Yoswa 3:16 - Amazwi Yakwe Leza 2013

¹⁶ amanzi ukufuma ukupela ya luzi iyata ukupita. Amanzi iyatulumana kufika na papela ya cituntu kulingana intampulo izingi ukuwelela icisila, ukufika na lwaku musumba wa Adamu, pipi nu ku Zaletani. Pa nsita ili imwi kwene amanzi yano yakonkolokanga yakuya kuli Yemba wa Alaba (kuli kuti Yemba wa Musilya) iyata ukupita iyaputuka. Acino antu iyalambila ku mbalama yuze kulungatana nu musumba wa Yeliko.

Yoswa 3:16 Referans Kwoze

Yoswa 3:13

Nga zuwazuwa lino yasimapepo asenzile Mbokosi ya Upangano yakwe Yawe, umwene wa nsi yonsi yalyata mu Luzi lwa Yodani, amanzi yaluko yano yakukonkolokela ukwisika yalaputulwa nga yatulumane pamwi.”

1 Yamwene 7:46

Vyonsi vivyo umwene Solomoni wavyengulwile mu musili wa mbulo, uwayela pa ncende imwi ya nyika ya Yodani. Incende iyo yayela pakasi kakwe Sukoti na Zaletani.

1 Yamwene 4:12

Baana umwana umonsi wakwe Ailudi wangalilanga ku Taanaki, ku Megido nga na konsi ku Beti Syani, pipi nu ku Zaletani ukwisika lyakwe Yezileele, ukutandikila ku Beti Syani mpaka ukufika ku Abeli Meolaa nga nu musumba wa Yokomeamu.

Utandiko 14:3

Yamwene yaa yasano yuvwana kuminkanya ivita vyao mu cifoloma ca Sidimi (Ndakai cikaamwa ukuti Yemba wa Musilya).

Masamu 114:3

Walanga Yemba Muyenzu walola cico, wutwike. Nu luzi Yodani nalo lwimilile sika, iluta ukupita.

Malango 1:1

Mu lupapulo luu muli amazwi yano Mose wavwanzile ku ina Izlaeli yonsi lino yali mu lwanga lwaku ufumondaka wa Luzi lwa Yodani. Yene yali mu cifoloma ca Yodani, pipi nu ku Sufi pakasi ka musumba wa Palani ku mbali yonga nga ni misumba ya Tofeli, Labani, Hezeloti, na Dizaabu ku mbali yuze.

Mpendwa 34:3

Umupaka uwaya lwaku kaeya ulatandikila ukufuma mu Lwanga lwa Zini ukwemanya nu mupaka waku Edomu. Alino nu mupaka winu uwa kwi kasa lyakwe ndilo, ulatandikila ku ufumondaka, lwa ku mpela ku kaeya kakwe Yemba wa Musilya.

Masamu 77:19

Wapisile muli yemba, walamba yemba mukalamba umuzike wakwe cimwi ni ngazo muno walyatanga zisi zyakuloleka nanti panono.

Masamu 74:15

Awewe watulwile tufukoka nu tunguzi kuti vyakonkoloka. Awewe wumike ni nguzi izikalamba izisitala zipwa.

Masamu 66:6

Wasangwile yemba umusili uume ndi, ni vikolwe vitu ali pakulamba pansi ni ngazo. Ndanji tuzange ni nsansa pali cino Leza wacisile.

Masamu 29:10

Yawe aliwe akateeka yayemba yonsi, nupya wene wikala pa cilimba cakwe ca wene umuyayaya.

Yoswa 15:2

Umupaka wao uwaku kaeya watandikila api lambwa lwaku kaeya ku mpela yakwe Yemba wa Musilya,

Malango 3:17

Lwaku uwondaka impanga yao yanyetelile ukufika ku Luzi lwa Yodani, nu kufuma kuli Yemba wa Galile ku katutu mpaka ukutentemukila kuli Yemba wa Musilya lwaku kaeya mpaka nu mu mutentemuko wa Mwamba wa Pisiga lwaku ufumondaka.

Kufuma 14:21

Lyene Mose akonzolola ikasa lyakwe pali yemba, alino Yawe alenga kuti muza upunge ukufuma ku ufumondaka. Muza upunga usiku onsi nu kulenga kuti amanzi yapaatukane cakuti musili uume uloleka pali yemba. Amanzi yapaatukana kuu na kuu,

Masamu 33:7

Wakolonganike amanzi yamuli yayemba, kwati umu ncende yonga, kwati umu nyambi. Nga alino wasunga amanzi yamu maziya pamwi.

Masamu 114:5

Icani fwandi cino we yemba wutukile? Nawe we luzi Yodani, icani cino wimilile uta nu kupita?

Ezaya 50:2

Uzye pacani cino ntazanyilepo nanti wenga lino nizile? Uzye pacani cino kutali nanti wenga wakwasuka lino nalaizye? Uzye ikasa lyane lyali ilipi ilyakuposiwa kumutuula? Uzye ntakwata amaka akumutuula? Apakukalipa kwane sile, nemo ningakamya yemba ni nguzi cakuti ni nswi zyonsi izyaya mwenemo zikamilwe, apamulandu nu kuulizya amanzi, zifwe nu kufwa uku lusala.

Ezekelo 47:8

Anena ati, “Amanzi yaa yaya ku mpanga yaku ufumondaka, yatentemukila ku Alaba, nu kuyaingila kuli yemba. Na pakuponela muli yemba yamusangula amanzi asuma.

Naumi 1:4

Wene akapeela yemba ilamulo, nga nawe apwa! Wene akakamya inguzi. Ni vimelwa vyamu vyalo vyaku Basyani nu ku Kalimeli avyumika. Na maluwa aku Lebanoni yafooka.

Habakuku 3:8

We Yawe uzye inguzi izyatizikukalifya? Uzye imilonga yatikuletela icipyu? Uzye a yemba uwakusosizye, lino wakwezile pa mfwalasi zyako nu kuleta ucimvyo ku antu yako?

Kufuma 14:22

nga aina Izlaeli yapita mwenemo pa musili uume.

Kufuma 14:29

Lelo aina Izlaeli yalamba yemba pa musili uume ala amanzi yatiyapaatukana mbali ziili wa lung'umba kuu na kuu.

Kufuma 15:8

Lino waputa umupu wako pali yemba amanzi iimilila, amanzi iimilila ukuya mupela ngati lung'umba. Iziya lizike lyakwe yemba likoma liya na ndi kufika na pansi pansi.

Yoswa 4:22

muce muyanene muti, ‘Aina Izlaeli yalamvile Luzi lwa Yodani pa musili uume.’

Yoswa 5:1

Lino Yamwene yonsi aina Amoli aikalanga ku uwondaka wa Luzi lwa Yodani alino na yamwene yonsi aina Kenani aikalanga mu nkumba yakwe yemba wa Adiliya yuvwa ukuti Yawe watakamya Yodani pa manso ya ina Izlaeli mpaka itusuka itulamba, iyazakaza ku ntete nupya iyatovoka pamulandu wa ina Izlaeli.

Yoswa 12:3

Wene wateekanga na lwaku ufumondaka wa Alaba ukutandikila kuli Yemba wa Galile ukufika na kuli Yemba wa Alaba (kuli kuti Yemba wa Musilya), nu kulunduluka ku Beti Yesyimoti, ukufika nu kwisika lya mutentemuko wa Mwamba wa Pisiga lwaku kaeya.

Yoswa 16:7

Lyene ukufuma ku Yanowa iutentemukila ku Ataloti nu ku Naala, iufika ku Yeliko nga iupelela mu Luzi lwa Yodani.

Yakapingula 7:22

Lino antu yakwe Gidyoni yacili lizya intandala zyao, Yawe alenga ivita vya anisi yao kuti vizanzane ni mpanga. Ivyutuka kulungama ku Zaletani ivifika nu ku Beti Syita, mpaka nu ku musumba wa Abeli Meolaa pipi nu ku Tabati.

Masamu 78:13

Wankinye yemba apakasi, apano ayapisya, aimika amanzi ungati ulung'umba.