Yoswa 23:16 - Amazwi Yakwe Leza 2013

¹⁶ Ndi cakuti mwakana ukusunga upangano uno Yawe Leza winu wamupile ilamulo kuti mwasunga, ndi mwaca mwapita nu kutumikila nu kupepa tuleza tuze, ale lyene ukali wakwe Yawe ulamufulumila. Nupya mulalowa zuwa mu mpanga isuma ino Yawe watamupeela.”

Yoswa 23:16 Referans Kwoze

2 Yamwene 24:20

Yawe Leza wasokile antu amu Yelusalemu kumwi na yonsi amu Yuda, cakuti aleka kuti yataloleka uku manso yakwe. Lyene Zedekiya akatukila umwene waku Babiloni.

1 Yamwene 14:15

Yawe alavunuka Izlaeli, nga nawe alapungaila wi tete lyamu luzi. Wene alafumya aina Izlaeli mu mpanga ii isuma ino wapile ivikolwe vyao nga ayasalanganyizizye ku mbalama yuze ya Luzi lwa Yufulate, pamulandu wakuti yene yalenzile Yawe ukusoka pakuipangila amaunkolanya yakwe Asyela, ka leza kanaci.

2 Yamwene 17:7

Icalenzile ukuti Samaliya awe, umulandu ni mpulupulu zya ina Izlaeli izyakwifya kuli Yawe umwene wao, uwayakulwile ku mwene waku Eguputo, nupya ayatungululula nu kuyawaka ukuti yafume mu Eguputo. Nayo iyatandika ukupepa tuleza tuze, ni nsonyi foo.

Yelemiya 32:24

“Mwalola lyene, vino yatiyatuntumalika umusili ukufika nu ku musumba, apakuti yaupoke. Inkondo, icipowe ni mpungo vimapela umusumba mu makasa ya ina Babiloni yano yakuuzanza. Cino wasowile cafikila nu kuilolela watuilolela wenga.

Mpendwa 33:56

Nani lyene ndamucita wakwe vino napanga ukuyacita.”

Malango 6:15

Ndi cakuti mwapepa tuleza tuze, ukali wakwe Yawe ulamukatukila umonone pyu, pamulandu wakuti Yawe Leza winu, wino ali pakasi kinu a Leza wino asilonda uwakucimvyanya nawe.

Malango 17:3

pakupepa nu kutumikila tuleza tuze nanti ilanzi nanti umwezi nanti intanda, vivyo ivitaine na malamulo yakwe Yawe.

Malango 28:15

“Lelo ndi mwakana ukuyela Yawe Leza winu nga mutacenjile mukane kulondela amalamulo yakwe yonsi na masunde yano nkumupeela ilelo, ale lyene vintu vii vyonsi iviipe vilamuponela.

Yakapingula 2:14

Nawe Yawe pasi pa kusokela aina Izlaeli nga ayapeela mu makasa ya azanzi nayo iyayasampa vyonsi vino yakweti. Wene wayisile mu maka ya anisi yao ukuzinguluka konsi, nga yatali na maka akuyacimvya nupya.

Yakapingula 2:20

Caleka Yawe pasi pa kusokela aina Izlaeli nga avwanga ati, “Pamulandu wakuti uluko luu lwatilonona upangano wane uno napiile ilamulo ku vikolwe vyao kuti visunge, nga nayo yakana ukunguvwila,

1 Samueli 12:25

Lelo ndi cakuti mwatwalilila ukucita inkota, ale lyene mulononwa, mwemwe kumwi nu mwene winu kwene.”

1 Yamwene 9:6

Lelo ndi wewe na amu mupanda wako mwaca mwansangukila, mwakana nu kuyela amalamulo ni vipope vino namupeela nu kuya ku kutumikila tuleza tuze nu kutupepa,

1 Yamwene 9:7

lyene ndasukula aina Izlaeli mu mpanga ino nayapeela. Ndafuma nu mu Ng'anda ikulu kwene ii ino natimpolelela ukuya iya kumpepelamo. Alino na antu mpanga yonsi yalamusuula mwemwe mwe ina Izlaeli. Yalamulola azewane.

Ezaya 24:5

Antu yatiyakowezya insi, apamulandu nu konona amasunde yakwe Leza, nu konona upangano uno wapangana nayo, uwakusunga insi pee.

Yelemiya 32:23

Nayo ali vino yingile mwenemo nu kuipoka. Lelo yakana ukuyela amazwi yako nu kulondela amasunde yako. Yatacisile nanti conga pali vino wayanenyile. Caleka walesile ukuti uyi onsi uyaponele.