Yoswa 22:27 - Amazwi Yakwe Leza 2013

²⁷ Lelo akakwimilila umboni pakasi kakwe sweswe namwe nga na amu mikulo iliza, ukuti swemo tukaapepa Yawe umwi taalu lyakwe tule tukupeela amawila yitu akoca, ni mpolelwa zitu, na mawila itu autandano. Lyene mu manda aliiza amu mupanda winu yatalalanda ku amu mupanda witu yati, ‘Mutakweti icipande cimwi muli Yawe.’

Yoswa 22:27 Referans Kwoze

Yoswa 24:27

Yoswa anena antu yonsi ati, “Lolini, iwe lii lilaya akambone uwakutusinila. Pano lyene lyatilyuvwa amazwi yonsi yano Yawe watavwanga kunotuli. Lyene lilaya akambone uwakumusinila ndi cakuti mwaca mwasangukila Leza winu.”

Utandiko 31:48

Labani anena Yakobo ati, “Mutumba wa mawe ya cili ciusizyo pakasi kakwe wewe nani.” Uli mulandu uno cifulo cii yacitemile izina yati, Galeedi.

Yoswa 22:34

Alino amu mutundu wakwe Lubeni na wakwe Gadi yavwanga yati, “Kavuwa kaa, kalaya umboni pakasi kitu uwakuti Yawe ali Leza.” Nga iyakatemela izina yati, “Umboni.”

Malango 12:11

Yawe umwisikulu aliwe alasolola incende pakuti mwamupepela. Papo kwene ali pano mulatwala vyonsi vino ne Mose namukonkomezya. Ni vintu vivyo vili wa mawila inu akoca nga ni mpolelwa zinu zyuze. Alino ni vikumi na mawila inu, nga na mawila yauze aiyele yano mwalaya ukupeela kuli Yawe.

1 Samueli 7:12

Lyene Samueli atoola iwe nga alisimpa pakasi kakwe Mizipa na Syeni. Alitemela ni zina lyakuti Ebenezeli, nga avwanga ati, “Avino ukufika na paa Yawe uwatatwazwa.”

Yoswa 22:10

Lino yiiza ku Geliloti pipi nu ku Luzi lwa Yodani mu mpanga ya Kenani, amu mutundu wakwe Lubeni, na wakwe Gadi, nga nu mutundu pakasi wakwe Manase iyakuula kavuwa akakulu kuku mumbali ya luzi apasi pafisame.

Utandiko 31:52

Umutumba uu nga ni iwe lya ciusizyo vyoili vimatwiusyanga. Ntalapuzya amawe ya nu kwiza kulwisya, nanti awewe utakapuzye iwe lya ciusizyo nu kwiza ndwisya.

Yoswa 22:26

Ali cino fwandi twelenginye ukuti katukuule kavuwa, kasi ka mawila yakoca nanti ka kupelelapo impolelwa.

Yoswa 22:28

“Nga twelenginye ukuti ndi cakuti yene yangaca yalande ci kunotuli, nanti ku amu mupanda witu, lyene tulaasuka tuti, ‘Lolini kavuwa kano ivikolwe vitu vyakuuzile akakoline na kavuwa kakwe Yawe, akasi ka mawila yakoca yonsi nanti aka mpolelwa, lelo aka umboni pakasi kitu namwe.’

Masamu 16:5

We Yawe, wewe uli vyonsi vino nakwata nu kumpela ukampela vyonsi vino nkalonda. Umi wane uli umu minwe yako.

Ezaya 19:19

Mu wanda ulya, apakasi ka mpanga ya Eguputo yalakuulila penepo Yawe Wamaka yonsi kavuwa. Alino muli yanande ya mpanga namo mulaya ulucesi longa ulwa mawe. Lulo aluno yalakuulila Yawe.