Yoswa 22:19 - Amazwi Yakwe Leza 2013

¹⁹ Ndi mwalola ukuti impanga inu italingine ukupepela mwenemo, icani cino mutange mulambile kunotuli ku mpanga yakwe Yawe ukuli Itaalu lyakwe, nu kwankana impanga kwene ii naswe? Lelo mutaezya ukusangukila Yawe nanti ukulenga sweswe ukuponela mu kwifya ukuli kumwi kwene pa kuikuulila kavuwa kauze ukuluta kakwe Yawe Leza witu.

Yoswa 22:19 Referans Kwoze

Yoswa 18:1

Pacisila lino iuvi lyonsi lya ina Izlaeli lyapokolola impanga yonsi pyu, lyakongine ku Syilo kuko kuno lyasimfile ni Taalu lya Ukongano.

Amosi 7:17

Caleka Yawe akuvwanga ati, “Umuci wako alaya cizelele mu musumba kwene uu. Alino ana yako aonsi na anaci kwene yalakomwa mu nkondo. Impanga yako alayankanya nu kuipeela ku antu yauze. Wemo wemwisikulu ulafwila ku mpanga ya antu atamanya Leza. Alino umucumi aina Izlaeli yalasendwa kuku umu uzya, ukutali ni mpanga ya kumwao.”

2 Milandu 11:13

Yasimapepo yonsi na ina Levi aikalanga umu mpanga ya ina Izlaeli yonsi, yafumile mu vitungu vyao nu kusaamila ku citungu ca Yuda.

Kufuma 15:17

We, Yawe, ulingizya antu yako mukasi nu kuleka yikale pa mwamba wako, pa cifulo cino wasolola ukwikala penepo we mwisikulu, ili ng'anda yako yamuzilo, ino we Yawe waikuulila na makasa yako.

Yoswa 22:11

Aina Izlaeli asile iyuvwa ukuti amu mutundu wakwe Lubeni, na wakwe Gadi, nga nu mutundu pakasi wakwe Manase yatiyakuula kavuwa pa mupaka wa Kenani pa Geliloti, pipi nu Luzi lwa Yodani ku mbalama ya ina Izlaeli.

Danieli 10:13

Lyene mungeli kateeka waku Pesya andwisya apa manda amakumi yaili na onga. Lyene Mikaeli, wenga uwamu akalamba ya angeli, aiza ku kungazwilizya, pamulandu wakuti yansile nenga kuku ku Pesya.