Yoswa 2:19 - Amazwi Yakwe Leza 2013

¹⁹ Ndi umwi cilamukumba waca wafumila panzi nu kupita mu misolo, lyene ndi wakomwa ale wailya umwisikulu. Nupya mutaca mutulilile awe. Lelo wensi aalazanwa mu ng'anda pamwi nawe ndi waca wazanzwa, lyene ale twailya sweisikulu!

Yoswa 2:19 Referans Kwoze

Milimo 27:31

Lyene Paulo anena musika wa asilika pamwi na asilika ati, “Ndi mwaleka yakapisya ya wato yapita, ale lyene mutangatuulwa.”

Milimo 18:6

Lino yamukana nu kulanda viipe pali aliwe, wene akunta lukungu ku vizwalo vyakwe kuti ayalange vino wapaluka kunoyali, nga ayanena ati, “Ndi mwalowa, ale umulandu winu mweisikulu! Usi mulandu wane. Ukufuma ndakai namaya ku Akulukuwa.”

Kufuma 12:23

Lino Yawe alasalala mu mpanga ya Eguputo kulenga kuti aina Eguputo yafwe, alalola uwazi ku meema na pali pungwe wa ng'anda inu. Cii cilalenga kuti Yawe atazumilizya mungeli mononyi kuti aingile mu mang'anda inu ku kulenga kuti mufwe.

Kufuma 12:13

Uwazi wa pa meema cilaya cili cimanyililo cakulangilila mang'anda muno mwe ina Izlaeli mukaikala. Lino ndavunuka aina Eguputo, ndi nalola uwazi pa meema ndacilila ng'anda iyo, nga ni mpungo italapona panomuli kuti imonone.

Ayebulai 10:29

Uzye lyene citalalusya ku muntu wino akusula Mwana wakwe Leza? Nu ku muntu wino akalola wazi wa upangano wakwe Leza kwati cintu casilesile uno wamuswefya ku ui? Nu ku muntu wino akatuka Mupasi wino akuleta cikuku? Elenganyini kwipisya kwa kuvunukwa kuno wene alavunukwa!

Filipi 3:9

nu kuilundanya cuze kunoli. Ndakai ntakweti wololoke ukaiza pa kuyela Masunde. Lelo wololoke uno nkweti ukaiza kupitila mu kuya nu utailo muli Klistu, uno ukafuma kuli Leza nupya wimikwa pa utailo.

Milimo 20:26

Caleka namunena icumi nati mu wanda wilelo ndi cakuti wenga uwa munomuli walowa, ale asi pamulandu wane.

Mateo 24:17

Wino ali pi paala lya ng'anda yakwe wene atakike nu kwingila mu ng'anda kuti atoole cimwi asende.

1 Yamwene 2:32

Yawe amavunuka Yoabu pa utazi wa katwe uno wene wacita, pamulandu wakuti wene wakomile antu yaili ku lupanga, ukwaula kuti tata Davidi amanye. Antu yayo yoili amulusile umu kucita ivisuma a Abineli umwana umonsi wakwe Neli nupya musika mukalamba uwa vita vya ina Izlaeli, na Amasa umwana wakwe Yeteli nupya musika mukalamba uwa vita vya ina Yuda.

2 Samueli 4:11

Nga lyene fwandi pa vipondo ivyativikoma umuntu uwakaele lino aizi sile pa musanzi umu ng'anda umwakwe, nemo namalusya ukucita cilanduzi! Namamulandwila pa kumukoma kuno mwamukomile. Mwemo namamulovya pano pansi.”

2 Samueli 1:16

Davidi avwanga nu kuvwanga ati, “Umulomo wako uwakulya. Wewe wemwisikulu watuilandila pa kanwa kako ukuti wakomile umusololwe wakwe Yawe.”

Yoswa 2:14

Alino inengu zizi izimunena iziti, “Swemo twaifima ukufwa pa kupususya umi wako, cikulu sile utanena umwi pali vino tukucita kuno. Lyene lino Yawe alatupeela impanga ii, swemo tulaya acumi kunuli pa kukucitila icisuma.”

Aina Levi 20:11

Monsi wensi wino walongozya na wenga uwamu aci yakwe isi, ala wazewanya isi. Oili umonsi nu mwanaci yalinzile ukukomwa. Ala yaikoma aisikulu.

Aina Levi 20:9

“Yawe apeela malamulo yaa. Muntu wensi uwatipwila isi nanti nyina alinzile ukukomwa. Ala waikoma umwisikulu.

Yoswa 2:12

Caleka, ndakai lapini kunondi mwi zina lyakwe Leza ukuti muli nu kulanga uluse ku ang'anda yane wakwe vino nemo namucitile. Mumpeele ni cimanyililo icakusininkizizya

Yoswa 2:20

Lelo ndi wanena umwi pali vino tukucita kuno, ale lyene tulasapulwa ku kufikilizya umulapo uno walenzile kuti tucite.”

Kufuma 12:22

Mukatole kamusambo kakwe isopu mukatimpike mu lweso lwa wazi wa nyama, alino mukapake uwazi umwi ku meema na pali pungwe wa ng'anda inu. Muntu nanti wenga atakafume mu ng'anda kufika katondo.