila ivikolelela yasimapepo akulizya intandala, nga ni vita ivyakufundikizya navyo ivilondelela Mbokosi ya Upangano pacisila, ni ntandala zila zikulila.

Yoswa 6:12

Katondotondo, uwanda uwalondelilepo Yoswa na Yasimapepo yanyemula Mbokosi ya Upangano yakwe Yawe.

Yoswa 6:14

Nu wanda wakwe ciili iyapita ukuzinguluka umusumba iila lyonga, alino iyaswilila ku nsakwe. Na vivyo avili vino yacisile pa manda mutanda.