Yoswa 22:21 - Amazwi Yakwe Leza 2013

²¹ Lyene aina Lubeni, na amu mutundu wakwe Gadi, nu mutundu pakasi wakwe Manase yaasuka intunguluzi zya miko ya ina Izlaeli yati,

Yoswa 22:21 Referans Kwoze

1 Petulo 3:15

Lelo mukwatile Klistu coopo mu myenzo inu, nupya mwamucindika wa Mwene. Muye aiteyanya lyonsi pa kwasuka umuntu umwi uwamuzya pali vino mukapaalila.

Yakobo 1:19

Mwe inane yakundwe, iusyini cii! Muntu wensi alinzile kuuvwa zuwa, lelo atekele kulanda nu kusoka.

Milimo 11:4

Lelo Petulo ayalondolwela vyonsi kufuma sile vino cali pa kutandika.

Mika 5:2

Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”

Mapinda 24:26

Ukwasukana ivya mpomvu ali ucuza wa mpomvu.

Mapinda 18:13

Umuntu wino akatolelela zuwa lino atatala uvwa, akalangizya sile uwelewele wakwe nu kuiletela insonyi.

Mapinda 16:1

Umwenzo wa muntu ukapanga amapange, lelo upinguzi waya kuli Yawe.

Mapinda 15:1

Ukwasuka luse luse kukamala icipyu, lelo akasa kakakatusya ukali.

Yoswa 22:20

Iusyini vino Akani umwana wakwe Zela wakanyile ukuyela ilamulo ilya pa vintu vino vyapeelwa ku kononwa. Cico calenzile kuti iuvi lyonsi ilya ina Izlaeli livunukwe. Atali aliwe wenga sile uwafwile pamulandu wi iifyo lyakwe.’”

Yoswa 22:22

“Uwamaka wilya ali Leza! Wene ali Yawe! Wene amanyile cino twacitile cii, nga naswe kwene tukasi kuti mumanye! Ndi cakuti twasangukile Yawe nu kuntaya acumi kunoli, lyene ilelo mutaleka tutwalilile ukuya nu umi.