Yoswa 22:25 - Amazwi Yakwe Leza 2013

²⁵ Yawe uwacita Luzi lwa Yodani ukuya umupaka pakasi kitu namwe, mwe amu mutundu wakwe Lubeni na wakwe Gadi. Mutakweti icipande cimwi muli Yawe.’ Acino amu mupanda winu yangalenga amu mupanda witu ukuta ukupepa Yawe.

Yoswa 22:25 Referans Kwoze

Milimo 8:21

Utakweti imbali nanti wankanyo mu mulimo witu, pano mwenzo wako usi wololoke pa manso yakwe Leza.

Neemiya 2:20

Lyene nemo njaasuka inti, “Leza wa mwiyulu alasuka atupeele icituku. Ala swemo, swe aomvi yakwe twasya tutandike uku kuula cipya cipya. Lelo mwemo papo pano muli, mutakweti icipande nanti cimwi muno umu Yelusalemu. Nupya mutakweti insambu nanti imwi. Nanti icimanyililo icakuti yace yamwiusizyako mutakweti.”

1 Yamwene 15:30

Vintu vii vyacitike pamulandu wa maifyo yakwe Yeloboamu yano walenzile na ina Izlaeli kwene ukwifya, nu kulenga kuti Yawe, Leza wa ina Izlaeli asoke.

1 Yamwene 14:16

Acino Yawe alatazyela aina Izlaeli pamulandu wa maifyo yano Yeloboamu wacita, yaya kwene yano walenzile kuti na ina Izlaeli kwene yifye.”

1 Yamwene 12:16

Lino antu yalola ukuti umwene Leoboamu wakana ukuti ayuvwe, nayo ali pakupunda yati, “Davidi na ang'anda yakwe kayaliyali. Uzye icani fwandi cino yatucitila? Mwe ina Izlaeli mwe sikatukini twapita kumwitu! Ata see! Mutini Leoboamu alali! Lyene we mwana wakwe Yese, nawe uilolele wemwisikulu pa akazi kako.” Acino aina Izlaeli iyakatuka nu kupita ku mang'anda yao.

2 Samueli 20:1

Kwali kweneko kacita wa mpanzela wino yatemile izina iyati a Syeba, umwana wakwe Bikili, uwamu luko lwakwe Benjamini. Wene alizya intandala apunda ati, “Tusi ku lusansa lwakwe Davidi! Nupya tutakulondela umwana wakwe Yese! Mwe ina Izlaeli, si tuini tuswilile kumwitu!”

1 Samueli 26:19

Fwandi lyene musambazi uvwa ku muomvi wako. Ndi cakuti Yawe uwakunena kuti wandwisya, ale lyene cizipe apokelele impolelwa iya kumuzanzya. Lelo ndi cakuti antu ayano yakukutunka, lyene icitipu cakwe Yawe ciyaponele! Pano yene yatiyanzinga umu mpanga yakwe Yawe nu kuntwala ku mpanga ya inamasi muno ningapepa sile tuleza tuze.

Yoswa 22:27

Lelo akakwimilila umboni pakasi kakwe sweswe namwe nga na amu mikulo iliza, ukuti swemo tukaapepa Yawe umwi taalu lyakwe tule tukupeela amawila yitu akoca, ni mpolelwa zitu, na mawila itu autandano. Lyene mu manda aliiza amu mupanda winu yatalalanda ku amu mupanda witu yati, ‘Mutakweti icipande cimwi muli Yawe.’

Yoswa 22:24

Lelo swemo twacisile cii pamulandu wakusakamala ukuti umu wanda ukwiza amu mupanda winu yangiza yanena amu mupanda witu yati, ‘Pasi icimukumile mwemwe kuli Leza wa ina Izlaeli.

Yoswa 22:26

Ali cino fwandi twelenginye ukuti katukuule kavuwa, kasi ka mawila yakoca nanti ka kupelelapo impolelwa.

Masamu 16:5

We Yawe, wewe uli vyonsi vino nakwata nu kumpela ukampela vyonsi vino nkalonda. Umi wane uli umu minwe yako.