Yoswa 3:10 - Amazwi Yakwe Leza 2013

¹⁰ Lino mulaya pankolelo, wene atalaposiwa ukumuzingila aina Kenani, aina Hiti, na ina Hivi, na ina Pelizi, na ina Giligasi, na ina Amoli nga na ina Yebusi. Vii avino mulamanya ukuti Leza wa umi ali pakasi kinu

Yoswa 3:10 Referans Kwoze

Malango 7:1

“Yawe Leza winu alamutwala mu mpanga ino mulapoka nu kwikala mwenemo, nga wene alazinga mwenemo inko zivule. Lino mukuya pa nkolelo, wene alazinga mwenemo inko cinimbali izikulu nupya izya maka ukuluta mwemwe. Inko zii izya ina Hiti, na ina Giligasi, na ina Amoli, na ina Kenani, na ina Pelizi na ina Hivi, nga na ina Yebusi.

Kufuma 33:2

Ndatuma mungeli kuti akukolelele, nupya ndazinga aina Kenani, aina Amoli, aina Hiti, aina Pelizi, aina Hivi, na ina Yebusi.

Ayebulai 10:31

Kufumbatwa mu makasa yakwe Leza wa umi cintu cimwi ca koofya cuze.

1 Samueli 17:26

Davidi auzya aonsi aimi pipi na aliwe ati, “Uzye icani cino yali nu kucitila umuntu alakoma umwina Filisti wi, pa kufumya akalanda nu kuzewana kwa ina Izlaeli? Umwina Filisti wi, wino atasilamulwa, icani cino angacuzizya ivita vyakwe Leza wa umi nu kuvituka?”

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

2 Yamwene 19:4

Umwene waku Asilya watatuma umukalamba wa vita ku kwiza tukananga intusi kuli Yawe Leza waumi. Fwandi Yawe Leza wako anguvwa intusi zizya apakuti apezye antu yaya yakatukana. Wemo lenganga sile Yawe apakuti angapususya antu itu yano yasyala penepo.”

Yoswa 22:31

Pineasi umwana wakwe simapepo Eleaza, avwanga ku amu mutundu wakwe Lubeni, na amu mutundu wakwe Gadi nga na amu mutundu wakwe Manase, ati, “Ilelo twamanya ukuti Yawe ali naswe, pamulandu wakuti mutasangukile Yawe, lelo mwatimukulula aina Izlaeli ku kuvunukwa na Yawe.”

Malango 31:17

Lino cico icamwata uwo cilacitika indayasokela cuze. Indayatazyela cakuti lyene nu kuzanzwa yalazanzwa. Lino amazanzo avule yalayacitikila ali lino yalamanya ukuti ivintu vii vikuyacitikila pamulandu wakuti nene, ne Leza wao, insi nayo nupya.

Kufuma 3:8

Caleka natiniza kuti njatuule ukufuma mu makasa ya ina Eguputo nu kuyafumya mu mpanga ilya, nga njatwale ku mpanga ino ili ni ncende ikulu nupya ivunde cuze. Mpanga ilya ya ina Kenani, aina Hiti, aina Amoli, aina Pelizi, aina Hivi, na ina Yebusi.

1 Tesalonika 1:9

Antu yaya yonsi yakulanda pa kuzengela kuno mwatuzengile, nga na vino mwazenzwike ku kupepa tuluwi nu kutandika kutumikila Leza wa cumi nupya uwa umi.

Oseya 1:10

Lelo aina Izlaeli yalavula wa musensenga uwamu nkumba yakwe yemba, uno utangapimwa nanti kupendwa. Pali ndakai Leza akuyanena ati, “Mwemo musi antu yane,” lelo uwanda uliza lino wene alayanena ati, “Mwemwe ana yakwe Leza wa umi!”

Masamu 9:16

Yawe wataisokolola umwisikulu umu upinguzi wakwe ulungame. Watafyenenkezya aipe umu vicitwa vyao.

Malango 5:26

Uzye kwatala kwaya umuntu umwi uwatala uvwa izwi lyakwe Leza wa umi akuvwanga ukufuma mu moto, nga pacisila atwalilila ukuya umupuma?

Mateo 16:16

Simoni Petulo nawe aasuka ati, “Wewe Katuula uwalavilwe, Mwana wakwe Leza uwa umi.”

Ezaya 7:14

Lyene Yawe umwisikulu amakulangizya icimanyililo conga. Akunoli umukazyana umwi, wiyo anyomelile. Aliwe alavyala umwana umonsi wino yalatemela izina lyakwe Imanueli.

1 Yamwene 22:28

Mikaya alanda ati, “Wemo ndi cakuti waca wawela umutende, awe nce, ale Yawe atalanda muli nene.” Nupya atwalilila nu kuvwanga ati, “Mwe antu mwensi, mwemo mungala muvwikisye sile vino natindanda.”

Yoswa 21:45

Kutali nanti ulayo onga pa malayo asuma yano Yawe walavile aina Izlaeli uno utafikiliziwe. Amalayo yonsi kwene yafikiliziwe.

Kufuma 17:7

Cifulo cici yacitemela izina yati Masaa na Meliba (Kuli kuti Amezyo nu kuilizyanya) pamulandu wakuti aina Izlaeli yailizyanyizye kuli Mose nu kwezya Yawe lino yuzizye yati, “Uzye Yawe ali naswe nanti foo?”

Yoane 6:69

Naswe twataila nu kumanya vino wewe Wamuzilo nupya wafuma kuli Leza.”

Malango 7:21

Acino mutaca mwaoopa antu yaa. Yawe Leza winu ali namwe. Wene a Leza wa maka wino antu yalinzile ukoopa.

Yoswa 3:9

Alino Yoswa anena aina Izlaeli ati, “Palamilini kuno nga muyuvwile amazwi yakwe Yawe Leza winu.

Yoswa 9:1

Lyene yamwene yonsi aikalanga ku uwondaka wa Luzi lwa Yodani yuvwa ivintu vii vyonsi, yano yonsi aikalanga mu mpanga ya myamba, nu mu misana ya twamba yaku uwondaka, nu mu nkumba yonsi yakwe Yemba wa Adiliya kufika na lwaku katutu ku Lebanoni, nga na yamwene ya ina Hiti, na ina Amoli, na ina Kenani, na ina Pelizi, na ina Hivi, nga na ina Yebusi

1 Samueli 26:6

Davidi ali pakuuzya Aimeleki umwina Hiti na Abisyai umwana wakwe Zeluya uwali umwina wakwe Yoabu, ati, “Uzye aweni amaya pamwi nani kuli Saulo umu nkambi?” Abisyai aasuka ati, “Anene namapita nawe.”

Masamu 42:2

Umwenzo wane ukulukisya we Leza, Leza wane uwa uumi. Uzye alilaci fwandi lino ndiza mpepele apa manso yako?

Utandiko 15:21

ya ina Amoli, ya ina Kenani, ya ina Giligasi, ni ya ina Yebusi.”

Mpendwa 13:29

Aina Amaleke yakaikala mu Negebu, nga aina Hiti, na ina Yebusi, na ina Amoli yakaikala mu mpanga ya myamba. Na ina Kenani nayo yakaikala mu nkumba yakwe Yemba Muyenzu nu mu nkumba ya Luzi lwa Yodani.”

Yoswa 11:3

Atuma nu ku ina Kenani ku ufumondaka nu ku uwondaka, ku ina Amoli, ku ina Hiti, ku ina Pelizi, nu ku ina Yebusi mu mpanga ya myamba, nga nu ku ina Hivi aikalanga mwisika ya Mwamba wa Helimoni mu mpanga yaku Mizipa.

Yoswa 12:8

Impanga kwene iyo yali ya myamba, misana ya twamba yaku uwondaka, ni ya Alaba, ukwisika lya mutentemuko wa mwamba, ulwanga, ni mpanga ya Negebu. Mu mpanga kwene iyo umwikalanga aina Hiti, na ina Amoli, na ina Kenani, na ina Pelizi, na ina Hivi nga na ina Yebusi.

Yoswa 24:11

Alino mwalamvile Luzi lwa Yodani imwiza ku Yeliko. Aikazi amu Yeliko nayo iyamulwisya, wakwe vino aina Amoli, aina Pelizi, aina Kenani, aina Hiti, aina Giligasi, aina Hivi na ina Yebusi yacisile. Lelo nayapile mu makasa inu.

1 Milandu 1:14

Yebusi, Amoli, Giligasi,