Yoswa 24:19 - Amazwi Yakwe Leza 2013

¹⁹ Yoswa avwanga ku antu ati, “Mungaposiwa kutumikila Yawe, pano wene a Leza uwamuzilo. Wene a Leza asilonda wakucimvyanya nawe. Wene atalamwelela pali ucisanguka winu na pa maifyo inu.

Yoswa 24:19 Referans Kwoze

Ezaya 5:16

Yawe Wamaka yonsi akalanga ucindami wakwe umu vintu ivilungame vino akacita. Leza wamuzilo alalanga usuma wakwe umu kucita ulungami ku antu yakwe.

Kufuma 23:21

Mwauvwila wiyo kwene, nupya mwauvwikisya vino akumunena pamulandu wakuti natimupeela maka yonsi. Ndi mwacita vikanza kunoli alasoka cuze.

Masamu 99:9

Lumbanyini Yawe Leza witu, mumupepe apa mwamba wakwe uwamuzilo! Pano Yawe Leza witu uwamuzilo!

Masamu 99:5

Lumbanyini Yawe Leza witu, mwamupepa uku cilimba cakwe ica wene. Icacumi wene ali wamuzilo!

Aina Levi 19:2

kuti anene aina Izlaeli yonsi ati, “Muye amuzilo pamulandu wakuti Ne Yawe Leza winu Nene wamuzilo.

Kufuma 20:5

Mutafukamila unkolanya wakwe tuleza nanti kutupepa. Pano ne Yawe Leza winu, nsizumilizya kuti mwapepa tuleza tuze, nupya nkavunuka ana pa maifyo yakwe yaisi, kufika ku nkulo yalenga citatu na yakwe cini, zyakwe yao ampata.

1 Samueli 6:20

Acino aonsi aku Beti Syemesyi iyuzya iyati, “Uzye aweni angimilila pa manso yakwe Yawe, Leza kwene wi uwamuzilo? Uzye akuli weni kuno tumatuma Mbokosi ya Upangano, pakuti afuntuke kunotuli?”

Kufuma 34:14

“Mutapepa leza muze ali wensi, pano Yawe wino izina lyakwe a cauzuwa, a Leza wa uzuwa mucumi.

Mateo 6:24

“Pasi umuntu angaombela aene yaili; pano angapata wenga nu kutemwa umuze, nupya angayela wenga nu kusula umuze. Mutangaombela Leza nga ni vyuma.

Ezaya 30:15

Ala nemo ne Leza Wamuzilo wakwe Izlaeli, nkumunena mwe antu nati, “Welulukini sile kunondi. Mwamfukilila ningo. Lyene alino mumakwatanga amaka nu kwikala mumaikala ukwaula kusakamala nanti cimwi.” Lelo mwemo vivyo avino mukakana.

Ezaya 30:11

Mwemo mwatusenkela umu nzila, mutatucinga foo. Mutatupalizya na matwi umu kuvwanga vyakwe Leza winu, Wamuzilo wakwe Izlaeli.”

2 Milandu 36:16

Lelo yene yasulanga yakasema yayo nu kuyaseka. Lyene umukuya manda Yawe wasuka wasoka, icakuti lyene pasi pano yangafyukila.

1 Samueli 3:14

Caleka, nemo nalafile ku ang'anda yakwe Eli ukuti kutalatala kuye impolelwa nanti uwila uno ungafuta umulandu wao.”

Luti 1:15

Naomi nawe avwanga ati, “Silola muntu we! Umuci muzo wene awiyo waswilila ku antu yakwe na kuli tuleza twakwe. Swilila, mulondele.”

Yoswa 24:23

Yoswa nawe ayanena ati, “Fwandi sumbini tuleza tuno tuli pakasi kinu nu kufima imyenzo inu iye iyakuyela Yawe, Leza wa ina Izlaeli.”

Aina Levi 20:26

Mulinzile ukuya amuzilo pa manso yane, akwane nenga mpo, pamulandu wakuti ne Yawe nene wamuzilo. Namupaatula ukufuma ku nko zyonsi pakuti mungaya akwane nenga mpo.’

Aina Levi 10:3

Lyene Mose anena Aaloni ati, “Walola! Vii, avili vino Yawe wavwanzile lino watile, ‘Onsi yano yakuntumikila yalinzile kucindika muzilo wane. Ndasokolola ululumbi ku antu yane.’ ” Lelo Aaloni aimilila myaa!

Habakuku 1:13

Amanso yako aziliziwe cakuti yasilonda ukulola iviipe. Utangazumilizya antu aipe yatwalilile ukuyembula insi. Umulandu cii cino ungazumilizya vyamusango uu ku antu aipe? Uzye apacani cino utangatola ulutampulo lwakulesya aipe ukulovya asuma nanti akaele?

Ezaya 27:11

Akula insaala zyuma nu kukozoka, yamangu yiza yazyoca. Pano umutundu uu utaya na mano. Ali cino na Leza, kaumba wauko atalayaela uluse. Kaumba wao atalayuvwila amizu foo.

Kufuma 34:7

Ndatwalilila kutemwa kwane ku antu mazimbi amu mazimbi ku nkulo zyonsi nu kwelela ukakasi wao, uyi wao, na maifyo yao. Lelo ntalapanya yakaifya. Ndavunuka ana na izikulu pamulandu wa maifyo yakwe ya isi, kufika nu ku nkulo yakwe citatu na yakwe cini.”

Aina Levi 20:7

Mwaipaatula nu kuya amuzilo. Pano nene indi Yawe Leza winu.

Yoswa 24:18

Lino twingilanga mu mpanga ii, Yawe atuzingila aina Amoli aikalanga mukwene. Acino naswe kwene tumatumikilanga Yawe, pano wene ali Leza witu.”

Masamu 99:3

Yonsi yakamulumbanya, pano wacindama nupya uwalulumbi, icacumi wene uwamuzilo!

Naumi 1:2

Yawe a Leza wa uzuwa nupya akacita icilanduzi. Yawe akacita cilanduzi nupya wakalipa. Yawe akavunuka yao amusangukila, nupya akacita cilanduzi pa anisi yakwe.

Aina Levi 11:44

Nene Yawe Leza winu, nupya mulinzile kuisunga amuzilo, pano nene wamuzilo.

Aina Levi 11:45

Nene Yawe wino wamufumizye mu Eguputo, pakuti ningaya Leza winu. Mulinzile ukuya amuzilo pano nene wamuzilo.

Ezaya 2:9

Antu yasilesile alio yalayaponya pansi. Nawe we Yawe, utakezye ukuyatuula!