Yoswa 21:44 - Amazwi Yakwe Leza 2013

⁴⁴ Yawe wapeezile aina Izlaeli ulongo monsi mu mpanga yao, wakwe vino walavile nu mulapo ku vikolwe vyao. Kutali nanti awenga mu anisi yao ayazingulwike uwali na maka akuyacimvya. Yawe wayapile ucimvyo pa anisi yao.

Yoswa 21:44 Referans Kwoze

Yoswa 11:23

Acino Yoswa atoola impanga ilya yonsi, wakwe vino Yawe wapeezile ilamulo kuli Mose, nga aipeela ukuya icaupyanyi ku ina Izlaeli ukulingana ni mendela zya mitundu yao. Caleka mumu antu iyakwata upemwilo ku ulwi.

Ayebulai 4:9

Lelo ndi vino cili, antu yakwe Leza yacikweti kupuza, ukuli wa kupuza kwakwe Leza pa wanda uwalenga cinimbali.

Kufuma 23:31

Ndapanga mumpaka ukufuma kuli Yemba Muyenzu mpaka nu kufika kuli Yemba Mukulu wa ina Filisti. Nupya ukufuma ku lwanga mpaka kufika nu kuluzi lwa Yufulate. Ndalenga kuti muye na maka pa antu amu mpanga iyo nu kuyazinga.

Yoswa 22:9

Acino amu mutundu wakwe Lubeni, na wakwe Gadi nga nu mutundu pakasi wakwe Manase iyasya aina Izlaeli pa Syilo mu Kenani kuti yaswilile ku Gileadi, impanga yao, ali kuno iyacita icifulo cao, ukulingana navino Yawe wapile ilamulo ukupitila muli Mose.

Yoswa 22:4

Lolini lyene Yawe watapeela umutende ku anyonko wakwe vino wayalavile. Lyene fwandi swililini kumwinu, ku mpanga ino Mose umuomvi wakwe Yawe wamupile lwaku ufumondaka wa Luzi lwa Yodani.

Yoswa 1:15

Lino anyonko yaca yacimvya yatandika nu kwikala mu mpanga ino Yawe Leza winu alayapeela, alino lyene mulaswilila nu kuya ikala mu mpanga iyo ino Mose umuomvi wakwe Yawe wamupeela lwaku ufumondaka wa Luzi lwa Yodani.”

Yoswa 1:13

“Mwaiusya ilamulo lino Mose muomvi wakwe Yawe wamupeezile ilyakuti Yawe Leza winu watamupeela upuzo nupya watapeela impanga ii kunomuli.

Kufuma 33:14

Lyene Yawe avwanga ati, “Nene nemwisikulu namapita nawe, nupya nkalenga kuti uye nu mutende.”

Malango 21:10

“Lino Yawe wamupeela ucimvyo umu nkondo nga namwe imusenda yamwi mu uzya,

Yoswa 23:1

Papisile insita ntali ukufuma lino Yawe wapeezile aina Izlaeli ukwikala mutende ku anisi yao ayazingulwike, nga Yoswa nawe walanga watakota cuze.

Ezaya 63:14

Yaipitilanga sile aeneco kwati ing'ombe zino zikuya uku nyika, uku mulemvwe. Umucumi, Yawe aliwe waombanga. Fwandi ali vino Yawe watungulwile antu yakwe nu kuiletela umweneco ululumbi lwa cumi.

Malango 2:36

Yawe Leza witu uwalesile kuti tungapokolola imisumba yonsi, ukutandikila ku Aloeli, mu mbali mbali ya Cifoloma ca Alinoni, ukufika nu ku musumba uwaya pakasi ka cifoloma cici, nzila yonsi ukufika nu ku Gileadi. Kusi umusumba uwakweti ilinga lino lingatuposya kukwela.

Yoswa 1:5

Kusi umuntu nanti wenga alakucimvya we Yoswa, mu manda yonsi aumi wako. Vino nayanga na Mose avino namayanga nawe. Ntalatala inkusye awe, nupya ntalakutazyela foo.

Yoswa 2:24

Inengu zizi izinena Yoswa ziti, “Icumi kwene Yawe watapeela impanga ilya yonsi mu makasa itu. Aikazi yakweneko yonsi yakuizakazila sile ku ntete pamulandu witu.”

Yoswa 11:8

nga Yawe nawe ayapeela mu makasa ya ina Izlaeli. Iyayacimvya nu kuyacocovya nzila yonsi ukufika ku Sidoni Mukulu, nu ku Misilefoti Maimu, nga nu ku Cifoloma ca Mizipa lwaku ufumondaka, suka iyalovya yonsi pyu.

Yoswa 11:12

Yoswa watozile imisumba yonsi ilya ayonona nga akoma na yamwene yakweyo yonsi pyu, wakwe vino Mose umuomvi wakwe Yawe wapeezile ilamulo.

2 Milandu 13:16

Aina Izlaeli mpaka yasuka yutuka aikazi aku Yuda, nga Yawe alenga kuti yacimvye aina Izlaeli.