Yoswa 20:8 - Amazwi Yakwe Leza 2013

⁸ Ukulambuka Luzi lwa Yodani lwaku ufumondaka ukufuma mu Yeliko yasolwile imisumba ii: ukufuma mu mutundu wakwe Lubeni, yasolwile umusumba wa Bezeli pa mpanga itumpuke nupya itambalale mu lwanga, nu musumba wa Lamoti mu mpanga ya Gileadi ukufuma mu mutundu wakwe Gadi, nu musumba wa Golani mu Basyani ukufuma mu mutundu wakwe Manase.

Yoswa 20:8 Referans Kwoze

1 Milandu 6:78

Ukufuma mu mutundu pakasi wakwe Lubeni lwaku mbalama yuze ya Luzi lwa Yodani, ku ufumondaka wakwe Yeliko, yapilwe umusumba wa Bezeli mu lwanga, nu wa Yaaza,

Yoswa 21:36

Ukufuma mu mutundu wakwe Lubeni, yapilwe imisumba ii: Bezeli, Yaazi,

Yoswa 21:38

Ukufuma mu mutundu wakwe Gadi, yapilwe umusumba wa Lamoti mu mpanga ya Gileadi (umusumba wa kuzinamo umuntu wino yapeela umulandu wa utazi wa katwe), ni misumba ii: Maanaimu,

Yoswa 21:27

Inko zya ina Levi izya mu mutundu wakwe Gelisyoni zyapilwe imisumba ii: ukufuma mu luko lwa mutundu pakasi wakwe Manase, zyapilwe Golani umu Basyani (umusumba wa kuzinamo umuntu wino yapeela mulandu wa utazi wa katwe) nga nu musumba wa Besyitela, kumwi ni mpanga yakweyo yamulemvwe iyakucemela mwenemo. Yonsi pamwi yali imisumba iili.

1 Milandu 6:80

Ukufuma mu mutundu wakwe Gadi yapilwe umusumba wa Lamoti mu Gileadi, nu wa Maanaimu,

1 Yamwene 22:6

Acino Aabu akonganika yakasema yakwe ali manye imyanda ini, nga ayuzya ati, “Uzye nje nkalwisye umusumba wa Lamoti Gileadi, nanti foo?” Nayo yamwasuka yati, “Yanga, pano Yawe amaupeela mu makasa yako we mwene.”

Malango 4:43

Amu mutundu wakwe Lubeni yayapile umusumba wa Bezeli, lwaku lwanga lutambalale lwa pa myamba. Amu mutundu wakwe Gadi yayapile umusumba wa Lamoti, uno waya mu mpanga ya Gileadi. Nga amu mupanda wakwe Manase yayapile umusumba wa Golani, mu mpanga ya ina Basyani.

Malango 3:10

Itupoka ni mpanga yonsi yakwe Ogi umwene waku Basyani. Kuli kuti imisumba yonsi iya mulundu utambalale, ukwikapo ni mpanga yaku Gileadi ni yaku Basyani, ukufika nu ku ufumondaka ku misumba ya Saleka na Edilei.”

Yoswa 20:7

Acino iyapaatula umusumba wa Kedesyi mu Galile mu mpanga ya myamba yakwe Nafutali, nu musumba wa Syekemu mu mpanga ya myamba yakwe Efulemu, nga na Kilyati Aliba (kuli kuti Hebuloni) mu mpanga ya myamba yakwe Yuda.

Yoswa 20:9

Iyo kwene iyali ili misumba iya kuutukila kweneko umuntu ali wensi, ciye umwina Izlaeli nanti umwinipamba uwakoma umuntu mu uzanzo nupya kusi ku mufulo. Wene angazina nu kupusuka ku makasa yakwe kalandula wa wazi lino yatali yamupingule pa kaungwe pa manso yi uvi.

2 Yamwene 8:28

Umwene Aaziya wasukilile umwene Yolamu, umwene waku Izlaeli nupya umwana wakwe Aabu, uku kulwisya Hazaeli umwene wa ina Asilya. Ivita vyao vyakomenkine ku Lamoti mu mpanga yaku Gileadi. Na pa nsita ya lwete Yolamu yamucisozile sana ivilonda.