Yoswa 23:10 - Amazwi Yakwe Leza 2013

¹⁰ Wenga uwa munomuli angacocovya antu izimbi lyonga, pamulandu wakuti Yawe aliwe akamulwisizya wakwe vino wene walavile.

Yoswa 23:10 Referans Kwoze

Malango 32:30

Uzye pacani cino umuntu wenga sile wacimvizye antu izimbi, nga na antu yaili sile nayo yacimvizye antu amazimbi ikumi? Apamulandu wakuti Yawe, Leza wao, wayafutata. Leza wao uwamaka yonsi wayatazyela.

Aina Levi 26:8

Antu yasano a munomuli yali nu kukwata maka ya kucimvya antu umwanda onga. Nupya antu umwanda onga yali nu kukwata amaka yakucimvya antu mazimbi ikumi.

Malango 3:22

Mutakezye ukuyoopa. Yawe Leza winu umwisikulu alamulwisizya.’

Kufuma 14:14

Yawe aliwe amamulwila ulwi. Mwemo mwikale sile myaa.”

Masamu 35:1

We Yawe umvwangile kweneko kuli yao yonsi akandemanizya, umvwangile kuli yao akansinkola.

Malango 20:4

Yawe Leza winu amapita namwe, amamupeela na maka akucimvya.’

Loma 8:31

Uzye tumati uli pa vintu vii? Ndi Leza ali naswe, aweni amatucimvya?

Masamu 46:7

Icacumi swemo twaya na Leza Wamaka yonsi. Leza wakwe Yakobo ali cele litu!

Yoswa 23:3

Mweisikulu mwailolile vino Yawe wacisile ku antu amu nko zi pamulandu winu. Yawe Leza winu aliwe uwamulwisizye.

1 Samueli 14:6

Yonatani anena umusenda mpamba wakwe ati, “Iza, tulambuke tuye ku nkambi iya viyantu vivi vino vitasilamulwa. Limwi Yawe angatwazwa. Pano kwene kutaya nanti cimwi icingalesya Yawe ukutupeela amaka ya kucimvya, ciye tuvule nanti tucepe.”

Yoswa 10:42

Yoswa wacimvizye yamwene yaa yonsi ni mpanga yao pa nsita ili yonga, pamulandu wakuti Yawe, Leza wa ina Izlaeli walwisizyanga aina Izlaeli.

Yakapingula 15:15

Lyene Samusoni kuno ati, alola uluzekete lwakwe punda uwacifwile, nga alusola nu kukomelako antu izimbi lyonga.

2 Samueli 23:8

Yaa ali mazina yakwe yacuza yakwe Davidi aonsi ya maka. Uwankolelo a Yosyebu Basyebeti, umwina Takemoni, uwali ali mukulu wakwe yotatu. Wene waomvizye isumo lyakwe apakulwisya antu imyanda cinani, yano wakomile yonsi pyu umu ulwi onga

Yakapingula 3:31

Intunguluzi iyalondelile pali Eudi a Syamugali, umwana wakwe Anati. Wene wacimvizye aina Filisti imyanda mutanda kuli swepu wakwe uwapangilwa nu musinda wakwe masaye. Nawe kwene watuuzile aina Izlaeli.

Malango 20:3

‘Mwe ina Izlaeli, muvwikisye! Ilelo mwatimwaya ku nkondo. Mutezya ukoopa anisi inu nanti ukutovoka, nanti ukuleka ukuti amano inu yapelengane.

Malango 28:7

“Yawe alamucimvizya anisi inu lino yalamuzanza. Yene yalamuzanza ukufuma mu ntunga zyonsi, lelo yalutuka ku ntunga zyonsi.

Malango 32:20

Avwanga ati, ‘Nata intalatala njazwilizye,’ ‘pakuti lyene nkayalozye, antu yano yatalama, nupya asi yakutailwa.

Yoswa 23:11

Acino mutekele kuti mwatemwa Yawe Leza winu.

1 Milandu 5:22

Anisi yao nayauze avule yakomilwe, pamulandu wakuti Leza uwakasi kuti ciye vivyo. Alino iyatwalilila ukwikala mu mpanga ilya mpaka ukufika nu mu nsita yakusendwa uku uzya.

Ezaya 30:17

Antu inu izimbi lyonga yalapuuka, apakulola sile icita conga ca anisi inu. Alino ivita visano sile ivya anisi inu vilakumana pakumuzinga mwensi pyu. Api umba lya vita vinu patalasyala akantu nanti konga, suka sile imendela inu aino ilyasyala ikupepela sile apa mwamba!

Zakaliya 12:8

Pa nsita iyo ne Yawe ndacingilila aina Yelusalemu cakuti nu tupopo twao kwene tulakwata amaka ali yamwi kwene na yano umwene Davidi wakweti. Ana yakwe Davidi ali yano yalayatungulula wa mungeli wane ne Yawe.

Aina Levi 26:7

Mukaacimvya anisi inu.

1 Milandu 5:20

Leza wayazwilizye apa nsita ino yalwanga inkondo, nga yacimvya aina Hagili pamwi na yonsi yano yalemine nayo. Yene yataile muli Leza. Acino apa nsita ino yakulwa yapepa kunoli nga nawe auvwa amapepo yao nu kuyapeela ucimvyo pa ina Hagili na yayo alemine nayo.