Yoswa 24:20 - Amazwi Yakwe Leza 2013

²⁰ Ndi mwafutatila Yawe nu kutumikila tuleza tuze, nawe alamusenuka alete nu uzanzo panomuli nga amulovye, nanti angala wene wamucitilanga ivisuma.”

Yoswa 24:20 Referans Kwoze

Milimo 7:42

Lelo Leza nawe afwitoka ayafutatila, aleka kuti yatumikila intanda zya mwiyulu, wakwe vino icalembwa mu lupapulo lwakwe yakasema cikati, ‘Mwe ina Izlaeli! Asi kuli nene kuno mwaletanga impolelwa zya nyama zino mwakomanga mu lwanga, pa myaka makumi yani.

Ezekelo 18:24

“Lelo umuntu musuma ndi wata kuzifya, watandika nu kwifya, amacita ni vintu iviipisye ivikacita antu aipe, uzye umuntu wiyo angaya nu umi? Awe foo. Ni visuma vyonsi vino wacita yatange yaviusye. Angafwila pa utalami wakwe na pa viipe vino wacita.

Yelemiya 17:13

Mwene, wewe uli upalilo wa ina Izlaeli. Yonsi yano yakutazyela yalazewana, na yano yakusangukila yalatenulwa muno nsi, pamulandu wakuti yatayela Yawe intulo ya manzi ya umi.

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

Ezaya 63:10

Nga lelo yene yamutalamilanga nu kumufisya ku mwenzo. Nawe fwandi ali pakuyafutatila, ala umweneco akuyalwisya nu kuyalwisya.

Ezaya 1:28

Lelo yacisanguka na yakaifya yonsi pamwi alayonona, nga na yayo alafutatila Yawe nayo yalalowa.

Ezila 8:22

Nemo nakweti insonyi izyakulenga umwene Alitakisesi impuka ya vita, vya pa ngazo ni vya pa mfwalasi, ivyakutucingilila ku anisi pa lwendo lwitu. Pasipano alanga twanena umwene ukuti Leza witu alapolelela umutundu witu onsi uwamutaila, lelo wene alavunuka umuntu wensi uwamusangukile.

2 Milandu 15:2

Nawe ali pakuya uku mwene Asa nu kumunena ati, “Musambazi Asa, na mwe ikazi amu Yuda mwensi pamwi na ina Benjamini, nguvwini! Yawe ali namwe cikulu sile mwamutontela. Ndi mwamulonda, mulamuzana. Lelo ndi mwamufutatila, ale nawe kwene alamufutatila.

Ayebulai 10:38

Lelo antu yane, aololoke, yalaya nu umi pa utailo wao. Lelo ndi umwi uvwa intete wamfutatila, nemo ntalazangila muli aliwe.”

Malango 4:25

“Nalyo kwene ndi mwaca mwikala mu mpanga ilya mwalengela mwenemo, mwavyala ana nu kukwata aizikulu, mutakezye ukupanga akaluwi mu musango uli onsi. Cintu cico iciipe pa manso yakwe Yawe, nupya cilamulenga ukusoka.

Malango 4:26

Nemo naama amu mayulu na apano pansi ukuya yakambone akumusinila ilelo ukuti, ndi mwakana ukuyela nene, ale lyene mulalowa zuwazuwa pa mpanga ilya. Mutalalengela ukwikala mu mpanga ilya iya ku mbalama ya Luzi lwa Yodani, ino mwasya mupoke nu kwikala mwenemo. Mulononwa pyu.

Yoswa 24:21

Antu iyanena Yoswa yati, “Awe! Swemo tukaatumikila Yawe.”

1 Samueli 12:15

Lelo ndi mwala mwakana ukuvwila Yawe, nupya ndi mwakana ukuyela amasunde yakwe, ale lyene alamulyolyosya kumwi nu mwene winu kwene.

1 Samueli 12:25

Lelo ndi cakuti mwatwalilila ukucita inkota, ale lyene mulononwa, mwemwe kumwi nu mwene winu kwene.”

1 Milandu 28:8

“Acino lyene apa manso yakwe Yawe, Leza witu na ina Izlaeli yonsi atiyakongana pano, nkukukonkomezya ukuyela amalamulo yonsi yakwe Yawe Leza wako, kuti upyane impanga ii isuma, nu kuti ikasyalile amu mupanda winu umuyayaya.”

Masamu 89:31

ndi yaca yasuula amalamulo yane, yata nu kuwaka amasambilizyo yane,