Yoswa 24:25 - Amazwi Yakwe Leza 2013

²⁵ Acino pa wanda ulya kwene Yoswa acitila antu upangano, nga kuku kwene ku Syekemu ayapeela vipope na masunde.

Yoswa 24:25 Referans Kwoze

Kufuma 15:25

Mose apapata kuli Yawe, alino Yawe amulanga kamuti. Mose atoola kamuti akasumbila mu manzi, na manzi yaluluka. Kuku kwene akuno Yawe ayapeela amasunde akuti yalondela mu wikazi wao. Yawe ayezya kuti alole ndi yangayela amasunde yakwe.

Neemiya 9:38

“Pamulandu wakwe vivyo vyonsi, icalenzile ukuti swe ina Izlaeli tuzumilizyanye ukucita upangano uu uwa ufumacumi. Twalemba apa cipampa. Twafwatika penepo ni nsimbi nu kusainapo amazina ya ntunguluzi zitu, aina Levi na yasimapepo itu.”

2 Milandu 23:16

Lyene Yeoyada acita upangano uwakuti aliwe na antu pamwi nu mwene kwene yamayanga antu yakwe Yawe kololo.

2 Yamwene 11:17

Lyene Yeoyada acita upangano pakasi kakwe Yawe nu mwene na antu yakwe, ukuti yene yamaya antu kololo yakwe Yawe. Wene wacisile nu upangano pakasi ka mwene na antu.

2 Milandu 29:10

“Lyene ndakai nemo nkwelenganya ukucita upangano na Yawe, Leza wa ina Izlaeli, apakuti ukali wakwe ukulu ufume pano tuli.

2 Milandu 15:15

Ayuda pasi pakuzanga apakulola ukuti yalapa umulapo uo ni myenzo yao yonsi. Iyazanga sana apa kupepa Yawe, nawe nu kuyuvwa wayuvwanga nu kuyasunga ningo lyonsi.

2 Milandu 15:12

Ali pakupanga nu pangano uwakuti yamapepanga Yawe Leza wa vikolwe vyao ni myenzo yao nga nu mupasi wao onsi.

Yoswa 24:26

Nga Yoswa alemba ivintu vii mu Lupapulo lwa Masunde lwakwe Leza. Lyene atoola iwe ilikulu, nga alimika papa kwene umwisika ya muti umu oki, uwali lwa mu Ncende Yamuzilo yakwe Yawe.

Yoswa 24:1

Lyene Yoswa akonganika antu amu mitundu yonsi ya ina Izlaeli ku Syekemu. Aama aikolo, ni ntunguluzi, na yakapingula nga na yamusika yonsi ya ina Izlaeli, nga nayo yiiza yimilila pa manso yakwe Yawe.

Malango 29:1

Yakwene ali mazwi ya upangano uno Yawe wapeezile ilamulo kuli Mose kuti yapangane na ina Izlaeli mu mpanga ya Moabu. Amazwi yaa fwandi yali akulanda pa mazwi ya upangano uno Yawe kwene wapangine nayo ku Mwamba wa Holebu.

Kufuma 24:3

Mose apita, aya anena antu amazwi na malamulo yonsi yano Yawe wamunenyile. Lyene antu yonsi yaasuka yati, “Endi, tumacita vyonsi vino Yawe watavwanga.”

Utandiko 35:4

Caleka yatoola tuleza twa inamasi tonsi tuno yakweti pamwi na mantenga yano yazwite ku matwi nga yapeela Yakobo. Alino Yakobo aya azika mwisika ya cimuti cino yakati muoko pipi nu ku Syekemu.