Yoswa 3:11 - Amazwi Yakwe Leza 2013

¹¹ lilyo lino yasimapepo yalasenda Mbokosi ya Upangano ya Mwene wa nsi yonsi nga yamukolelele ukwingila mu Luzi lwa Yodani.

Yoswa 3:11 Referans Kwoze

Zakaliya 6:5

Umungeli wilya nawe angasuka ati, “Yakwene ili miza ini ya kwiyulu, ino ikufuma kuli Yawe umweneco wa nsi yonsi.”

Zakaliya 4:14

Umungeli nawe ati, “Antu yaa yaili ali yano Yawe umweneco wa nsi yonsi wapaka amafuta nu kuipaatwila pakuti awino yaombela.”

Masamu 24:1

Insi kumwi na vyonsi ivyayamo ivyakwe Yawe, impanga yonsi ya pano pansi kumwi na ikazi yamwenemo.

Mika 4:13

Yawe akuti, “Mwe antu amu Zioni, katukini muye mukalwisye anisi inu! Ndamucita ukuya antu amaka ungati a masaye uwa mpembe zya cela, ni nkamba zya mukuwa. Ulavungola antu amu mitundu ivule, “nu kutuula kuli ne Yawe ivintu vino yalonsile umu ukakasi. Ni cuma cao ulacipeela ku Mwene wa nsi yonsi.”

Yoswa 3:13

Nga zuwazuwa lino yasimapepo asenzile Mbokosi ya Upangano yakwe Yawe, umwene wa nsi yonsi yalyata mu Luzi lwa Yodani, amanzi yaluko yano yakukonkolokela ukwisika yalaputulwa nga yatulumane pamwi.”

Zakaliya 14:9

Alino lyene Yawe Leza awino alaateeka impanga yonsi, ala wenga mpo awino alaya Umwene, ni zina lyakwe lyonga mpo alino antu yalalumbula.

Zefaniya 2:11

Yawe alayoofya wakwe cimwi. Wene alonona tuleza twa mpanga ilya. Mitundu yonsi ya antu ilapepa Yawe, cila mutundu ulamupepa mu mpanga yakweo.

Yelemiya 10:7

Wewe uli Mwene wa mitundu yonsi. Aweni fwandi atange akoope? Caticikulinga kuti yonsi yakucindika. Pano kusi nanti wenga uwaya wakwe wewe, pa antu yamano yonsi amu mitundu yonsi nanti pakasi kakwe yamwene yao.

Ezaya 54:5

Pano uwakuumba kwene aliwe alaya uwako. Izina lyakwe a Yawe Wamaka yonsi. Ali Katuula wako Wamuzilo wakwe Izlaeli, akaamwa Leza wa nsi yonsi.

Ezaya 3:12

Ana yanono yalamwilikizya, na anaci nayo yakamuteeka. Mwe antu yane yakateeka inu yamuponzya, yonona ni nzila zinu.

Yobo 41:11

Uzye aweni angiza ailizyanye pali nene, pano ivintu vyonsi pano pansi ivyakwane.

Malango 9:3

Lelo ilelo mumasininkizya ukuti Yawe Leza winu aliwe akamukolelela wa cimbilimbili ca moto icikaonona. Wene ali nu kuyacimvya cakuti mulayazinga nu kuyonona pyu zuwazuwa, wakwe vino wene walavile.

Masamu 97:5

Imyamba ikasunguluka sile wi pula, apa manso yakwe Yawe, apa manso ya Mwene wa nsi yonsi.

1 Milandu 29:11

We Yawe, wewe mukulu nupya uwamaka, uwalulumbi, nu usambazi. Pano ivintu vyonsi umwiyulu na pano nsi ivyakwako. Uwene uwakwako we Yawe. Wewe uli mukulu mpo pa vintu vyonsi.