Yoswa 22:8 - Amazwi Yakwe Leza 2013

⁸ ayanena ati, “Swililini ku mwinu ni vyuma ivivule, ni viteekwa ivisanduluke, na siluva, na zaabu, nu mukuwa ni vyela, nga ni vyakuzwala ivivule wakwe cimwi. Lyene mwankanye na anyonko asyala ivintu vino mwasampa ku anisi inu.”

Yoswa 22:8 Referans Kwoze

Mpendwa 31:27

Alino uwankanye ivisampwe apakasi. Citika wakwe vivyo upeele antu aile ku kulwa inkondo. Alino citika muze upeele ku antu yonsi asyala.

Mapinda 3:16

Amano yakalenga ukuti umuntu alengele pano nsi, yakalenga nu kuti aye umukama, nga nu kumucindamika.

1 Samueli 30:24

Ale fwandi, tumati aweni angamuzumilizya pamulandu kwene uu? Antu yonsi kwene yalinzile ukwankana ivilingane. Wino wensi asile akulinda iviya yalinzile ukumwankanya icipimo icili conga na vino yangankanya wiyo aile ku nkondo.”

Ayebulai 11:26

Wene welenginye ukuti kusulwa pamulandu wakwe Mesiya kwacindama kuluta vyuma vyonsi vyamu Eguputo, pano wene walolekesyanga pa cilambu cilapelwa mu manda akwiza.

1 Kolinto 15:58

Caleka, mwe inane akundwe, komelikini nupya tekelini mutanenuka. Cincilini lyonsi lino mukutumikila Mwene. Mwamanya ukuti mukuombela Mwene mutaya kucula sile.

Masamu 68:12

“Ala yamwene ni vita vyao yatiyapuuka!” Yamangu asiile umu misumba ali yano yankanyanga ivisampwe.

2 Milandu 17:5

Yawe nawe fwandi ali pakukomya uwene wakwe Yeosafati apakuteeka ningo Ayuda. Na antu yonsi nayo ali pakumutuula ivintu, fwandi nawe ali pakukwata icuma acindama wakwe cimwi.

1 Samueli 30:16

Alino nawe atungulula Davidi ukwali azanzi yalya. Azanzi yalya ala yatiyasalangana umu ncende ilya yonsi, yala yakulya nu kumwa nu kuzevya pa visampwe vyonsi vino yapokololwile umu mpanga iya ina Filisti ni mpanga yakwe Yuda.

2 Milandu 32:27

Umwene Hezekiya wizile akwata ivyuma sana icakuti umuntu wensi wamupelisye umucinzi. Wakweti inkoma zyakwe umwakusezezya zaabu, siluva, amawe yamutengo, ivyakununkizya ivyakulya, visolelo ni vintu vyuze ivyamutengo cuze.

1 Milandu 5:9

Lwa ku ufumondaka nako yatenzi mu mpanga ilya mpaka ukufika umwapelela ulwanga lwamu nkumba ya Luzi lwa Yufulate, pamulandu wakuti iviteekwa vyao alanga vyasanduluka mu Gileadi.