Yoswa 22:23 - Amazwi Yakwe Leza 2013

²³ Ndi cakuti twaikuulile kavuwa pakuti tufutatile Yawe, nanti pakuti apano twapeela amawila yakoca na mawila ya cakulya, nanti kupeelapo amawila ya utandano, ale lyene Yawe umwisikulu atuvunuke.

Yoswa 22:23 Referans Kwoze

1 Samueli 20:16

Caleka Yonatani acita upangano na Davidi, ala akuti, “Ndi cakuti wacawavuna upangano, lyene Yawe alakuvunuka.”

Malango 18:19

Ndi umwi ataluvwa nu kuyela amazwi yano kasema wiyo alavwanga umwi zina lyane, nene kwene nemwisikulu ndavunuka umuntu wiyo.

Ezekelo 33:8

Nemo ndi napingwila umuntu mwipe ukufwa, alino nawe wakana kumuceula apakusenula imisango yakwe, pakuti aikala nu umi, umwipe wiyo ndi wafwa apa uyi wakwe, awewe ndapeela umulandu apa mfwa yakwe.

Ezekelo 33:6

Lelo kalinda ndi walola anisi kuno yakwiza, wakana nu kulizya intandala ya kuceula antu, lyene anisi yangiza yayapumikizye, nu kuyakoma. Lelo kwene a kalinda ali wino ningapela umulandu apa mfwa yao.

Ezekelo 3:18

Nemo ndi napingwila umuntu mwipe umwi ukufwa, nawe wakana ukumusokako kuti ate imicitile yakwe iipe, alole nu kwikala umu umi, ala umuntu wiyo umwipe alafwa pamulandu wa uyi wakwe. Lelo kwene nawe kwene ulakumpwilapo umulandu pa lwa mfwa yakwe.

2 Milandu 24:22

Umu kucita vivyo, umwene Yoasyi ailila ivisuma vyonsi vino Yeoyada, isi wakwe Zakaliya wamucitilanga, lelo wene akoma umwanakwe. Na lino umwana wilya akufwa, avwanga amazwi yaa ati, “Si Yawe alole icintu cii cino wacita, akuvunuke!”

Malango 12:11

Yawe umwisikulu aliwe alasolola incende pakuti mwamupepela. Papo kwene ali pano mulatwala vyonsi vino ne Mose namukonkomezya. Ni vintu vivyo vili wa mawila inu akoca nga ni mpolelwa zinu zyuze. Alino ni vikumi na mawila inu, nga na mawila yauze aiyele yano mwalaya ukupeela kuli Yawe.

Utandiko 9:4

Lelo mutakezye ukulya inyama muno mucili uwazi, pano uwazi uli umi wakweyo.

Yoswa 22:24

Lelo swemo twacisile cii pamulandu wakusakamala ukuti umu wanda ukwiza amu mupanda winu yangiza yanena amu mupanda witu yati, ‘Pasi icimukumile mwemwe kuli Leza wa ina Izlaeli.