Yoswa 24:1 - Amazwi Yakwe Leza 2013

¹ Lyene Yoswa akonganika antu amu mitundu yonsi ya ina Izlaeli ku Syekemu. Aama aikolo, ni ntunguluzi, na yakapingula nga na yamusika yonsi ya ina Izlaeli, nga nayo yiiza yimilila pa manso yakwe Yawe.

Yoswa 24:1 Referans Kwoze

Yoswa 23:2

Lyene Yoswa aama aina Izlaeli yonsi, kumwi na ikolo yao nga ni ntunguluzi zya ng'anda zyao, na yakapingula yao nga na yamusika ya vita, nga ayanena ati, “Nemo ndakai natinkota cuze.”

1 Samueli 10:19

Lelo mwemo mwatimukana Leza winu, wino akamutuula ku ntazi zinu zyonsi na kuli vyonsi vino vikamusakamika. Mwemo mwavwanga mwati, ‘Awe! Tupele sile umwene uwakuti atuteeka.’ Acino fwandi yangini mutantame pa manso yakwe Yawe umu mitundu inu ni miiko inu.”

Milimo 10:33

Caleka natumile kuti wize zuwa, nga wacita ningo pano wiza. Ndakai swensi tuli pano pa manso yakwe Leza, kulolela kuvwa cili consi ndi vino Umwene watapela ilamulo kuti uvwange.”

1 Yamwene 12:1

Leoboamu aya ku Syekemu. Pasi pano aina Izlaeli yonsi yaile kweneko kuti yamuteke pa cilimba ca wene.

Utandiko 12:6

Abulamu aendezya mpanga asuka afika nu ku Syekemu ku cifulo ca muti wamuzilo waku Mole. Pa nsita ilya ala aina Kenani yacili ikala mu mpanga ilya.

Utandiko 35:4

Caleka yatoola tuleza twa inamasi tonsi tuno yakweti pamwi na mantenga yano yazwite ku matwi nga yapeela Yakobo. Alino Yakobo aya azika mwisika ya cimuti cino yakati muoko pipi nu ku Syekemu.

Malango 29:9

Ali cino fwandi mwawaka nu kulondela ningo ningo amasunde amu upangano uu pakuti muye nu longo mu vintu vyonsi vino mumacitanga.

Yoswa 20:7

Acino iyapaatula umusumba wa Kedesyi mu Galile mu mpanga ya myamba yakwe Nafutali, nu musumba wa Syekemu mu mpanga ya myamba yakwe Efulemu, nga na Kilyati Aliba (kuli kuti Hebuloni) mu mpanga ya myamba yakwe Yuda.

Yakapingula 20:26

Lyene aina Izlaeli, antu yonsi kwene, iyaswilila ku Betele, nga kuku pasi pakulosya pa manso yakwe Yawe. Uwanda ulya yatalile nanti kamwi ukufika nalino ilanzi lyawa nga yapeela Yawe amawila yakoca nga na mawila ya utandano.

2 Yamwene 23:1

Umwene Yosiya wakonganike intunguluzi zyonsi zyamu Yuda nu mu Yelusalemu.