Yoswa 22:15 - Amazwi Yakwe Leza 2013

¹⁵ Lino yiiza ku Gileadi kuli Lubeni, na Gadi nu ku mutundu pakasi wakwe Manase, iyayanena yati,

Yoswa 22:15 Referans Kwoze

Ayebulai 12:25

Caleka tekelini, nupya mutakana kuuvwa kuli wino akuvwanga. Yao akanyile kuuvwa kuli Leza lino wavwanzile kunoyali kupitila muli Mose, yatatuuzilwe. Uzye lyene swemo tungatuulwa uli ndi twakana kuyela wino akuvwanga kunotuli kufuma kwiyulu?

1 Kolinto 5:4

Lino mulakongana, nani kwene mu melenganyo ndaya namwe, lyene ku maka ya Mwene witu Yesu,

1 Kolinto 1:10

Inane mwi zina lya Mwene witu Yesu Klistu nkumupapata mwensi, kuti, mwazumilizyanya muli vino mwalanda, pakuti kutaya kupaatukana munomuli. Muye alemane cuze a mwenzo onga na melenganyo ali yamwi.

Mateo 18:17

Ndi wakana kuvwa kunoyali, kanene iuvi. Ndi wakana kuvwa nu kwi uvi kwene, mumucite wa muntu atataila Leza nanti wakwe kasonkisya.

Ezaya 63:10

Nga lelo yene yamutalamilanga nu kumufisya ku mwenzo. Nawe fwandi ali pakuyafutatila, ala umweneco akuyalwisya nu kuyalwisya.

Masamu 78:8

Yataca yakaye ivyali ivikolwe vyao, ivyasangukilanga Leza nu kumutalamila. Vyene vyatailanga Leza, citaile taile, ukwaula ukwika amano uku kumutontelela.

Ezila 9:15

We Yawe, Leza wa ina Izlaeli, wemo wewe mololoke! Watuzumilizya kuti tuye nu umi. Acino twailongwela amaifyo itu kunuli. Tusi ni nsambu zya kwiza apa manso yako.”

Ezila 9:2

Aina Izlaeli yamwi, ana yao aonsi yatandike ukutwala akazyana ya inamasi. Pali cii umutundu witu uziliziwe wavulungana ni mitundu ya antu yauze. Nupya intunguluzi na antu yakalamba kwene alio yalusizye umu cimvulunganya ca mutundu uu.”

2 Milandu 28:13

Yavwanga yati, “Mutalinzile ukuleta anyepwe yayo kuno. Ndi mwacita vivyo lyene Yawe amatupeela imilandu. Uzye mukasi kuti tongezye ukwifya Yawe nu kuya amulandu wakwe cimwi? Pasi pano twatala mpiti umulandu ukulu, nga nu ukali ukulu wakwe Yawe uli pa ina Izlaeli.”

2 Milandu 26:18

Lyene yasimapepo yayo apa kulesya umwene Uziya yamunena yati, “Cisi cisuma kuti we mwene Uziya waocela Yawe ubani. Lelo angacita cico a yasimapepo sile, amu mupanda wakwe Aloni, yano yapaatulwa kuti yaoca ubani. Fuma muno umwi taalu lyamuzilo, pasi pano watiwifya kuli Yawe, nga wene watafumya upolelelo wakwe pano uli.”

2 Milandu 25:27

Ukufuma sile apa nsita lino Amaziya wafutatile Yawe, yene yumine akapi nu kumukatukila umu Yelusalemu, nga autukila ku Lakisyi. Lelo yene yatuma antu kuti yamulondelele ku Lakisyi, nga nayo yamukomela kuku kwene.

2 Milandu 10:19

Fwandi ukufuma papo kwene ali pano antu akaikala ukupela uku Izlaeli yasangukile ulupwa lwakwe Davidi.

1 Milandu 21:3

Lelo Yoabu aasuka ati, “Si Yawe asandulule ivita vyakwe amaila umwanda. We musambazi nupya umwene wane, Uzye antu yaa yonsi yasi akwako? Uzye pacani we musambazi wane ukasi kucita icintu cii? Uzye pacani cino ungaletelela aina Izlaeli?”

1 Samueli 15:23

Pano ukutalama kukoline ni iifyo lya ulozi, nga ukuitutumika nako kukoline nu kupepa utuluwi. Pamulandu wakuti wemo watukana ukuyela amazwi yakwe Yawe, nawe kwene watakukana ukuya umwene.”

Yoswa 22:18

Uzye lyene ndakai mukufutatila uli Yawe? Ilelo ndi mwasangukila Yawe, ale lyene mutondo alasokela iuvi lyonsi ilya ina Izlaeli.

Yoswa 22:12

Acino lyene iuvi lyonsi lya ina Izlaeli likongana pa Syilo kuti lipite ku kuyalwisya.

Malango 30:17

Lelo kwene ndi cakuti imyenzo inu yumalala mwakana nu kuyela, nupya ndi cakuti mwakoopelwa ku kupepa tuleza tuze,

Malango 7:4

pamulandu wakuti yene yangalenga ana inu yafutatile Yawe nu kupepa tuleza tuze. Ndi cakuti cico cacitika, ale lyene Yawe alamusokela nu konona mwemwe lilyo kwene.

Mpendwa 32:15

Ndi mwala mwatalamila Yawe, nupya kwene wene alatazyela antu ya yonsi mu lwanga, nga mwemwe mulalenga kuti yalowe”.

Mpendwa 14:43

Lino mumalungatana na ina Amaleke na ina Kenani mu nkondo, mwemo mumafwa. Yawe atamaya namwe pamulandu wakuti mwatimumutalamila.”

Mpendwa 5:6

kuti anene aina Izlaeli ndi vino umonsi wensi nanti umwanaci ndi waifya iifyo ilyakulenga antu kufutatila kuli Yawe ale wacita mulandu.

Aina Levi 26:40

“Lelo amu mupanda winu yalailongwela maifyo yao na maifyo ya vikolwe vyao vino vyankanyile nu kunsangukila,

Aina Levi 5:19

Yene, iili wila wa cizumila mulandu pi ifyo lino wacita pa manso yakwe Yawe.

Kufuma 32:8

Pakwene yatiyafuma umu nzila ino napiile ilamulo kuti yalondela. Yatiyasungulula zaabu nu kupanga mutepa wa mwana wa ng'ombe. Awino yakupepa nu kupeela impolelwa kunoli. Nupya yakuvwanga yati, ‘Mwe ina Izlaeli, leza witu auwi wino watufumizye mu Eguputo.’ ”

Yoswa 22:14

Iyamutuma pamwi ni ntunguluzi ikumi, intunguluzi yonga ukufuma muli cila umba lya mutundu wa ina Izlaeli, nupya iyali ili ntunguluzi ya ng'anda pakasi ka nko zya ina Izlaeli.

Yoswa 22:16

“Iuvi lyonsi lyakwe Yawe likuilizyanya iliti, ‘Uzye pacani cino mwacitila ulukota luu, pa kutalamila Yawe Leza wa ina lzlaeli? Uzye ndakai mukasi mute ukulondela Yawe, pa kuikuulila kavuwa kuti mumukane apaswe?