Yoswa 21:1 - Amazwi Yakwe Leza 2013

¹ Lyene intunguluzi zya ng'anda zya ina Levi iziya kuli simapepo Eleaza, na Yoswa umwana umonsi wakwe Nuni, nga ni ntunguluzi zya ng'anda zya mitundu yuze ya ina Izlaeli.

Yoswa 21:1 Referans Kwoze

Yoswa 14:1

Zii zili mpanga zino aina Izlaeli yapilwe mu Kenani, zizyo zino simapepo Eleaza na Yoswa umwana umonsi wakwe Nuni pamwi ni ntunguluzi zya nko zya mitundu ya ina Izlaeli yankinye kunoyali.

Yoswa 19:51

Vii, vili vipitulwa vya mpanga vino simapepo Eleaza, na Yoswa umwana umonsi wakwe Nuni nga ni ntunguluzi zya nko zya mitundu ya ina Izlaeli yankinye ukupitila mu kupendola ku Syilo pa manso yakwe Yawe pa mulyango wi Taalu lya Ukongano. Vivyo avili vino yamalilile ukwankanya impanga ilya.

Yoswa 17:4

Iyaya kuli simapepo Eleaza, na kuli Yoswa umwana umonsi wakwe Nuni, nu ku ntunguluzi, nga yavwanga yati, “Yawe wapile ilamulo kuli Mose kuti atupeele impanga sweswe na yakalume itu kuti iye icaupyanyi citu.”

Kufuma 6:25

Eleaza umwana umonsi wakwe Aloni, watwite umwana wenga uwamu ana yakaci yakwe Putieli, uwamuvyalile Pineasi. Yakwene ali vikolwe vya mitundu ino ikaamwa na mazina yao, mu mutundu wakwe Levi, uluko nu luko.

Kufuma 6:14

Lubeni iyeli lyakwe Yakobo wakweti ana yani aonsi. Pali Hanoki, Palu, Heziloni, na Kalimi. Yakwene ali vikolwe vya mitindu ino ikaamwa na mazina yao.

Utandiko 49:7

Citipu ciye pa ukali wao, pano wene ukaoofya cuze, nupya citipu ciye pa cipyu cao pano cakalalisya cuze. Ndayapasila mu nko zyakwe Yakobo, nu kuyasalanganyizizya mu nko zyuze zya ina Izlaeli.

Mpendwa 35:1

Yawe anena Mose, ala yali mu manyika aku Moabu, umupipi na Yodani, ulunga na Yeliko, ati,

Mpendwa 35:8

Misumba ino mukupeela aina Levi mulinzile mwaipenda ku mpanga ya ina Izlaeli. Wiyo uwakwata impanga ikulu ali wino mungafumya kweneko imisumba ivuleko. Na wino wakwata impanga icepe, nawe mungafumya kweneko imisumba icepelileko. Cila wensi ali nu kucekulako kamwi aka kupeela ku ina Levi, pa misumba ino wakwata, ukulingana ni mpanga ino wapilwe.”