Yoswa 24:14 - Amazwi Yakwe Leza 2013

¹⁴ Lyene Yoswa atwalilila kuvwanga ati, “Fwandi lyene mulinzile koopa Yawe nu kumutumikila umucumi nu mukutailwa. Sumbini tuleza tuno ivikolwe vinu vyapepanga ku mbalama ya Luzi lwa Yodani nu mu Eguputo, nga mwatumikila Yawe.

Yoswa 24:14 Referans Kwoze

1 Samueli 12:24

Mwemo mulinzile ukuvwila Yawe intete nu kumutumikila ni myenzo inu yonsi. Tala iusyini ivintu ivikulu vino wene wamucitila.

Malango 10:12

“Mwe ina Izlaeli, uvwini vino Yawe Leza winu akalonda kuti mwacita. Oopini Yawe Leza winu, mwalondela nu mu ntampulo zyakwe zyonsi. Mwamutemwa nu kumutumikila ni myenzo inu yonsi nu umi winu onsi,

Utandiko 35:2

Caleka Yakobo anena amu ng'anda yakwe na yonsi ali nawe ati, “Sumbini tuleza twa inamasi tuno muli nato, muisangulule muzwale ivizwalo visuma.

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

Yoswa 24:23

Yoswa nawe ayanena ati, “Fwandi sumbini tuleza tuno tuli pakasi kinu nu kufima imyenzo inu iye iyakuyela Yawe, Leza wa ina Izlaeli.”

Masamu 119:1

Alongo ayayo anzila zitambalale, yayo akalondela amasunde yakwe Yawe.

Ezekelo 20:18

Lelo mu lwanga kwene amuno nanenyile ana yao inti, ala mwemo mutalondela amasunde ya vikolwe vinu. Mutalondela imisango yao, mutaikowezya ku tuluwi twao.

Masamu 111:10

Ukoopa Yawe ili ntendekelo ya mano. Alino antu akaopa Yawe yakakula na mano. Ica cumi Yawe uwakulumbanya pe na pee!

Yobo 28:28

Fwandi lyene ali vino wanenyile nu muntunze ukuti, ukuya ni coopo kuli Leza ali kukwata amano, nu kufuntuka uku kucita iviipe, ali kwiluka.”

Ezila 9:11

yano watupile ukupitila mu yaomvi yako yakasema. Yene atunena ukuti impanga ino mukuya mwenemo ikowele pano antu aikala mwenemo yikalila ukucita vyawinyi ukufuma ku lusansa longa mpaka ukufika nu ku luze kwene.

2 Yamwene 20:3

“We Yawe, si ungala wiusye vino nakuombelanga usaka. Nakutontelanga amanda yonsi. Si angala wiusye vino nezyanga ukucita vyonsi vino wanena kuti incite.” Lyene Hezekiya alila aminsozi nu ulanda ukulu cuze.

Yoswa 24:2

Alino Yoswa anena antu yonsi ati, “Yawe, Leza wa ina Izlaeli, watavwanga ati, ‘Mpiti mpiti, ivikolwe vinu, ukwikapo na Tela isi wakwe Abulaamu na Nawoli, yatenzi ku mbalama ya Luzi lwa Yufulate nupya yatumikilanga tuleza tuze.

Malango 18:13

13 Mulinzile ukuya aula mulandu pa manso yakwe Yawe.

Aina Levi 17:7

Caleka ndakai aina Izlaeli yatalinzile ukupeela impolelwa ku tuluwi utwa cata ca mbuzi tuno yakafukamila. Ilamulo lii, lili nu kusungwa ku nkulo zinu zyonsi.

Milimo 9:31

Lyene iuvi lyamu Yudeya monsi, Galile, na Samaliya liya nu mutende, likomeleka nu kukulilako kupitila mu maka ya Mupasi Wamuzilo, pano lyali ni coopo ku Mwene.

Luka 8:15

Imbezu izyaponile pa musili uvunde, ayao yano ndi yuvwa mazwi yakwe Leza, yayapokelela nu mwenzo usuma uwakuyela. Caleka yaposya kufika lino yaseeka vizao.”

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

Ezekelo 23:3

Lelo, ukufuma ku ukazyana wao, yene yacita uzelele na Eguputo. Wene uwayatonyanga amayele nu kufikina insota zya ukazyana wao.

Filipi 1:10

pakuti lyene mwamanya kusolola ivili visuma kuti mukazanwe asanguluke aula mulandu pa Wanda wa kwiza kwakwe Klistu.

Efeso 6:24

Cikuku cakwe Leza ciye na antu yonsi yano atemwa Mwene witu Yesu Klistu nu kutemwa kwa pe.

Masamu 130:4

Lelo wemo ukaelela amaifyo, caleka swemo tukakoopa nu kukupeela umucinzi.

Masamu 119:80

Leka nayela amasunde yako, nupya ntaya ni nsonyi zyakucimviwa.

Yobo 1:1

Mu mpanga ya Uzi mwikalanga umuntu umwi wino izina lyakwe wali a Yobo. Umuntu wi wali uwaula umulandu nupya akacita ivisuma. Umuntu wi woopanga Leza nu kuleuka inkota.

Utandiko 17:1

Lino Abulamu wali ni myaka amakumi fundimbali na fundimbali, Yawe aloleka kunoli nga amunena ati, “Nene Leza Wamaka yonsi. Uwanguvwila mu manda ya umi wako yonsi nu kucita vyawololoke pe.

1 Samueli 7:3

Samueli anena aina Izlaeli ati, “Ndi cakuti mwawelela kuli Yawe ni myenzo inu yonsi, fwandi mulinzile ukusumba tuleza twa inamasi na maunkolanya yakwe tuleza twa inamasi na yakwe Asyitaloti. Muipelesye sile kuli Yawe wenga mpo, awino mwatumikila. Nawe alamutuula ku maka ya ina Filisti.”

1 Samueli 12:14

Ndi cakuti mumaoopa Yawe nu kumutumikila nu kumuuvwila nu kuyela amasunde yakwe, nga ndi cakuti mwemwe pamwi nu mwene wino akumuteeka mwaya acumi kuli Yawe Leza winu, ale lyene ivintu vyonsi vilamuzipila.

Malango 6:13

“Mwaoopa Yawe Leza winu. Mwamupepa aliwe wenga sile nu kucita ivilayo umwi zina lyakwe mpo.

Masamu 81:10

Nene indi Yawe, Leza winu, wiyo uwamufumuzizye mu mpanga ya Eguputo. Asamini nga nani namamutezya cakulya.

Mika 6:8

Awe, Yawe wakulanga mpiti, we muntu we, icintu icisuma. Ivintu vino wene akasi kuti wacita aivi: Uwacita vilungame nu kuya na mizu, nga nu kupita mu ufuke pa manso yakwe Leza wako.