Yoswa 3:14 - Amazwi Yakwe Leza 2013

¹⁴ Caleka lino antu yakuululula insakwe zyao kuti yakalambe Luzi lwa Yodani, yasimapepo asenzile Mbokosi ya Upangano iyapita iyayakolelela.

Yoswa 3:14 Referans Kwoze

Ayebulai 9:4

Muu umwali kavuwa kakwe zaabu pano yocelanga ubani. Mwali (Alaka) mbokosi ya upangano ino yapomilwe na zaabu monsi kwene. Nu mukasi mwisilwe musazi wakwe zaabu muno mwali mana, nsonzo yakwe Aaloni iyawalwile maluwa, nga ni vipampa vya mawe viili ivyalemvilwepo masunde.

Yelemiya 3:16

Alala mwavula, mwasanduluka umu mpanga ilya, ale na antu lyene yata nu kulanda apa mbokosi ya upangano yakwe Leza. Nupya yatalatala yelenganye na penepo. Yatalaiusya nanti ukuluuka nanti sile uku mpanga yuze.

Masamu 132:8

Katuka, we Yawe, wize umu ncende yako umwakupuzila, wewe pamwi ni mbokosi yako iya maka yako.

Yoswa 6:6

Acino Yoswa umwana umonsi wakwe Nuni aama yasimapepo nga ayanena ati, “Nyemulini Mbokosi ya Upangano yakwe Yawe, nga muleke yasimapepo cinimbali yakweyolelele ala yatiyasenda intandala.”

Yoswa 3:6

Alino Yoswa anena yasimapepo ati, “Nyemulini Mbokosi ya Upangano nga mupite mukolelele antu.” Acino iyakatusya Mbokosi nga iyakolelela antu.

Yoswa 3:3

nga yapeela ilamulo ku antu yati, “Lino mwaca mwalola yasimapepo aina Levi yasenzile Mbokosi ya Upangano yakwe Yawe Leza winu ku nkolelo, namwe kwene mulinzile ukukatuka musye vifulo vinu muilondelele pacisila.

Malango 31:26

“Tolini lupapulo luu lwa masunde yakwe Yawe mulwike pambali ya Mbokosi ya Upangano yakwe Yawe Leza winu, pakuti lukasyale papa kwene wa umboni wakusinila antu yakwe.

Yoswa 24:11

Alino mwalamvile Luzi lwa Yodani imwiza ku Yeliko. Aikazi amu Yeliko nayo iyamulwisya, wakwe vino aina Amoli, aina Pelizi, aina Kenani, aina Hiti, aina Giligasi, aina Hivi na ina Yebusi yacisile. Lelo nayapile mu makasa inu.