Yoswa 4:19 - Amazwi Yakwe Leza 2013

¹⁹ Pa wanda uwalenga ikumi, mu mwezi wakutandika antu yalamvile Luzi lwa Yodani, iyaya yakuula insakwe mu Giligali pa mupaka waku ufumondaka wa musumba wa Yeliko.

Yoswa 4:19 Referans Kwoze

Yoswa 5:9

Lyene Yawe anena Yoswa ati, “Ilelo natimfumya ukunenola kwa ina Eguputo panomuli. Acino na pilelo kwene icifulo cici cikaamwa ukuti Giligali.”

Mika 6:5

Mwe antu yane, iusyini vino Balaki umwene waku Moabu, walondanga kucita kuno muli, nga na vino Balamu umwana umonsi wakwe Beoli wamwaswike. Iusyini ivintu ivyamucitikile, apa lwendo lwinu lwakufuma ku Syitimu nu kuya ku Giligali. Iusyini ivintu vii vyonsi kuti mumanye vino ne Yawe namucitile apa kumutuula.”

Amosi 5:5

Lelo mutakongana ku Betele ku kupepa, nanti ukwingila mu Giligali ku kundonda, nanti ukuya pa lwendo ku Belisyeba. Cumi kwene aina Giligali yalasendwa umu uzya, nu musumba wa Betele ulaongolokela limwi.”

Amosi 4:4

“Yangini ku ncende yamuzilo ku Betele, mutandike nu kwifya kweneko. Yangini ku Giligali mulundulule nu kwifya. Letini amawila inu yonsi a cikumi cila manda yatatu.

1 Samueli 15:33

Samueli nawe pali pakuvwanga ati, “Vivi kwene vino ulupanga lwako lwasya yanyina ana ukwaula ana, avino nyoko nawe amaya umwanaci uwaula umwana pa anaci yonsi.” Alino Samueli akoma Agagi pa manso yakwe Yawe ku Giligali.

Yoswa 15:7

Umupaka ulya lyene iuya ukupela ku Debili ukutandikila mu Cifoloma ca Akoli nga iusenukila ku katutu ku Giligali, apalungamine nu mulundu wa Adumimu lwaku kaeya ka luzi. Alino iutwalilila mpaka nu kufika ku manzi yaku Eni Syemesyi nga iupelela mu Eni Logeli.

Yoswa 10:43

Lyene Yoswa aswilila pamwi na ina Izlaeli yonsi ku nsakwe zyao ku Giligali.

Yoswa 10:6

Lyene aina Gibyoni iyatuma inkombe kuli Yoswa mu nsakwe ku Giligali yati, “Mutezya kutazyela aomvi inu. Lelo izini kuno zuwa mututuule! Izini mutwazwe, pamulandu wakuti yamwene ya ina Amoli ukufuma mu mpanga ya myamba yatiyuminkanya ivita vyao kuti yatulwisye.”

Malango 1:3

Pa wanda wakutandika uwa mwezi uwalenga ikumi na onga mu mwaka uwalenga amakumi yani pacisila lino yatiyafuma mu Eguputo, Mose anena aina Izlaeli ivintu vyonsi vino Yawe wamupeezile ilamulo kuti ayanene.

Malango 11:30

(Mwamanya ukuti imyamba iyo yoili yaya lwaku mbalama ya Luzi lwa Yodani, mu mpanga ya ina Kenani, yayo akaikala mu Cifoloma ca Yodani. Yene yali lwaku uwondaka, pipi pipi ni miti yamanyika yaku Mole apipi nu musumba wa Giligali.)

Yoswa 4:18

Lino sile yasimapepo yalya asenzile Mbokosi ya Upangano yakwe Yawe yacifuma ukunzi ku cituntu ca Luzi lwa Yodani, uluzi nupya ilutandika ukupita nu kusambela monsi wakwe vino cali inkolelo.

Yoswa 5:10

Lino ilanzi lyawa pa wanda uwalenga ikumi na yani, lino yatenzi mu nsakwe zyao zino yakuuzile ku Giligali lwa ku manyika aku Yeliko, aina Izlaeli iyazevya Cimulo ca Ucilo.

2 Yamwene 2:1

Lyene insita ifika yakuti Yawe asende Eliya ukwiyulu muli nkungulupya. Uwanda kwene uo ali uno Eliya na Elisya yali pa ulendo wao wakuya ku Giligali.

Yoswa 9:6

Lyene iyaya kuli Yoswa mu nsakwe ku Giligali nga yanena aliwe na ina Izlaeli, yati, “Twafuma ku mpanga imwi ukutali. Tukasi kuti tucite cipangano namwe.”

Yoswa 24:11

Alino mwalamvile Luzi lwa Yodani imwiza ku Yeliko. Aikazi amu Yeliko nayo iyamulwisya, wakwe vino aina Amoli, aina Pelizi, aina Kenani, aina Hiti, aina Giligasi, aina Hivi na ina Yebusi yacisile. Lelo nayapile mu makasa inu.

1 Samueli 10:8

“Alino ukatentemukile nu kukolela ku Giligali. Akuli kuno ndiza nkuzane nu kupeela amawila yakoca na autandano. Lelo uce ulolele kuku amanda cinimbali pakuti nkize nkakulange ivyakucita.”