Yoswa 22:10 - Amazwi Yakwe Leza 2013

¹⁰ Lino yiiza ku Geliloti pipi nu ku Luzi lwa Yodani mu mpanga ya Kenani, amu mutundu wakwe Lubeni, na wakwe Gadi, nga nu mutundu pakasi wakwe Manase iyakuula kavuwa akakulu kuku mumbali ya luzi apasi pafisame.

Yoswa 22:10 Referans Kwoze

Utandiko 28:18

Yakobo akatuka katondotondo. Atoola iwe lino wasamile, alimika nu kulicita ciusizyo. Lyene aitilapo na mafuta, alipaatula kuti liye lyamuzilo.

Yoswa 22:9

Acino amu mutundu wakwe Lubeni, na wakwe Gadi nga nu mutundu pakasi wakwe Manase iyasya aina Izlaeli pa Syilo mu Kenani kuti yaswilile ku Gileadi, impanga yao, ali kuno iyacita icifulo cao, ukulingana navino Yawe wapile ilamulo ukupitila muli Mose.

Yoswa 22:11

Aina Izlaeli asile iyuvwa ukuti amu mutundu wakwe Lubeni, na wakwe Gadi, nga nu mutundu pakasi wakwe Manase yatiyakuula kavuwa pa mupaka wa Kenani pa Geliloti, pipi nu Luzi lwa Yodani ku mbalama ya ina Izlaeli.

Ezaya 19:19

Mu wanda ulya, apakasi ka mpanga ya Eguputo yalakuulila penepo Yawe Wamaka yonsi kavuwa. Alino muli yanande ya mpanga namo mulaya ulucesi longa ulwa mawe. Lulo aluno yalakuulila Yawe.

Utandiko 12:7

Lyene Yawe aloleka kuli Abulamu amunena ati, “Ii ili mpanga ino ndapeela ku amu mupanda wako.” Caleka Abulamu akuulako na kavuwa papa kwene kakwe Yawe, uwalolike kunoli.

Utandiko 12:8

Nga Abulamu afumapo alungama ku kaeya ka Betele ku mpanga ya myamba, aya aimika itaalu pakasi, Betele ku uwondaka na Ai nawe ku ufumondaka. Kuku akuno akuulila Yawe kavuwa nga amupepa.