Yoswa 22:5 - Amazwi Yakwe Leza 2013

⁵ Lelo mutekele kuti musunge amasunde na malamulo yano Mose umuomvi wakwe Yawe wamupile yano yakati mwatemwa Yawe Leza winu nu kucita ukulonda kwakwe. Nupya muye acumi kunoli nu kumutumikila ni myenzo inu yonsi nu umi winu onsi.”

Yoswa 22:5 Referans Kwoze

Mateo 22:37

Yesu nawe aasuka ati, “ ‘Uwatemwa Mwene Leza wako nu mwenzo wako onsi, nu umi wako onsi, na mano yako yonsi.’

Kufuma 20:6

Lelo nkalanga kutemwa ku nkulo mazimbi zino zyantemwa nu kuyela amasunde yane.

Loma 8:28

Nupya twamanya ukuti mu vintu vyonsi Leza akaomba kuti vizipile yao amutemwa. Yao ali yano Leza waama pano lyali lili pange lyakwe.

Malango 11:22

“Ndi cakuti mwayela amalamulo yonsi yaa yano nkumupeela kuti mwayalondela, ukutemwa Yawe Leza winu, nu kuyela amasunde yakwe yonsi nu kuya acumi kunoli,

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

Yakobo 1:12

Walongo umuntu wino akatwalilila kuya mutailwe lino akweziwa, pano lino wacimvya kweziwa, wene alapeelwa umi wa pe, wila uno Leza walaya yao amutemwa.

Mateo 4:10

Yesu amunena ati, “Senka pano Ciwa, pano calembwa mu malembelo cati, ‘Wapepa Mwene Leza wako, wene wenga sile awino uwatumikila.’ ”

Loma 12:9

Kutemwa kutayamo usomvi. Musule vintu viipe vyonsi. Lemasyini visuma vyonsi.

Loma 1:9

Leza ali kambone wane, wino nkatumikila nu mwenzo wane onsi pa kukosola Ilandwe Lisuma lya Mwana wakwe. Leza amanyile vino nkamutaka manda onsi mu mapepo yane.

Milimo 27:23

Pano ilelo usiku mungeli wakwe Leza wino naya nawe nupya wino nkapepa wali wiza wanena ati,

Milimo 11:23

Lino wafisile nu kulola vino Leza wapolelile antu, aya nu luzango nga ayanena yonsi kuti mu myenzo yao yatwalilile mu utailo ni cumi ku Mwene.

Yoane 14:15

“Ndi mwantemwa mwayela masunde yane.

Luka 1:74

kututuula kufuma ku anisi itu, kuti twamutumikila ukwaula intete,

Mateo 6:24

“Pasi umuntu angaombela aene yaili; pano angapata wenga nu kutemwa umuze, nupya angayela wenga nu kusula umuze. Mutangaombela Leza nga ni vyuma.

Ezaya 55:2

Icani cino mungasumbila impiya pali vino visi vilyo, na malipilo inu pa vintu vino visiikusya? Munguvwe, muntezye, nga muce mukakwate ivyakulya visuma nu kuipakizya vyakulya vilyompe.

Masamu 106:3

Yasyuka akasunga vino akapingula, akacita pe ivilungame!

Malango 11:13

“Acino lyene mwayela amalamulo yano nkumupeela ilelo, nupya mwatemwa nu kutumikila Yawe Leza ni myenzo inu yonsi nga nu umi winu onsi.

Malango 11:1

“Mwatemwa Yawe Leza winu nu kuyela amasunde yakwe na malamulo yakwe yonsi mu nsita zyonsi.

Malango 6:17

Sininkizini ukuti mwayela amasunde yonsi yano wene wamupeela.

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

Ayebulai 12:15

Cenjelini kuti mutafutatila cikuku cakwe Leza. Mutaleka umuntu umwi akolane wa cimuti cilule cino cikakula nu kuleta intazi zingi kwi sungwe lyaciko.

Yoane 12:26

Wino wensi akulonda kuntumikila alinzile kundondela, kuti kuno naya, nu muomvi wane kwene aye nani. Tata alacindamika wensi akantumikila

Mapinda 4:23

Apa vintu vyonsi uwasunga umwenzo wako. Pano umwaya intulo izikapela umi.

1 Samueli 12:24

Mwemo mulinzile ukuvwila Yawe intete nu kumutumikila ni myenzo inu yonsi. Tala iusyini ivintu ivikulu vino wene wamucitila.

1 Samueli 12:20

Samueli nawe aasuka ati, “Mutuvwa intete. Nanti angala mwacisile inkota zi zyonsi, mutata ukupepa Yawe. Lelo mwamutumikila ni myenzo inu yonsi.

1 Samueli 7:3

Samueli anena aina Izlaeli ati, “Ndi cakuti mwawelela kuli Yawe ni myenzo inu yonsi, fwandi mulinzile ukusumba tuleza twa inamasi na maunkolanya yakwe tuleza twa inamasi na yakwe Asyitaloti. Muipelesye sile kuli Yawe wenga mpo, awino mwatumikila. Nawe alamutuula ku maka ya ina Filisti.”

Yoswa 23:8

Lelo mulinzile kuya acumi kuli Yawe Leza winu, wakwe vino mwacita kufika ni lelo kwene.

Malango 13:4

Fwandi muce mwalondela Yawe Leza winu nu kumupeela umucinzi. Sungini amasunde yakwe nu kumuyela. Mwamuombela nu kuya akutailwa kunoli.

Malango 10:20

Mwaoopa Yawe Leza winu nu kumutumikila. Muye akutailwa kunoli nu kucita amalayo inu mwi zina lyakwe aliwe wenga sile.

Malango 4:9

Ali cino fwandi cenjelini! Nupya lino mucili nu umi, mutakezye ukwilila vintu vino mweisikulu mwailolela na manso inu. Muce mwanena ku yana yinu na izikulu inu

Malango 4:6

Muce mwayela amasunde ningo, lyene cico cilalanga antu amu nko zyuze ukuti mwemwe yamano nupya mwamanyikisya ivintu. Lino yacayuvwa amasunde yaa yonsi, yalazakaza nu kulanda yati, ‘Cumi kwene uluko luu ulukulu lwakwata amano ni cuvwilo!’

Malango 4:4

lelo mwemuno mwali acumi kuli Yawe Leza winu mucili nu umi apilelo.

Yelemiya 12:16

Antu yayo ndi cakuti yaca yapokelela upefi wa antu yane, nu kulapa yalapa umulapo yati, ‘Leza andye, yata nu kupepa Baali ndi vino yasambilizye antu yane ukulapa mwi zina lyakwe Baali, ale lyene nayo kwene yalaya pamwi na antu yane.

Umbwilo 15:3

nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!

Kufuma 23:25

Ndi mwampepa nene ne Yawe Leza winu indamupolelela. Ndalenga kuti muye ni vyakulya nga na manzi, nu kulenga kuti mutalwala.

Malango 4:29

Kuku kwene ali kuno mulatandika nu kulonda Yawe Leza winu, nga ndi cakuti mwaca mwamulonda ni myenzo inu yonsi nu umi winu onsi, lyene mulamuzana.

Malango 5:10

Lelo nkalanga kutemwa ku nkulo mazimbi zino zyantemwa nu kuyela amasunde yane.

Masamu 78:7

pakuti yataila Leza, yatailila navino wacita, yace yatontela namasunde yakwe pee.

Kufuma 23:13

Muvwikisye vyonsi vii vino namunena. Mutapepa tuleza tuze, mutalumbula na mazina yatuko.