Yoswa 2:24 - Amazwi Yakwe Leza 2013

²⁴ Inengu zizi izinena Yoswa ziti, “Icumi kwene Yawe watapeela impanga ilya yonsi mu makasa itu. Aikazi yakweneko yonsi yakuizakazila sile ku ntete pamulandu witu.”

Yoswa 2:24 Referans Kwoze

Kufuma 23:31

Ndapanga mumpaka ukufuma kuli Yemba Muyenzu mpaka nu kufika kuli Yemba Mukulu wa ina Filisti. Nupya ukufuma ku lwanga mpaka kufika nu kuluzi lwa Yufulate. Ndalenga kuti muye na maka pa antu amu mpanga iyo nu kuyazinga.

Mapinda 25:13

Ivyaya ukuzuka kwakwe cuma umu nsita yakusinza, ali vino inkombe yacisinka yaya kuli wiyo aitumile. Pano ikakolopezya umwenzo wa musambazi wakwe.

Yoswa 5:1

Lino Yamwene yonsi aina Amoli aikalanga ku uwondaka wa Luzi lwa Yodani alino na yamwene yonsi aina Kenani aikalanga mu nkumba yakwe yemba wa Adiliya yuvwa ukuti Yawe watakamya Yodani pa manso ya ina Izlaeli mpaka itusuka itulamba, iyazakaza ku ntete nupya iyatovoka pamulandu wa ina Izlaeli.

Yoswa 1:8

Lupapulo luu lwa masunde lulinzile lwawelengwa lyonsi lino mukupepa. Mulinzile mwalupituluka umusanya nu usiku, pakuti mutekele pakucita vyonsi vino vyalembwa mwenemo. Ndi caya vivyo, lyene mulaya nu longo nupya mutalaposiwa.

Kufuma 15:15

Ndakai intunguluzi zyamu mpanga ya Edomu zyatizisakamikwa. Intunguluzi zyamu mpanga ya Moabu zyatizitandika kuzakaza. Antu yonsi amu mpanga ya Kenani iciyaputula umusana.

Yoswa 2:23

Alino lyene inengu zizi ziili izitandika ukuswilila mwenemo. Izitentemuka imyamba, iziya zilamba uluzi, ziza kuli Yoswa umwana umonsi wakwe Nuni, nga izimunena vyonsi vino vyacitike kunozili.

Yakapingula 7:9

Umu nsita ya usiku ulya Yawe anena Gidyoni ati, “Katukini muye mukazanze insakwe yao. Namupeela ukucimvya pali aliyo.

Yoswa 6:2

Lyene Yawe anena Yoswa ati, “Lola, Natimpeela umusumba wa Yeliko nu mwene wauko nga ni vita vyakweo mu makasa yako. Wewe kumwi ni vita vyako mulinzile ukupita nu kuzinguluka umusumba ulya iila lyonga. Mulinzile ukucita ci pa manda mutanda.

Yoswa 8:1

Lyene Yawe anena Yoswa ati, “Utuvwa intete nanti ukutonsiwa. Senda ivita vyonsi, nga mupite ku kuzanza umusumba wa Ai. Pasi pano natimpeela umwene waku Ai mu makasa yako, kumwi na antu yakwe, umusumba wakwe nga ni mpanga yakwe.

Yakapingula 1:2

Yawe aasuka ati, “Umutundu wakwe Yuda umatandikilapo. Namalenga ukuti impanga iye mu makasa yao.”

Yakapingula 18:10

Lino mwafika kweneko, mulazana ukuti ukwaya antu atange yamutunganye nanda cimwi. Nupya impanga iyo ikulu umwaya konsi kano umuntu akalonda. Fwandi ili mpanga ino Leza wapeela kunomuli.”