Yoswa 23:12 - Amazwi Yakwe Leza 2013

¹² Lelo ndi cakuti mwata ukumuyela mwatandika ukuvwana na antu amu mitundu iyo iyasyala apakasi kinu, nu kutwalana nayo nga nu kutowenkana nayo,

Yoswa 23:12 Referans Kwoze

Malango 7:3

Mutakezye ukutwalana nayo. Mutaca muleke ana inu yakatwalile nanti ukutwalilwa kunoyali,

Zefaniya 1:6

Ndonona yayo amfutatila yano yata ukundondela, nupya yasiiza kunondi nanti ukunguzya kuti njatungulule.

Ezekelo 18:24

“Lelo umuntu musuma ndi wata kuzifya, watandika nu kwifya, amacita ni vintu iviipisye ivikacita antu aipe, uzye umuntu wiyo angaya nu umi? Awe foo. Ni visuma vyonsi vino wacita yatange yaviusye. Angafwila pa utalami wakwe na pa viipe vino wacita.

1 Yoane 2:9

Wino wensi akalanda ukuti wene ali mu luswepo lelo wapata umwina wakwe, wene ali mu mfinzi na pa nsita kwene ii.

Loma 12:9

Kutemwa kutayamo usomvi. Musule vintu viipe vyonsi. Lemasyini visuma vyonsi.

Yoane 6:66

Kufuma lilyo kwene, alondezi yakwe Yesu aingi yamusya yata kumulondela.

Mateo 12:45

Lyene iufuma iuya uleta mipasi yuze cinimbali iipisye ukuuluta, nga iiza ikalamo. Lyene miyele ya muntu wiyo, iipisya kuluta vino yali pa kutandika. Avino cilaya ku antu aipe amu mukulo uu.”

Ezaya 1:4

Mwatipwa sile mwe mutundu wa maifyo mwe! Ala mwemwe antu yononeke uku uyi, mwe antu yaipe mwe! Uyi winu wamukowezya. Mwemo mwasisya na mano inu kuli Yawe, Wamuzilo wakwe Izlaeli mwamufutatila.

Masamu 125:5

Lelo antu yano yakalondela inzila izipe, Yawe alayavunuka kumwi na yakaifya. Mutende uye kunuli we Izlaeli!

Masamu 36:3

Ivilandwa vyakwe vyonsi iviipe nupya ivyaufi, icakuti atange ailuke nanti ukwiluka.

1 Yamwene 11:4

Lino Solomoni wakota, aci yakwe yalesile kuti apepa tuleza tuze twakumwao. Wene watile nu koopa Yawe Leza wakwe ndi vino isi Davidi wacitanga.

1 Yamwene 11:2

Anaci kwene yaya yali amu mitundu ino Yawe wanenyile aina Izlaeli ati, “Mutezya ukutwalizyanya nayo, pamulandu wakuti yene yangalenga aina Izlaeli ukupepa tuleza twao.” Lelo Solomoni atatiile ukutemwa anaci amu mitundu kwene iyo.

Utandiko 34:3

Lelo nanti wacisile vivyo wali nu lwiswa pali Dina umwana wakwe Yakobo. Watemilwe mukazyana nga atandika ku mulanzya na mazwi yakumulyongofya.

Utandiko 2:24

Pamulandu ukwene umonsi akasya isi na nyina nu kuilundanya ku muci wakwe, nga iyaya umwili onga.

Malango 7:4

pamulandu wakuti yene yangalenga ana inu yafutatile Yawe nu kupepa tuleza tuze. Ndi cakuti cico cacitika, ale lyene Yawe alamusokela nu konona mwemwe lilyo kwene.

Yoswa 23:11

Acino mutekele kuti mwatemwa Yawe Leza winu.

Yakapingula 3:6

Yatwalananga nu kupepa tuleza twao.

Malango 6:15

Ndi cakuti mwapepa tuleza tuze, ukali wakwe Yawe ulamukatukila umonone pyu, pamulandu wakuti Yawe Leza winu, wino ali pakasi kinu a Leza wino asilonda uwakucimvyanya nawe.

Yakapingula 14:3

Lelo akwasi yakwe iyamukanya yati, “Uzye mu akazi kako nu mu antu yako mutange muzanwe umukazyana wino ungatwala? Uzye pacani cino ungaya ku kutwala umwanaci uwamu ina Filisti yano yatasilamulwa?” Lelo Samusoni anena isi ati, “Ndetelini wiyo kwene, pano ali wino ntemilwe sana.”