Yoswa 23:13 - Amazwi Yakwe Leza 2013

¹³ lyene mumanye nu kusininkizya ukuti Yawe Leza winu alata ukuzinga antu amu nko zi pa manso inu. Lelo yene yalaya wa viteyo ni nkose kunomuli. Nupya yalaya akalipe wakwe swepu pa matundu inu nanti wa myunga mu manso inu. Vii vyonsi vilamucitikila mpaka mukalowe pyu umu mpanga kwene ii isuma, ino Yawe Leza winu watamupeela.

Yoswa 23:13 Referans Kwoze

Malango 7:16

Muce monone antu ya nko zyonsi yano Yawe alapeela mu makasa inu. Mutakezye ukuyuvwila uluse, nanti ukupepa tuleza twao, pano lyene mungailetelela sile.

Mpendwa 33:55

Nga lelo ndi mwala mwakana ukuzinga aikazi ya mpanga iyo ino ili pa mbalama inu, ale lyene yano mwasya, yano mwatengela yalaya intazi kuli mwemwe. Yalaya wa ntongola mu manso inu, nupya wa myunga mu mbazo zinu. Yalamucuzya pe mu mpanga muno mulaikala.

Kufuma 23:33

Mutakaleke antu yalya ikale mu mpanga inu, ndi mwayazumilizya kwikala yalamuteya kuti mwapepa tuleza twao nga mu musango uu, yalalenga kuti mwaifya kunondi.”

Luka 21:24

Yamwi yalakomwa ku mpaanga nu kusendwa mu uzya ku nko zyonsi, nga na Yelusalemu alalyatolwa na antu atataila Leza kufika lino kasita kao kalasila.

Masamu 69:22

Leka amalila yao yayalye. Na manda makulu yao, aluzango, yayaletelele!

2 Timoti 2:26

Alino lyene yalaelenganya ningo nga yalatuulwa ku citeyo cakwe Ciwa, wino uwayalema nu kuleka kuti yayela kulonda kwakwe.

2 Yamwene 25:26

Alino aina Izlaeli akama pamwi na apina, ukwikapo na akalamba ya vita kwene, yonsi iyapuukila uku Eguputo, apamulandu wa koopa aina Babiloni.

Malango 30:18

nkumunena ukuti mulalowa pyu. Mutalikala amanda avule mu mpanga ino mwasya mwingile mwenemo iyaku mbalama yuze ya luzi Yodani ku kuya ipoka kuti iye iyakwinu.

Malango 29:28

Yawe wasosile cuze, alino nu ku ukali wakwe ukulu ayafumya nu mu mpanga yao, nga ayazingila mu mpanga ya inamasi mumo muno yakwikala ukufika na pilelo.’

Malango 4:26

Nemo naama amu mayulu na apano pansi ukuya yakambone akumusinila ilelo ukuti, ndi mwakana ukuyela nene, ale lyene mulalowa zuwazuwa pa mpanga ilya. Mutalalengela ukwikala mu mpanga ilya iya ku mbalama ya Luzi lwa Yodani, ino mwasya mupoke nu kwikala mwenemo. Mulononwa pyu.

2 Yamwene 25:21

Kuku kwene uku Libula, umu mpanga yaku Hamati, akuno umwene wiyo apeela ilamulo kuti yayakome. Nayo ali pakuyuma nu kuyakomola. Ali vino aikazi yaku Yuda yayafumizye umu mpanga yao nu kuyasenda umu uzya.

1 Yamwene 11:4

Lino Solomoni wakota, aci yakwe yalesile kuti apepa tuleza tuze twakumwao. Wene watile nu koopa Yawe Leza wakwe ndi vino isi Davidi wacitanga.

Kufuma 10:7

Lino yacilolo yakwe Falao yuvwa pali cii, yuzya Falao yati, “Uzye umuntu wii tulamuzumilizya kutusomba kufika lilaci? Leka aina Izlaeli aonsi atupu yapite pakuti yakapepe Leza wao. Uzye utaweni vino impanga ya Eguputo yatiyononeka?”

Kufuma 34:12

Mutacita cipangano na antu ya, ku mpanga ino mukuyako, pano limwi mungaiteya lukose lwakulenga kuti mwaifya kuli Yawe.

Kufuma 34:16

Nupya limwi ana inu aonsi yangatwala ana yao anaci, nga nayo yangalenga kuti yamfutatile nu kupepa tuluwi twao.

Ezekelo 28:24

“Muli yayo yonsi azinguluka ulupwa lwa ina Izlaeli nu kulupata, mutalatala muye umunga uwakulutota, nanti nkololwa uwakulukolola. Alino yalamanya ukuti nene indi Yawe.

Yakapingula 2:21

lyene ntalatala njazingile uluko nanti longa pali zino Yoswa wasile lino atacili afwe.

2 Yamwene 17:18

Acino Yawe asokela sana aina Izlaeli nu kuyasisya uku cinso cakwe, nu kusya sile amu mutundu wakwe Yuda.

2 Yamwene 17:20

Yawe wakantwile aina Izlaeli yonsi, wayakana, nga ayapanika nu kuyapela umu makasa ya anisi yao akakate, suka apakupelelekezya wayakoma sana, nu kuyatalusya uku cino cakwe.